1 Yohane 2:18 - AHYERƐLƐ KRONGRON

¹⁸ Me mma mɔ, ayieleɛ mmerɛ ne apingye. Na kyɛbɔ ɛmɔate ye daa kyɛ antikristo ne ɔ́ba ne, sɔ ala yeɛ kekesaala ye antikristo pee bawa ɔ; na ɛhe maa yɛnwu ye kyɛ ayieleɛ ne ala ɛne.

1 Yohane 2:18 Iomraidhean Croise

Mateo 24:11

Na ngɔmhyɛlɛfoɛ ngondombofoɛ pee bekodwɔso, ná balakalaka mmenia pee.

Mateo 24:24

Ɔnate kyɛ, kristo ngondombofoɛ ne ngɔmhyɛlɛfoɛ ngondombofoɛ kodwɔso, na bɛkɔyɔ nzɛngyerɛnneɛ ne anwanwadeɛ mbiri mbiri, bɔ ɔkɔhora kɔwa kyɛ, bɛkɔlakalaka bɛ bɔ Nyameɛ aneanea nu waye bɛ ne po.

Mateo 24:5

Ofikyɛ mmenia pee bele me dumaa bɛkɔwa bɛkɔɔhã kyɛ, ‘Me ole Kristo ne,’ na bɛkɔlakalaka mmenia pee.

Marko 13:6

Ofikyɛ mmenia pee bele me dumaa bɛkɔwa bɛkɔɔhã kyɛ, ‘Me ole ye,’ na bɛkɔlakalaka mmenia pee.

Yohane 21:5

Na Yesu bisale bɛ kyɛ, “Biamɔ, ɛmɔanya naen anaa?” Na bebuale ye kyɛ, “Daabi oo!”

Romanfoɛ 13:11

Na ɛhemɔ asi ne, ɛmɔse mmerɛ ne, kyɛ mmerɛ aso kyɛ ɛmɔtingye befi nnaa nu ɔ. Ofikyɛ yɛ ngoalelɛ ne wapingye watra mmerɛ bɔ yɛɛyɛle agyidifoɛ ɔ.

Romanfoɛ 13:12

Aleɛ sane ɔ ahyɛ, na alehyeleɛ apingye. Yiti ɛ́mɔma yɛgyi awosii nu yɔleɛ nemɔ yɛgua, ná yɛfa kanea nu akodeɛ yɛwura.

Hebrifoɛ 1:2

nakoso ngyẽa bɔ oli nziɛ ye anu de, wafa Ɔwa ne aso yeɛ wadwudwo wahyire yɛ ɔ, ye bɔ wama agyapadeɛ amukoraa wayɛ ye deɛ, ye bɔ ɔnate ye so yeɛ ɔbɔle wiase amukoraa ɔ.

1 Petro 1:20

Ye yeɛ bɛyele ye besiele berɛ koraka yeɛ bɛbaabɔ wiase ɔ, nakoso ɔnate ɛmɔ ti yeɛ bala ye ali bahyire wɔ mmerɛ bɔ oli nziɛ ye anu ɔ.

1 Petro 1:5

bɔ bɛnate gyidie so bɛbɔ ɛmɔ nwo waen wɔ Nyameɛ tumi nu, bɔ ɔkɔ ngoalelɛ bɔ basiesie kyɛ bɛbaala ye ali wɔ mmerɛ bɔ oli nziɛ ne anu ne.

1 Petro 4:7

Nakoso nningyein amukoraa ayieleɛ apingye; yiti ɛ́mɔnya adwene paa ná ɛ́mɔma ɛmɔ nye la berɛ ma mbaeɛbɔlɛ.

2 Petro 2:1

Na ngɔmhyɛlɛfoɛ ngondombofoɛ bedwɔsole maen ne anu, kyɛbɔ akyerɛkyerɛfoɛ ngondombofoɛ bekodwɔso wɔ ɛmɔ nu koso ne. Bɛ yeɛ bɛkɔfeafea bɛ nwo bɛkɔfa ngyerɛkyerɛ tɛɛ bɔ ɔsɛkye mmenia bekoowura nu ɔ, na bɛkɔpo Awurade bɔ ɔɔpɔle bɛ ná olele bɛ ne po, na bɛkɔtwetwe ɛsɛkyelɛ bɔ ɔba ndɛndɛ ɔ bɛkɔbrɛ bɛ nwo.

2 Petro 3:3

Na ɔsɛ kyɛ ɛmɔdi moa bɛte ɛhe bo, kyɛ, ngyẽa bɔ oli nziɛ ye anu, ngorohoɛfoɛ kodwɔso, na bekoli bɛ bɔbɔ b’akɔnnɔ si bekoli ngorohoɛ;

1 Yohane 2:22

Nwa yeɛ ɔte ngondomboniɛ ɔ? Sona bɔ onne Yesu ndo nu kyɛ ye ole Kristo ne. Sɔ sona ne te antikristo, ofikyɛ onne Baba ne ɔne Baa ne ndo nu.

1 Yohane 4:1

Aliɛmaa mɔ, nna sunzum biala yeɛ ɔsɛ kyɛ ɛmɔde ye bedi ɔ, na mmom ɛmɔso sunzum nemɔ bɛnea sɛ aso bɛte Nyameɛ deɛ anaa; ofikyɛ ngondombo ngɔmhyɛlɛfoɛ pee badwɔso wɔ wiase.

1 Yohane 4:3

Nakoso sunzum biala bɔ onne ndo nu kyɛ Yesu Kristo awa anwoɔnaen nu ne, ɔtte Nyameɛ deɛ, na mmom ɔte antikristo bɔ ɛmɔate kyɛ ɔba ná wanya wawa wiase ne deɛ.

2 Yohane 1:7

Ofikyɛ nnakannakafoɛ pee bawa wiase, na bɛ yeɛ benne bɛndo nu kyɛ Yesu Kristo awa anwoɔnaen nu waayɛ kuro sona ɔ. Na sona biala bɔ ɔyɔ sɔ ne, ɔte ngondomboniɛ ne antikristo.

Yuda 1:18

Bɛhã behyirele ɛmɔ kyɛ, “Mmerɛ bɔ oli nziɛ ne anu, ngorohoɛfoɛ kodwɔso, na bekoli bɛ bɔbɔ b’akɔnnɔ si.”