1 Yohane 2:21 - AHYERƐLƐ KRONGRON

²¹ Nna kyɛ ɛmɔnze nahorɛ ne ti yeɛ mekyerɛ he mebrɛ ɛmɔ ɔ, na mmom kyɛ ɛmɔse, na afei ɛmɔsa bɛse kyɛ ngondombo biala mvi nahorɛ nu mma.

1 Yohane 2:21 Iomraidhean Croise

Anyandera 1:5

Odi kyɛ nworɛfoɛ betie benya nimdeɛ pee, ná nimdeɛfoɛ koso fa so bɛma b’adwene nu pi,

Yohane 18:37

Yeɛ Pilato bisale ye kyɛ, “Yiti ɛte ɛhene ɛne?” Na Yesu buale kyɛ, “Wɔ yeɛ ɛkã kyɛ nde ɛhene ɔ. Me de, ɛhe ati yeɛ bɛwole me ɔ, na ɛhe ati yeɛ mawa wiase ɔ, kyɛ mebaali nahorɛ ne nwo adanzeɛ. Na ebiala bɔ ofi nahorɛ ne anu ne, otie me dwirɛ.”

Yohane 8:44

Ɛmɔ de, ɛmɔ baba bɔ ɛmɔfi ye nu ole abɔnzam, na ɛmɔ baba n’apɛdeɛ yeɛ ɛmɔkuro kyɛ ɛmɔyɔ ɔ. Ɔte wudiniɛ fi ahyɛaseɛ ne; na ollili nahorɛ le, ɔnate kyɛ nahorɛ biala nne ye nu. Sɛ ɔkã ngondombo dwirɛ a, kyɛbɔ ye sue te ne ala yeɛ ɔkã ɔ, ofikyɛ ɔte ngondomboniɛ ne ngondombo baba.

Yakobo 1:19

Aliɛmaa adɔfo mɔ, ɛ́mɔtie ɛhe yé. Ɔsɛ kyɛ sona biala yɛ ndɛ tie, nnɛmaa ɔpe ndɛen dwudwo, nnɛmaa ɔpe ndɛen fɛ yaa;

2 Petro 1:12

Yiti mengobu me nye mengogua so kyɛ ngɔkaye ɛmɔ wɔ ɛhemɔ anwo daa biala, ɔwɔ nu kyɛ ɛmɔse sɔ dada, na ɛmɔatira ndii wɔ nahorɛ bɔ ɛmɔanya ye ne anu.

1 Yohane 3:19

Ɛhe yeɛ ɔmaa yɛnwu ye kyɛ nahorɛ ne wɔ yɛ nu ɔ, amaa y’ahone atɔ yɛ kunu wɔ ye nyunu:

Yuda 1:5

Ɔwɔ nu kyɛ ɛmɔse ɛhemɔ dada de, nakoso mepena kyɛ mebɔ ɛmɔ so, kyɛ Awurade bɔ olele maen ne fili Misraim aseɛ so ne, nziɛ ye, ohuhuni bɛ bɔ banne banni ne.