1 Yohane 1:3 - AHYERƐLƐ KRONGRON

³ Bɔ yanwu ye ná yate ne yeɛ yɛ koso yɛbɔ ye dawure yɛkyire ɛmɔ ɔ, amaa ɛmɔ koso ɛmɔ ne yɛ atira abiɛngoɛ; na y’abiɛngoɛ he, yɛne Baba ne, ɔne Ɔwa Yesu Kristo yeɛ yatira ɔ.

1 Yohane 1:3 Iomraidhean Croise

YOB NWOMAA NE 13:1

“Tie, ɛhe amukoraa me nye anwu ye, yeɛ me so ate, na mate ye bo.

Edwein 2:7

Ngɔfa AWURADE ahyɛdeɛ ne ngɔto dwaa: Osele me kyɛ, “Mma ole wɔ, ɛnɛ mawo wɔ.

Edwein 22:22

Ngɔbɔ wɔ dumaa ngohyire nniɛma mɔ; ngɔye wɔ ayɛ wɔ badwa nu.

Yesaya 66:19

Ngɔyɔ nzɛngyerɛnneɛ wɔ bɛ nu, na bɛ bɔ bekonya bɛ ti bekodidi nu ne, ngɔsoma bɛ maa bɛkɔhɔ maen maen mɔ berɛ: wɔ Tasise, Pule ne Lude bɔ bɛte agyaentolɛfoɛ ne, Tubal ne Yawan, dedeede supɔ mɔ bɔ bennya bɛttele me nga, bɔ bennya bennwuni m’animnyam ne; na bɛkɔɔbɔ m’animnyam nwo dawure wɔ maen maen mɔ so.

Numeri 10:32

Asa koso, sɛ ɛne yɛ kɔ a, nikyee paa biala bɔ AWURADE kɔfa kɔlo yɛ ne, yɛ koso yɛkɔmaa ekonya bie.”

Yohane 17:11

Afei de, nne wiase ko, nakoso ɛhemɔ de bɛwɔ wiase wa; na me de, méba wɔ berɛ. Baba Krongron, bɛ bɔ afa bɛ ama me ne, fa bɛ sie wɔ wɔ dumaa nu, amaa ɔnate so bayɛ ko, kyɛbɔ yɛte ko ne.

Yohane 17:21

amaa ɔnate so bɛ mukoraa bayɛ ko; kyɛbɔ wɔ, Baba, ɛwɔ me nu, ná me koso nwɔ wɔ nu ne, ná bɛ koso bayɛ ko wɔ yɛ nu, ná wiase ole li kyɛ wɔ yeɛ ɛsomane me ɔ.

Yohane 17:25

O Baba Teneneeniɛ, wiase annwu wɔ, na me de, manwu wɔ; na ɛhemɔ banwu kyɛ wɔ yeɛ ɛsomane me ɔ.

Yohane 17:3

Na daa ngoa ne ɛhe: kyɛ bekonwu wɔ, nahorɛ Nyameɛ komapɛ ne, ɔne bɔ asoma ye ne, Yesu Kristo ne.

Yohane 19:35

Na sona bɔ onwuni ɛhe nen, wali ye nwo adanzeɛ; ye adanzeɛ ne te nahorɛ, na ye de, ɔse kyɛ ɔkã nahorɛ, amaa ɔnate so ɛmɔ koso bale bali.

Asomafoɛ 13:32

Na yɛ de, nzɛmba ne yeɛ yɛfa yɛbrɛ ɛmɔ ɔ,

Asomafoɛ 13:41

‘Ɛmɔtie, ɛmɔ, ngorohoɛfoɛ, ɛ́mɔma ɔ́yɛ ɛmɔ nwanwa ná ɛ́mɔtu bemini; ɔnate kyɛ méyɔ adwuma bie wɔ ɛmɔ aberɛ so, adwuma bɔ sɛ ebie kã kyire ɛmɔ po a, ɛmɔngole bengoli ɔ.’ ”

Asomafoɛ 2:42

Na betuli bɛ nwo besiele berɛ besuane asomafoɛ nemɔ ngyerɛkyerɛ ne b’abiɛngoɛfalɛ ne paanoobubulɛ ne mbaeɛbɔlɛ.

Asomafoɛ 20:27

ɔnate kyɛ mamva nikyee biala bɔ ɔfa Nyameɛ nhyehyɛleɛ ne nwo mamvea ɛmɔ.

Asomafoɛ 4:20

ɔnate kyɛ, bɔ yɛ yanwu ye ná yate ne de, yɛngɔhora yɛngɔyakyi ye hanɛ.”

Romanfoɛ 15:27

Ɔyɛle bɛ fɛ kyɛ bɛkɔyɔ sɔ ɔ; nahorɛ nu, ɔte b’asɛdeɛ kyɛ bɛboka bɛ ɔ. Ofikyɛ sɛ Amaenmaensofoɛ banya Yudafoɛ sunzum nu saleɛ ne bie de a, nzaade ɔsɛ kyɛ bɛ koso bɛfa b’anwoɔnaen nu saleɛ ne bie bɛboka bɛ.

1 Korintofoɛ 1:30

Ngoa bɔ ɛmɔle ye wɔ Yesu nu ne fi Nyameɛ berɛ, na Nyameɛ afa Kristo ayɛ yɛ nworɛ, yɛ tenenee, yɛ fawɔnwodi ne krongronyɛlɛ.

1 Korintofoɛ 1:9

Nyameɛ bɔ wafrɛ ɛmɔ kyɛ ɛmɔ ne Ɔwa, y’Awurade Yesu Kristo bɛfa abiɛngoɛ ne, odi nahorɛ.

