1 Yohane 2:14 - AHYERƐLƐ KRONGRON

¹⁴ Ngya mɔ, mahyerɛ he mabrɛ ɛmɔ, ofikyɛ ɛmɔse bɔ né ɔwɔ berɛ ahyɛaseɛ ne. Mmerandeɛ mɔ koso mahyerɛ he mabrɛ ɛmɔ, ofikyɛ ɛmɔatindim, Nyameɛ dwirɛ ne te ɛmɔ nu, na ɛmɔali bɔnefoɛ ne so ngonim.

1 Yohane 2:14 Iomraidhean Croise

Edwein 119:11

Mafa wɔ dwirɛ ne masie me ti anu, amaa ɔnate so manyɔ bɔne mandia wɔ.

Yohane 15:7

Sɛ ɛmɔtena me nu, ná me dwirɛ tena ɛmɔ nu a, ɛmɔkobisa bɔ ɛmɔkuro biala, na ɔkɔyɛ berɛ kɔma ɛmɔ.

Yohane 5:38

yeɛ ɛmɔmma ye dwirɛ ne ndena ɛmɔ nu, ofikyɛ bɔ ɔsomane ye ne, ɛmɔnne ye benni.

Yohane 8:31

Yeɛ Yesu sele Yudafoɛ bɔ belele ye belili ne kyɛ, “Sɛ ɛmɔtira me dwirɛ ne anu a, ye de ɛmɔte m’asuafoɛ amba,

Yohane 8:37

Mese kyɛ ɛmɔte Abraham bosofoɛ, nakoso ɛmɔpena me beku me, ofikyɛ me dwirɛ ne onnya nekaa ndena wɔ ɛmɔ nu.

Ɛfesofoɛ 6:10

Bɔ ɔpɛ ye bo ɔ, aliɛmaa mɔ, ɛ́mɔma ɛmɔ nwo yɛ se wɔ Awurade nu, ɔne ye anwoserɛ tumi ne anu.

Filipifoɛ 4:13

na mekora meyɔ nnningyein amukoraa wɔ Kristo bɔ ɔma me anwoserɛ ne anu.

Kolosefoɛ 1:11

Yɛsrɛ kyɛ ɔma ɛmɔ tumi amukoraa ma ɛmɔgyina pindinn, kyɛbɔ ye animnyam tumi te ne, ná ɛmɔahora bafa aboterɛ ne animia amukoraa bagyina wɔ anigye nu,

Kolosefoɛ 3:16

Ɛ́mɔma Kristo dwirɛ ne oyi ɛmɔ nu tɛkyɛ, ɛmɔhyirehyire ná ɛ́mɔfa nworɛ mukoraa betutu ɛmɔ nwo foɛ. Ɛ́mɔto sangoo dwein, ayɛyelɛ dwein, ɔne sunzum nu dwein bɔ ɔte ahone nu asennaa bɛ́ma Nyameɛ.

2 Timoteo 2:1

Yiti mma, ma wɔ nwo yɛ se wɔ adom bɔ ɔwɔ Kristo Yesu nu ne anu.

Hebrifoɛ 8:10

Na sɔ ngyẽa ne asi ne, apam bɔ me ne Yisrael awuro ama yɛkɔhyehyɛ hɔ ɛhe, Awurade noa dwirɛ ɛne: Ngɔfa me mmeraa ngowura b’adwene nu, na mahyerɛ ye wɔ b’ahone nu, ngɔyɛ bɛ Nyameɛ, na bɛ wora bayɛ me mmenia.

1 Yohane 1:1

Bɔ ɔwɔ berɛ fi ahyɛaseɛ ne, bɔ yate, bɔ yafa yɛ nye yanwu ye, bɔ yanea, ná yafa yɛ sa yahã ye, bɔ ɔfa ngoa dwirɛ ne anwo ne;

1 Yohane 1:10

Na sɛ yɛkã kyɛ yɛyyɔle bɔne a, né yama wayɛ ngondomboniɛ, yeɛ ye dwirɛ ne koso ɔtte yɛ nu.

1 Yohane 2:13

Ngya mɔ, mekyerɛ he mebrɛ ɛmɔ, ofikyɛ ɛmɔse bɔ ahyɛaseɛ ne né ɔwɔ berɛ ne. Mmerandeɛ mɔ, mekyerɛ he mebrɛ ɛmɔ, ofikyɛ ɛmɔali bɔnefoɛ ne so ngonim. Ngwadaa mɔ koso, mekyerɛ he mebrɛ ɛmɔ, ofikyɛ ɛmɔse Baba ne.

2 Yohane 1:2

ɔnate nahorɛ ne bɔ ɔte yɛ nu ná ɔne yɛ kɔtena afebɔɔ ne ati.

3 Yohane 1:3

Ofikyɛ nyane anigye pee mmerɛ bɔ aliɛmaa nemɔ bɛwale belili wɔ nahorɛlilɛ nwo adanzeɛ, kyɛbɔ amba ɛfa nahorɛlilɛ bɔ wɔ bra ne.

Nyekyire 2:3

Mese kyɛ anya animia paa, na ɔnate me dumaa ti anwu amaneɛ, nakoso w’abasa nu mmu.

Nyekyire 2:7

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye ngoa bakaa bɔ ogyi Nyameɛ Paradise ne anu mma maa okoli.