1 Yohane 2:1 - AHYERƐLƐ KRONGRON

¹ Me ngwadaa mɔ, mekyerɛ he mebrɛ ɛmɔ amaa ɛmɔanyɔ bɔne. Nakoso sɛ ebie yɔ bɔne a, yɛle kamafoɛ wɔ Baba ne nyunu bɔ ye ole teneneeniɛ Yesu Kristo.

1 Yohane 2:1 Iomraidhean Croise

Edwein 4:4

Ɛ́mɔma ye nwo yɛ ɛmɔ suro, na nnɛma ɛmɔyɔ bɔne; ɛ́mɔdwene edwirɛ ne anwo wɔ ɛmɔ bɛen so, ná ɛ́mɔyɛ konn. Sela

Hesekiel 3:21

Nakoso sɛ ɛbɔ teneneeniɛ kɔkɔ kyɛ nnɛmaa ɔyɔ bɔne, ná wanyɔ bɔne a, ye de okonya ngoa amba, ofikyɛ otiele kɔkɔbɔlɛ ne, na wɔ wora apepɛ ale wɔ kra.”

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Luka 10:22

“Me Baba afa nningyein amukoraa awura me sa; na ebiala nze kyɛbɔ Baa ne te ɔ, sana Baba ne. Yeɛ ebiala nze kyɛbɔ Baba ne te ɔ, sana Baa ne ne ebiala bɔ Baa ne kuro kyɛ ɔda ye adi kyire ye ɔ.”

Yohane 10:15

kyɛbɔ Baba ne se me, ná me koso mese Baba ne nen; na mefa me ngoa meto berɛ mema mmoaen ne.

Yohane 13:33

Me ngwadaammaa, mmerɛ kãa bie yeɛ waha bɔ me ne ɛmɔ yɛkɔtena ɔ. Ɛmɔkɔpena me, na kyɛbɔ nga ngyirele Yudafoɛ ne kyɛ, ‘Nekaa bɔ mekɔ ne, ɛmɔngɔhora berɛ bie ba’ nen, sɔ ala yeɛ mekã mekyire ɛmɔ koso kekesaala ye ɔ.

Yohane 14:16

Na me de, ngobisa Baba ne, na ɔkɔma ɛmɔ Aworakyekyerɛniɛ foforɛ, ná ɔne ɛmɔ baatena daa,

Yohane 14:6

Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so.

Yohane 21:5

Na Yesu bisale bɛ kyɛ, “Biamɔ, ɛmɔanya naen anaa?” Na bebuale ye kyɛ, “Daabi oo!”

Yohane 5:14

Nziɛ ye, Yesu nwuni ye wɔ asɔneyɛɛ sua ne anu, na osele ye kyɛ “Nea, ate apɔ, nnɛyɔ bɔne ko, ná nikyee tɛɛ bɔ ɔtra ɛhe ɔ wanyɛ wɔ.”

Yohane 5:36

Na me de, m’adanzeɛ ne ɔtra Yohane deɛ ne; ofikyɛ nnwumaa bɔ Baba ne wafa wama me kyɛ nyɔ nyie nen, sɔ nnwumaa hemɔ ala bɔ meyɔ ne, bedi me nwo adanzeɛ kyɛ Baba ne yeɛ wasoma me ɔ.

Yohane 6:27

Nnɛma ɛmɔyɔ aleɛ bɔ ɔsɛkye ɔ nwo adwuma, na mmom ɛ́mɔyɔ aleɛ bɔ ɔtena berɛ kɔ daa ngoa nu, bɔ Sona Awa ne kɔfa kɔma ɛmɔ ne nwo adwuma; ofikyɛ ye yeɛ Baba Nyameɛ wale ye wato nu wama ye tumi ɔ.”

Yohane 8:11

Na obuale kyɛ, “Daabi, me Mene, ebiala ammua me foɛ.” Yeɛ Yesu sele ye kyɛ, “Me koso memmua wɔ foɛ; kɔ, na nnɛkɔyɔ bɔne ko.”

Asomafoɛ 7:52

Nyameɛ ngɔmhyɛlɛniɛ nemɔ anu beni yeɛ ɛmɔ nana mɔ bandane ye nye ɔ? Na behuni bɛ bɔ belili moa bɛbɔle Teneneneniɛ ne walɛ ne nwo dawure ne, ye bɔ afei de ɛmɔaye ye bama bahu ye ne,

Romanfoɛ 5:10

Mmerɛ bɔ né yɛte Nyameɛ pɔfoɛ nen, Nyameɛ nate Ɔwa ne wue so siesiele yɛ ne ye afia. Na kekesaala ye bɔ yɛne Nyameɛ ayɛ ko ye de, ɔnate teasefoɛ Yesu so okole yɛ ngoa maa ɔkɔbo so.

Romanfoɛ 6:15

Afei nzikyɛ bieku? Ɔnate kyɛ yɛwwura mmeraa bo, na mmom yɛwura adom bo ne ati, yiti odi kyɛ yɛyɔ bɔne anaa? Dabida!