1 Korintofoɛ 15:1

Aliɛmaa mɔ, afei mekaye ɛmɔ nzɛmba bɔ nga ngyirele ɛmɔ, bɔ ɛmɔle bɛtole nu, ná ɛmɔ (gyidie) gyi so ne.

2 Korintofoɛ 13:14

Y’Awurade Yesu Kristo adom ne, Nyameɛ dɔ ne, ɔne Sunzum Krongron abiɛngoɛfalɛ ne ɔne ɛmɔ amukoraa bɛtena. Amen.

Ɛfesofoɛ 3:6

Na ɛhe ma Amaenmaensofoɛ koso bele kyɛfa wɔ nu, bɛwɔ nipadua komapɛ ne ala nu bie, na bɛnate nzɛmba ne aso banya kyɛfa wɔ ye bɔhyɛ ne anu wɔ Kristo Yesu nu.

Filipifoɛ 1:7

Ɛmɔla m’ahone nwo, yiti ɔte paa kyɛ medwene ɛmɔ amukoraa nwo sɔ ɔ. Ofikyɛ ɛmɔ amukoraa ɛmɔ ne me yanya kyɛfa wɔ adom ne anu, me kuku nu nnaa nu, ɔne mmerɛ bɔ ngyinane pindinn mane nzɛmba ne, ná nzili so ngane ne.

Filipifoɛ 2:1

Yiti sɛ Kristo nu nguraenhyɛlɛ bie wɔ berɛ, sɛ ɔdɔ aworakyekyerɛ bie wɔ berɛ, sɛ Sunzum nu abiɛngoɛfalɛ bie wɔ berɛ, sɛ ahunundetelɛ ne anwumvoinnwunɛ bie wɔ berɛ a,

Filipifoɛ 3:10

Me botaeɛ ole kyɛ ngonwu ye ne ye wutingyelɛ tumi ne, kyɛ ngonwu ye amaneɛ ne bie, kyɛ ɔkɔmaa ngɔyɛ kyɛ ye wɔ ewue nu,

Kolosefoɛ 1:13

Wapepɛ wale yɛ wafi awosii tumi nu, na waasikye yɛ wɔ Ɔwa bɔ okuro ye dwirɛ n’Ahennie nu;

1 Tɛsalonikafoɛ 1:10

ná ɛmɔnwondɛ Ɔwa ne bɔ otingyele ye fili awufoɛ nu ne kyɛ okofi nyameɛso kɔwa ɔ; Yesu bɔ ɔpepɛ de yɛ fi ahonehulɛ bɔ ɔ́ba ne anu ne.

1 Timoteo 6:2

Bɛ bɔ bɛ mene mɔ te agyidifoɛ nen, nnɛmaa bɛfa ye kyɛ bɛte aliɛmaa ti bebu meneɛ nemɔ animtia; na mmom ɔsɛ kyɛ bɛyere bɛ nwo bɛso bɛ yé; ofikyɛ bɛ bɔ benya bɛ solɛ ne nwo mvasoɛ ne, bɛte agyidifoɛ ne adɔfo. Sɔ nningyein hemɔ yeɛ kyirekyire, ná tu ye nwo foɛ ɔ.

Hebrifoɛ 2:12

Ɔnwa yoo: “Ngɔbɔ wɔ dumaa ngohyire nniɛma mɔ, na ngɔto dwein ngɔye wɔ ayɛ wɔ agyidifoɛ badwa nu.”

Hebrifoɛ 3:1

Yiti aliɛmaa mɔ anwoteefoɛ bɔ Nyameɛ afrɛ ɛmɔ ɔ, ɛ́mɔnea Somafoɛ Yesu bɔ ɔte yɛ dwirɛ bɔ yɛkã ne anwo ɔsɔfo panyi paa ne kyɛ,

Hebrifoɛ 3:14

Na sɛ yɛsɔ gyidie bɔ yɛlili moa yɛnyane ye ne anu yé yɛkɔ ayieleɛ a, ye de yɛle kyɛfa wɔ Kristo nu.

1 Petro 5:1

Yiti me bɔ nde ɛmɔ aliɛma panyi ɔne Kristo amaneɛnwunɛ nwo danzeniɛ, bɔ ngosa ngonya kyɛfa wɔ animnyam bɔ bɛbaaye ye ali ne anu ne, métu ɛmɔ nu mbanyi nemɔ foɛ kyɛ,

2 Petro 1:16

Amba, edwirɛ bɔ yahã yahyire ɛmɔ yafa y’Awurade Yesu Kristo tumi ne ye walɛ ne anwo ne, yamva kanda ɛhoaatolɛ so, na mmom yɛ bɔbɔ yɛte ye animnyam totohyia bɔ yɛnwuni ye ne nwo adanzefoɛ.

1 Yohane 1:1

Bɔ ɔwɔ berɛ fi ahyɛaseɛ ne, bɔ yate, bɔ yafa yɛ nye yanwu ye, bɔ yanea, ná yafa yɛ sa yahã ye, bɔ ɔfa ngoa dwirɛ ne anwo ne;

1 Yohane 1:5

Edwirɛ bɔ yate yafi ye berɛ ná yɛ́bɔ ye dawure yɛkyire ɛmɔ ɛhe: Nyameɛ te kanea, na awosii kaala nne ye nu.

1 Yohane 1:7

Nakoso sɛ yɛnate kanea nu, kyɛbɔ ye koso ɔwɔ kanea nu ne a, né yɛ ne yɛ nwo yɛ nwo yatira abiɛngoɛ, na Ɔwa Yesu Kristo mogya ne te yɛ nwo fi bɔne mukoraa nu.