1 Yohane 2:10 - AHYERƐLƐ KRONGRON

¹⁰ Sona bɔ okuro oliɛma dwirɛ ne te kanea ne anu, na nikye fee nne ye nu bɔ ɔto ebie sundidua ɔ.

1 Yohane 2:10 Iomraidhean Croise

Edwein 119:165

Bɛ bɔ bɛ nye gye wɔ mmeraa nwo ne, benya asomdwee kandinga; hwee ngɔtoatoa bɛ gya nu.

Hosea 6:3

Ɛ́mɔma yɛnwu ye, ɛ́mɔma yɛpere yɛpena AWURADE nwo nimdeɛ. Ye walɛ ne, osi pi kyɛ ngyerɛmɔ; na ɔkɔwa yɛ berɛ kyɛ esue, kyɛ bamborɔ bɔ ɔtɔ gua aseɛ so ɔ.”

Mateo 13:21

nakoso sɔ sona ne ondira ndii, na mmom ɔkora gyina mmerɛ kãa bie. Na sɛ ɔnate edwirɛ ne ati amaneɛnwunɛ anaa ndaneanyeɛ ba ye so a, berɛ ne ala ɔkakyi sundidua ma ye.

Mateo 18:7

Ɔnate sundiduatolɛ ti, ewiase ye yaakɔ! Ɔyɛ sɛɛ ala a sundiduatolɛ kɔwa; nakoso sona bɔ ɔnate ye so sundiduatolɛ kɔwa ne de, ye yaakɔ!

Yohane 11:9

Yeɛ Yesu buale kyɛ, “Aso nna dɔnhwere buru ne nyɔ yeɛ ɔte ɛlɛho ɔ? Sɛ ebie nate eyia a, onzoti, ofikyɛ onwu ewiase kanea ne.

Yohane 12:35

Yeɛ Yesu buale bɛ kyɛ, “Kanea ne ɔne ɛmɔ bɛwɔ berɛ mmerɛ kãa bie. Na mmerɛ bɔ ɛmɔle kanea ne de, ɔsɛ kyɛ ɛmɔnate, ná awosii wammando ɛmɔ; ofikyɛ ebiala bɔ ɔnate awosii nu ne, ɔnze nekaa bɔ ɔkɔ ɔ.

Yohane 8:31

Yeɛ Yesu sele Yudafoɛ bɔ belele ye belili ne kyɛ, “Sɛ ɛmɔtira me dwirɛ ne anu a, ye de ɛmɔte m’asuafoɛ amba,

Romanfoɛ 14:13

Yiti ɛ́mɔma yɛyakyi kyɛ yɛkobua yɛ nwo yɛ nwo ndɛen ɔ. Na mmom ɛ́mɔma yɛyɛ y’adwene kyɛ yɛngɔfa pambim anaa sundidua yɛngɔto yɛ biɛngo atee nu ɔ.

Filipifoɛ 1:10

amaa ɛmɔahora banwu nningyein bɔ ɔte paa, ná ɛmɔayɛ mmenia bɔ ɛmɔ bra te sannwuu bɔ ngekalewa biala nne ɛmɔ nwo ɔ, maa waadwu Kristo kyẽa ne,

2 Petro 1:10

Yiti aliɛmaa mɔ, ɛ́mɔbɔ mmɔden bétira ɛfrɛlɛ bɔ bafrɛ ɛmɔ ne, ɔne ɛnealɛ bɔ baneanea nu baye ɛmɔ ne anu yé, ofikyɛ sɛ ɛmɔyɔ ɛhemɔ a, ɛmɔngofi ase le.

1 Yohane 2:11

Nakoso ebiala bɔ ɔpɔ oliɛma ne te awosii nu, ɔnate awosii nu, na ɔnze nekaa bɔ ɔkɔ ɔ, ofikyɛ awosii ne ama ye nye asi.

1 Yohane 3:14

Yɛse kyɛ yɛfi ewue nu yawa ngoa nu, ofikyɛ yɛkuro aliɛmaa nemɔ dwirɛ. Na bɔ onguro oliɛma dwirɛ ne tɛte ewue nu.