1 Yohane 2:22 - AHYERƐLƐ KRONGRON

²² Nwa yeɛ ɔte ngondomboniɛ ɔ? Sona bɔ onne Yesu ndo nu kyɛ ye ole Kristo ne. Sɔ sona ne te antikristo, ofikyɛ onne Baba ne ɔne Baa ne ndo nu.

1 Yohane 2:22 Iomraidhean Croise

Mateo 24:24

Ɔnate kyɛ, kristo ngondombofoɛ ne ngɔmhyɛlɛfoɛ ngondombofoɛ kodwɔso, na bɛkɔyɔ nzɛngyerɛnneɛ ne anwanwadeɛ mbiri mbiri, bɔ ɔkɔhora kɔwa kyɛ, bɛkɔlakalaka bɛ bɔ Nyameɛ aneanea nu waye bɛ ne po.

Mateo 24:5

Ofikyɛ mmenia pee bele me dumaa bɛkɔwa bɛkɔɔhã kyɛ, ‘Me ole Kristo ne,’ na bɛkɔlakalaka mmenia pee.

Yohane 8:44

Ɛmɔ de, ɛmɔ baba bɔ ɛmɔfi ye nu ole abɔnzam, na ɛmɔ baba n’apɛdeɛ yeɛ ɛmɔkuro kyɛ ɛmɔyɔ ɔ. Ɔte wudiniɛ fi ahyɛaseɛ ne; na ollili nahorɛ le, ɔnate kyɛ nahorɛ biala nne ye nu. Sɛ ɔkã ngondombo dwirɛ a, kyɛbɔ ye sue te ne ala yeɛ ɔkã ɔ, ofikyɛ ɔte ngondomboniɛ ne ngondombo baba.

1 Yohane 1:6

Yiti sɛ yɛkã kyɛ yɛne ye atira abiɛngoɛ, nakoso yɛnate awosii nu a, né ye de yɛlaka, na yɛmmɔ yɛ bra wɔ nahorɛ nu.

1 Yohane 2:18

Me mma mɔ, ayieleɛ mmerɛ ne apingye. Na kyɛbɔ ɛmɔate ye daa kyɛ antikristo ne ɔ́ba ne, sɔ ala yeɛ kekesaala ye antikristo pee bawa ɔ; na ɛhe maa yɛnwu ye kyɛ ayieleɛ ne ala ɛne.

1 Yohane 2:23

Sona biala bɔ onne Baa ne ndo nu ne, onne Baba ne koso ndo nu, nakoso ebiala bɔ ode Baa ne to nu ne, ode Baba ne koso to nu.

1 Yohane 2:4

Na sona bɔ ɔkã kyɛ, “Mese ye”, nakoso onni ye ahyɛdeɛ so ne, ɔte ngondomboniɛ, na nahorɛ nne ye nu.

1 Yohane 4:20

Na sɛ ebie kã kyɛ “Mekuro Nyameɛ dwirɛ”, nakoso ɔpɔ oliɛma a, né ɔte ngondomboniɛ, ofikyɛ sɛ ebie nguro oliɛma bɔ onwu ye ne dwirɛ a, ɔkɔyɛ sɛɛ ná wahora wahuro Nyameɛ bɔ onnwu ye ne dwirɛ?

1 Yohane 4:3

Nakoso sunzum biala bɔ onne ndo nu kyɛ Yesu Kristo awa anwoɔnaen nu ne, ɔtte Nyameɛ deɛ, na mmom ɔte antikristo bɔ ɛmɔate kyɛ ɔba ná wanya wawa wiase ne deɛ.

1 Yohane 5:1

Ebiala bɔ ode di kyɛ Yesu ole Kristo ne te Nyameɛ awa. Na ebiala bɔ okuro Baba ne dwirɛ ne, okuro Baa ne koso dwirɛ.

2 Yohane 1:7

Ofikyɛ nnakannakafoɛ pee bawa wiase, na bɛ yeɛ benne bɛndo nu kyɛ Yesu Kristo awa anwoɔnaen nu waayɛ kuro sona ɔ. Na sona biala bɔ ɔyɔ sɔ ne, ɔte ngondomboniɛ ne antikristo.

Yuda 1:4

Ofikyɛ mmenia biemɔ bawuawua bɛ nwo baawura ɛmɔ nu, mmenia bɔ ofi tetetete bahyerɛ bɛ nwo dwirɛ bato berɛ bama ndɛenbualɛ he, amumuyɛɛfoɛ bɔ bafa yɛ Nyameɛ adom ne bakakyi ahowibra, ná bɛpo Awurade Yesu Kristo bɔ ɔte yɛ Meneɛ komapɛ ne ɔ.

Nyekyire 3:9

Tie, ngɔfa bɛ bɔ befi Satan nyianu sua nu, bɔ bɛnwa bɛte Yudafoɛ, nakoso bɛtte sɔ ne, na mmom bɛpɛ ngondombo ne ngɔma wɔ. Tie, ngɔmaa bɛkɔɔkoto wɔ gya bo, ná banwu kyɛ mekuro wɔ dwirɛ.