Romanfoɛ 8:34

Nwa yeɛ obua foɛ ɔ? Yesu Kristo bɔ owuli ná otingyele fili awufoɛ nu ne, bɔ ɔte Nyameɛ sa famaa so, bɔ ɔsrɛ ma yɛ ne.

1 Korintofoɛ 15:34

Ɛ́mɔfa adwene paa ná ɛ́mɔyakyi bɔne yɔlɛ, ofikyɛ ɛmɔ nu biemɔ belle Nyameɛ nwo nimdeɛ. Mekã he maa ɛmɔ nyunu gua ase.

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

Galatiafoɛ 4:19

Me mma ngwadaa, mesa medi ɛmɔ nwo yealɛ kyɛ brasua bɔ aworɛ aha ye ɔ kɔpem kyɛ Kristo sue ne kɔtena ɛmɔ nu ɔ.

Ɛfesofoɛ 2:18

ofikyɛ ye so yeɛ yɛ munyɔ ne yɛnate Sunzum komapɛ nu yɛnya atee yɛkɔ Baba ne berɛ ɔ.

Ɛfesofoɛ 4:26

Ɛ́mɔfɛ yaa, nakoso nnɛma ɛmɔyɔ bɔne! Nnɛmɔma eyia kɔtɔ ɛmɔ yaafɛlɛ so,

1 Timoteo 2:5

Ofikyɛ Nyameɛ te komapɛ twe, na Nyameɛ ne adasa mmaa b’afia ndamgyinaniɛ te komapɛ, bɔ ye ole Kristo Yesu;

1 Timoteo 3:14

Me nye la so kyɛ ɔngɔhyɛ biala ngɔwa wɔ berɛ, nakoso mekyerɛ ɛhemɔ mebrɛ wɔ koraka,

Hebrifoɛ 9:24

Ɔnate kyɛ, Kristo anwura nekaa krongron bɔ kuro sona sili, ná osa te nyameɛso deɛ paa ne nwo nhwɛsoɛ ne anu; na mmom wahɔ nyameɛso berɛ deinn, na kekesaala ye odi yɛ ti dwirɛ ma yɛ wɔ Nyameɛ nyunu.

Yakobo 1:27

Nyameɛsom bɔ ye nwo te bɔ efiɛ nne ye nwo wɔ Baba Nyameɛ nyunu ɛhe: kyɛ ɛkɔɔnea nyisiaa ne akunafoɛ wɔ b’amaneɛnwunɛ nu, ɔne kyɛ ɛkɔhwe wɔ nwo kofi wiase bra basabasa nu ɔ.

Yakobo 3:9

Ye yeɛ yɛfa yɛyirayira yɛ Nyameɛ ne Baba ne; na ye komapɛ ne ala yeɛ yɛfa yɛnoma kuro mmenia bɔ Nyameɛ abɔ bɛ kyɛ ye sɛso ɔ.

1 Petro 2:22

Ye de, wanyɔ bɔne, biala, yeɛ ngondombo dwirɛ biala amvi ye noa.

1 Petro 3:18

Ofikyɛ Kristo koso nwuni bɔne nwo amaneɛ pɛenko; ye bɔ ɔtengyɛ ne, onwuni amaneɛ mane bɛ bɔ bɛndengyɛ ɔ, amaa ɔnate so wafa yɛ wahɔ Nyameɛ berɛ. Behuni ye wɔ anwoɔnaen nu, nakoso bɛfale ye bɛwale ngoa nu wɔ Sunzum nu,

1 Yohane 3:18

Me ngwadaa mɔ, nnɛmɔma yɛfa yɛ noa mbaen anaa temverema fɛɛ yɛkuro mmenia dwirɛ, na mmom ɛ́mɔma yɛyɔ ye wɔ yɔleɛ nu ne nahorɛ nu.

1 Yohane 3:5

Ɛmɔse kyɛ ɔwale kyɛ ɔbaasoa yɛ bɔne kɔ; na ye de bɔne nne ye nwo.

1 Yohane 3:7

Me ngwadaa mɔ, nnɛmɔma ebiala lakalaka ɛmɔ. Ebiala bɔ ɔyɔ bɔ ɔtengyɛ ne, ɔte tenenee kyɛbɔ Kristo te tenenee ne.

1 Yohane 4:4

Me ngwadaa mɔ, ɛmɔ de ɛmɔte Nyameɛ deɛ na ɛmɔali bɛ so ngonim; ofikyɛ bɔ ɔte ɛmɔ nu ne, ɔte piri tra bɔ ɔwɔ wiase ne.

1 Yohane 5:17

Bɔ ɔndengyɛ biala te bɔne, nakoso nna ye mukoraa yeɛ ɔfa sona kɔ ewue nu ɔ.

1 Yohane 5:21

Me ngwadaa mɔ, ɛmɔhwe ɛmɔ nwo béfi mmosoen nwo.

3 Yohane 1:4

Nikyee biala mma me anigye bɔ ɔtra so te kyɛ ngɔte kyɛ me mma mɔ nate nahorɛ ne anu ɔ.