1 Yohane 2:15 - AHYERƐLƐ KRONGRON

¹⁵ Nnɛma ɛmɔkuro ewiase anaa nu nningyein dwirɛ. Na sɛ ebie kuro ewiase dwirɛ a, né Baba ne dɔ nne ye nu.

1 Yohane 2:15 Iomraidhean Croise

Mateo 4:8

Yeɛ abɔnzam fale ye bieku hɔle bokaa tendenn bie aso, na ohyirele ye ewiase ahennie amukoraa ne nu animnyam;

Mateo 6:24

“Sona biala ngora nzo meneɛ nyɔ; ofikyɛ ɔba ye sɔ a, ɔkɔpɔ ko, né wahuro ko dwirɛ; anaakyɛ ɔkɔso ko nahorɛ nu, né wabu ko animtia. Ɛmɔngɔhora ngɔso Nyameɛ ne anwonyadeɛ.

Luka 16:13

“Akoaa biala ngɔhora ngɔso meneɛ nyɔ; ofikyɛ ɔba ye sɔ a, ɔkɔpɔ ko, né wahuro ko dwirɛ, anaakyɛ ɔkɔso ko nahorɛ nu, né wabu ko animtia. Ɛmɔngɔhora ngɔso Nyameɛ ne anwonyadeɛ.”

Yohane 15:19

Sɛ ɛmɔfi wiase a, ahaa wiase kohuro ɛmɔ dwirɛ kyɛ ye bɔbɔ ye deɛ. Na ɔnate kyɛ nna wiase yeɛ ɛmɔfi ɔ, na mmom me yeɛ maneanea nu maye ɛmɔ mafi wiase ne ati, yiti yeɛ ɔma wiase pɔ ɛmɔ ne.

Romanfoɛ 12:2

Nnɛma ɛmɔyɛ ɛmɔ nwo kyɛ wiase he, na mmom ɛ́mɔma ɛmɔ adwene nu foforɛyɛlɛ ne ɔsakyera ɛmɔ, amaa ɔnate so ɛmɔanwu bɔ ɔte Nyameɛ apɛdeɛ ɔ, bɔ ɔte paa, ɔsɔ anyeɛ ná odi mu ɔ.

Galatiafoɛ 1:10

Afei, kuro sona, anaa Nyameɛ yeɛ mepena kyɛ ɔkamvo me ɔ? Anaa mepena kyɛ mesɔ adasa nye? Sɛ kuro sona yeɛ ngu so mesɔ ye nye a, ahaa nnde Kristo akoaa.

Ɛfesofoɛ 2:2

bɔ daa ne, ɛmɔbɔle ɛmɔ bra kyɛbɔ wiase brabɔlɛ te ɔ, bɔ ɛmɔlili ewienu tumi panyi ne si, bɔ ɔte sunzum bɔ kekesaala ye odi dwumaa wɔ asoserɛfoɛ nu ne.

1 Timoteo 6:10

Ofikyɛ bɔne amukoraa ndii ole sikanyeboro, bɔ ebiemɔ ali ye si bali makyebu bafi gyidie ne anwo, bɔ yiti bahwehwe aworabɔlɛ pee babrɛ bɛ nwo ɔ.

Yakobo 1:27

Nyameɛsom bɔ ye nwo te bɔ efiɛ nne ye nwo wɔ Baba Nyameɛ nyunu ɛhe: kyɛ ɛkɔɔnea nyisiaa ne akunafoɛ wɔ b’amaneɛnwunɛ nu, ɔne kyɛ ɛkɔhwe wɔ nwo kofi wiase bra basabasa nu ɔ.

Yakobo 4:4

Agyaasɛkyelɛfoɛ! Ɛmɔnze kyɛ sɛ ɛmɔfa wiase abiɛngoɛ a, né ɛmɔpɔ Nyameɛ ɔ? Yiti ebiala bɔ okuro kyɛ ɔfa wiase abiɛngoɛ ne, ɔte Nyameɛ pɔfoɛ.

1 Yohane 3:17

Nakoso sɛ ebie le wiase anwonyadeɛ, ná sɛ onwu kyɛ oliɛma nwo kyere ye, ná wannwu ye anwumvoin a, né Nyameɛ dɔ ne te ye nu sɛ?

1 Yohane 4:5

Nakoso bɛ de bɛte wiase deɛ, yiti ewiase dwirɛ yeɛ bɛkã ɔ, na ewiase koso tie bɛ dwirɛ.

1 Yohane 5:10

Yiti ebiala bɔ ode Nyameɛ Awa ne di ne, ole sɔ adanzeɛ ne wɔ ye ahone nu. Nakoso ebiala bɔ onne Nyameɛ nni ne, ɔma Nyameɛ yɛ ngondomboniɛ, ofikyɛ onne adanzeɛ bɔ Nyameɛ wali wafa Ɔwa ne nwo nni.