1 Yohane 2:19 - AHYERƐLƐ KRONGRON

¹⁹ Befi yɛ nu yeɛ bɛhɔle ɔ, nakoso né bɛmmɔ yɛ fekue ne bie. Ofikyɛ sɛ bɛbɔ yɛ fekue ne bie a, ahaa bɛ ne yɛ hɔle so tenane. Na bafi yɛ nu maa wala ali kyɛ bɛ mukoraa bɛmmɔ yɛ fekue ne bie.

1 Yohane 2:19 Iomraidhean Croise

YOB NWOMAA NE 17:9

Nakoso sona bɔ ɔtengyɛ de, ye atee so yeɛ ɔnate ɔ, yeɛ bɛ bɔ bɛ bra te sannwuu ne, bɛkɔ so benya anwoserɛ.

Edwein 37:28

Ofikyɛ AWURADE kuro ndɛenbualɛ turoloo, na ɔngɔpo ye anwoteefoɛ. Ɔkɔbɔ anwoteefoɛ nwo waen afebɔɔ, nakoso bɔnefoɛ boso ama de, bɛ boso konua.

Edwein 41:9

Mmiɛngo bɔ mede ye medi paa, bɔ yeɛ me ne ye yɛto asaa yɛdidi ne, ye yeɛ waye me wama ɔ.

Mateo 24:24

Ɔnate kyɛ, kristo ngondombofoɛ ne ngɔmhyɛlɛfoɛ ngondombofoɛ kodwɔso, na bɛkɔyɔ nzɛngyerɛnneɛ ne anwanwadeɛ mbiri mbiri, bɔ ɔkɔhora kɔwa kyɛ, bɛkɔlakalaka bɛ bɔ Nyameɛ aneanea nu waye bɛ ne po.

Marko 13:22

Ɔnate kyɛ, kristo ngondombofoɛ ne ngɔmhyɛlɛfoɛ ngondombofoɛ kodwɔso, na bɛkɔyɔ nzɛngyerɛnneɛ ne anwanwadeɛ mɔ, na sɛ ɔkɔyɛ yee a, bɛkɔlakalaka bɛ bɔ Nyameɛ aneanea nu waye bɛ ne po.

Luka 8:13

Nyɔbotaen so deɛ ne ole mmenia bɔ bɛte dwirɛ ne a, bede bɛto nu anigye so; nakoso bendira ndii, bede bedi mmerɛ kãa bie, na sɛ nzɔhwɛ mmerɛ ba a, bɛyakyi bɛ gyidie nu.

Yohane 15:2

Me nwo mmaen biala bɔ onzu mmaa ne, ɔpɛ to; na mmaen biala bɔ osu mmaa ne de, ɔye ye nwo, amaa ɔnate so wasu mmaa pee.

Yohane 4:14

Nakoso ebiala bɔ ɔkɔno nzue bɔ ngɔma ye bie ne de, nzuhɔen ngohũ ye le. Na nzue bɔ ngɔfa ngɔma ye ne, ɔkɔyɛ nzue abura wɔ ye nu bɔ opu kɔ daa ngoa nu ɔ.”

Asomafoɛ 15:24

Yate kyɛ yɛ nu biemɔ bɔ nna yɛ yeɛ yɛsomane bɛ ɔ bawa ɛmɔ berɛ baahã edwirɛ bafa babiri ɛmɔ nye so bama ɛmɔ adwene ayɛ ɛmɔ naa.

Asomafoɛ 20:30

Asa koso, ɛmɔ bɔbɔ bɛ nu mmenia ne bie kodwɔso ná baha ngondombo dwirɛ bafa bahwe agyidifoɛ ne bie bali bɛ si.

Romanfoɛ 9:6

Nna kyɛ ebiaa Nyameɛ dwirɛ ne ayɛ mbaen ɔ, ofikyɛ nna bɛ bɔ befi Yisrael nu amukoraa yeɛ bɛte Yisraelfoɛ ɔ.

1 Korintofoɛ 11:19

Yoo, ye nwo kohia kyɛ fekue fekue kɔwa ɛmɔ nu ɔ, na ɛhe kɔma ɛmɔ nu mmenia bɔ bɛnate nahorɛ atee so ne, bɛ nwo kɔla nzorɛ.

Deuteronomi 13:13

busuefoɛ biemɔ adwɔso wɔ ɛmɔ nu, na balakalaka kuro ne anu mmenia kyɛ, ‘Ɛ́mɔma yɛɛso nyameɛ foforɛ biemɔ’ (nyameɛ mɔ bɔ ɛmɔnze bɛ a),

2 Timoteo 2:10

Yiti ɔnate mmenia bɔ baneanea nu baye bɛ ne ati, memia me nye menwu amaneɛ mukoraa, amaa ɔnate so bɛ koso banya ngoalelɛ bɔ ɔwɔ Kristo Yesu nu ne ɔne animnyam afebɔɔ ne.

2 Timoteo 2:19

Nakoso Nyameɛ fapem ne, ogyi berɛ pindinn, bɔ nzɔanoɛ he sɔ ye noa ɔ: “Awurade se bɛ bɔ bɛte ye deɛ”, yeɛ “Ma ebiala bɔ ɔbɔ Awurade dumaa ne ɔhwe ye nwo fi amumuyɛɛ nwo.”

2 Timoteo 3:9

Nakoso bɔ bɛyɔ ne ongoosi pasiliwa biala, ofikyɛ bɛ ngwaseasɛm ne kɔla ali wɔ mmenia amukoraa nyunu, kyɛbɔ mmenia nyɔ ne deɛ yɛle ne.

Hebrifoɛ 10:39

Nakoso yɛ de, yɛbboka mmenia bɔ besa bɛ si bɛkɔ sɛkyelɛ nu ne aso; na mmom yɛboka bɛ bɔ bede bedi ná bɛ kra nya daa ngoa ne aso.

2 Yohane 1:7

Ofikyɛ nnakannakafoɛ pee bawa wiase, na bɛ yeɛ benne bɛndo nu kyɛ Yesu Kristo awa anwoɔnaen nu waayɛ kuro sona ɔ. Na sona biala bɔ ɔyɔ sɔ ne, ɔte ngondomboniɛ ne antikristo.

Yuda 1:1

Yuda bɔ nde Yesu Kristo akoaa ne Yakobo aliɛma, mefa mebrɛ bɛ bɔ bafrɛ bɛ, bɔ bɛla Baba Nyameɛ ahone nwo, bɔ wafa bɛ wasie wɔ Yesu Kristo nu ɔ.

Yuda 1:19

Bɛ yeɛ bɛfa mbakyembakyemuɛ bɛba ɔ, Sunzum ne ɔnne bɛ nu, na bɛte mmenia bɔ bedi anwoɔnaen si ɔ.