1 Yohane 2:16 - AHYERƐLƐ KRONGRON

¹⁶ Ofikyɛ bɔ ɔwɔ wiase amukoraa: anwoɔnaen akɔnnɔ, anyeboroborolɛ, asetena nu anwohoahoa offi Baba ne berɛ, na mmom ofi wiase.

1 Yohane 2:16 Iomraidhean Croise

Gyenesise 3:6

Na braa ne nwuni kyɛ saa bedi bakaa ne mma a ɔyɛ yee, ɔyɛ nyemene, na ɔkora ma sona nwu nworɛ. Yiti ɔtele ye mma ne bie lili, ɔmane ohu ne koso bie, na ye koso olili.

Gyenesise 6:2

Nyameɛ mma nemɔ benwuni kyɛ mmenia mma mmrasua nemɔ bɛ nwo yɛ nyemene, yiti begyigyale bɛ nu biala bɔ bekuro ɔ.

YOB NWOMAA NE 31:1

“Me ne me nye yayɛ apam, nzu ati yeɛ brasua bɔ onnwuni biaa le ne, odi kyɛ menea ye wɔ ehurolɛ atee so ɔ.

Edwein 73:6

Yiti bafa anwomasoɛ baya kyɛ akomuade; bahera basabasayɔlɛ kyɛ ɛtena.

Edwein 78:18

Besole Nyameɛ bɛneane wɔ b’ahone nu, ofikyɛ bebisale aleɛ bɔ bɛ komvi wɔ so ɔ kitii.

Edwein 78:30

Nakoso mmerɛ bɔ né bɛ komvi tɛwɔ so, bɔ né aleɛ ne tɛ wura bɛ noa nu ne,

Anyandera 27:20

Kyɛbɔ ɛborɔ ne Abadɔn bɛ ko nyi le ne, sɔ ala yeɛ kuro sona nye ɔneanea a ɔmvɛ ɔ.

Anyandera 6:25

Nnɛdi ye anwonyemene si ekuro ye, yeɛ nnɛmaa ɔfa ye ndo nwiaa ne ɔkye w’adwene.

Daniel 4:30

na osele kyɛ, “Babilɔn yeɛ wayɛ piri sɔa e! Aso nna me tumi piri yeɛ mafa makyekye kuro ye maa wayɛ m’ahenguro, bɔ mefa meye m’ahennie animnyam ali ɔ?”

Numeri 11:34

Yiti bɛfrɛle berɛ Kibrote Hataawa, ofikyɛ berɛ yeɛ besiele mmenia bɔ benyane akɔnnɔ tɛɛ ne ɔ.

Numeri 11:4

Mmenia bɔ bɛɛfrafrale Yisraelfoɛ nu ne bɛ komvi wale aleɛ biemɔ aso. Na Yisraelfoɛ sá bɔle awuye kyɛ, “Yɛnyane naen a ahaa yɛkoli!

Mateo 4:8

Yeɛ abɔnzam fale ye bieku hɔle bokaa tendenn bie aso, na ohyirele ye ewiase ahennie amukoraa ne nu animnyam;

Mateo 5:28

Nakoso me de, mekã mekyire ɛmɔ kyɛ, ebiala bɔ ɔkɔnea brasua ná ye nwo kɔyɛ ye akɔnnɔ ne, né wafa ye dada ye wɔ ahone nu.

Luka 4:5

Afei abɔnzam fale ye hɔle bokaa bie aso anwuro anwuro, na ohyirele ye ewiase ahennie amukoraa maa ɔpɛle ye nye so frɛ,

Romanfoɛ 13:14

Na mmom ɛ́mɔfa Awurade Yesu Kristo akodeɛ ne bewura, yeɛ nnɛma ɛmɔdi anwoɔnaen akɔnnɔ si bɛyɔ ye apɛdeɛ bɛma ye.

1 Korintofoɛ 10:6

Na ɛhemɔ te kɔkɔbɔlɛ ma yɛ, amaa yanni bɔne si kyɛbɔ belili ne.

Galatiafoɛ 5:17

Ofikyɛ anwoɔnaen akɔnnɔ ko tia Sunzum ne, na Sunzum koso ko tia anwoɔnaen akɔnnɔ ne. Bɛ munyɔ benyia, yiti ɔmaa ɛmɔngora nyɔ nikyee bɔ ɛmɔkuro kyɛ ɛmɔyɔ ɔ.

Galatiafoɛ 5:24

Na bɛ bɔ bɛte Kristo Yesu deɛ ne, babɔ anwoɔnaen ne ne ye akɔnnɔ, ɔne bɔ ɔhyɛ anwoɔnaen ne aso mmeamudua nu.

Ɛfesofoɛ 2:3

Na sɔ nningyein nemɔ anu yeɛ daa ne, yɛ mukoraa yɛfale so yɛbɔle yɛ bra wɔ anwoɔnaen akɔnnɔ nu, ná yɛlili anwoɔnaen ne adwene apɛdeɛ si ɔ; na kyɛbɔ yɛ sue te ne, yɛyɛle mmenia bɔ Nyameɛ ahone ahu bɛ so ɔ, kyɛ mmenia bɔ baha ne ala.

Tito 2:12

Na okyirekyire yɛ, kyɛ, yɛ́gyi bra fiɛ ne wiase akɔnnɔ yɛ́gua, kyɛ yɛ́nya anwohyɛsoɛ, ná yɛ́fa tenenee ne nyamesom paa yɛtena wiase he anu,

Tito 3:3

Ofikyɛ daa ne de, né yɛ koso yɛte ngwaseafoɛ, asoserɛfoɛ, bɛmaa yɛlili makyebu, yɛyɛle anwoɔnaen akɔnnɔ ne anigye ahoroɔ ngoaa, yɛfale nzɛmmɔne ne anyeboroborolɛ yɛbɔle yɛ bra, mmenia pɔle yɛ, na yɛ wora yɛpɔle bɛ.

Yakobo 3:15

Sɔ nworɛ he de, nna anwuro yeɛ ofi ɔ, na mmom ɔte aseɛ so deɛ; nna sunzum nu deɛ ɔ, na ɔte sunzummɔne mɔ deɛ.

Yakobo 4:16

Nakoso ɛmɔhoahoa ɛmɔ nwo wɔ ɛmɔ anwomasoɛ nu; na sɔ anwomasoɛ ne amukoraa te bɔne.

Yosua 7:21

Nwuni aguasoɛ nyemenenyemene bie bɔ bɛyɔle ye wɔ Sinari, ɛdwetɛ kilo nyɔ, ɔne sikaa kɔkorɛ bɔ nu nonɛ te kilo bue wɔ koɛ nu nzesadeɛ ne anu. Me nye yɛle bɛ nwo koakoa, na nzesale. Mafu mawura ase wɔ me tena sua ne anu, na ɛdwetɛ ne yeɛ ɔwɔ ye bo paa ɔ.”

1 Petro 1:14

Ɛ́mɔyɛ kyɛ ngwadaa bɔ bɛ so yɛ mmerɛ ɔ, na akɔnnɔ bra bɔ daa ne né ɛmɔnze ti ɛmɔbɔle ne, nnɛma ɛmɔsa bekodi ye si.

1 Petro 2:11

Adɔfo mɔ, mesrɛ ɛmɔ, ɛmɔte ɛwɔfoɛ ne amanvrafoɛ, yiti anwoɔnaen akɔnnɔ bɔ ɔko tia ɛmɔ kra ne, ɛmɔhwe ɛmɔ nwo befi ye nwo.

2 Petro 2:10

nganga bɛ bɔ bedi anwoɔnaen akɔnnɔ fiɛ si, ná bebu tumililɛ animtia ɔ. Besi b’ahone, bedi bɛ ti piri, na benzuro kyɛ bɛkɔkekã dwirɛ bekotia animnyamfoɛ nemɔ ɔ.

2 Petro 2:18

Ofikyɛ bɛbobɔ bɛ noa nu bɛkekã anwomasoɛ dwirɛ mbaen mbaen, na bɛnate anwoɔnaen akɔnnɔ nu bɛfa ahohwisɛm bɛlakalaka bɛ bɔ begu so bɛnwati befi mmenia bɔ bɛbɔ azanzabra nemɔ bɛ mvomsoɛ nu ɔ.