1 Yohane 1:1 - AHYERƐLƐ KRONGRON

¹ Bɔ ɔwɔ berɛ fi ahyɛaseɛ ne, bɔ yate, bɔ yafa yɛ nye yanwu ye, bɔ yanea, ná yafa yɛ sa yahã ye, bɔ ɔfa ngoa dwirɛ ne anwo ne;

1 Yohane 1:1 Iomraidhean Croise

Yesaya 41:4

Nwa yeɛ ɔyɔle sɔ ɔ, ná wamaa ɛhe awa nu ɔ, bɔ ɔfrɛ aworɛ ndoatoasoɛ fi tetetete ɔ? Me ɔ. Me AWURADE bɔ nde ahyɛaseɛ, bɔ nza nde ayieleɛ ne, me ɔ.

Mika 5:2

Nakoso wɔ, ao Betlehem Efrata, ɔwɔ nu kyɛ ɛte kãa wɔ Yuda nguro nemɔ anu de, nakoso bɔ ɔkɔyɛ Yisrael maenbulɛniɛ ne, bɔ ye ahyɛaseɛ fi tete, bɔ ofi mmerɛ bɔ olle ahyɛaseɛ ne, wɔ yeɛ okofi wɔ nu kɔwa kɔma me ɔ.

Luka 1:2

kyɛbɔ bɛ bɔ ofi ye bohyɛlɛ ne bɛfale bɛ nye benwuni ye, bɔ bɛte edwirɛ ne nwo asomvoɛ ne bamaa yɛ sa ahã ye ne ala.

Luka 24:39

Ɛ́mɔnea me sa ne me gya, na me bɔbɔ ala ɔ. Ɛ́mɔsɔ me nu bɛ́nea; ofikyɛ ɛnwomee de olle anwoɔnaen ne mmowue kyɛbɔ ɛmɔnwu ye kyɛ nne ye ne.”

Yohane 19:35

Na sona bɔ onwuni ɛhe nen, wali ye nwo adanzeɛ; ye adanzeɛ ne te nahorɛ, na ye de, ɔse kyɛ ɔkã nahorɛ, amaa ɔnate so ɛmɔ koso bale bali.

Yohane 20:27

Yeɛ osele Tɔmase kyɛ, “Fa wɔ sa mmɛseka bra wa, ná nea me sa nu; ná fa wɔ sa baahã me mvenu, na nnɛsu aporowaa, na mmom dedi!”

Yohane 5:26

Na kyɛbɔ Baba ne ole ngoa wɔ ye bɔbɔ ye nu nen, sɔ ala yeɛ wafa wama Baa ne kyɛ ye koso onya ngoa wɔ ye bɔbɔ ye nu ɔ;

Yohane 8:58

Na Yesu sele bɛ kyɛ, “Nahorɛ nu paa, mekã mekyire ɛmɔ kyɛ, anzana Abraham baawa ne, né nwɔ berɛ.”

Asomafoɛ 1:3

Na Yesu wue ne asi ne, ɔnate atee ne sue ahoroɔ nu ngyẽa eleburanna yele ye nwo ali lili adanzeɛ hyirele ye asuafoɛ nemɔ kyɛ ɔte ase. Benwuni ye, na ɔhane Nyameɛ ahennie ne nwo dwirɛ hyirele bɛ.

Asomafoɛ 4:20

ɔnate kyɛ, bɔ yɛ yanwu ye ná yate ne de, yɛngɔhora yɛngɔyakyi ye hanɛ.”

Hebrifoɛ 2:3

nzaade sɛ yɛpo ngoalelɛ piri bɔ ɔte sɔa de a, yɛkɔyɛ sɛɛ ná yafa yɛ nwo yali? Awurade lili moa bɔle ngoalelɛ he nwo dawure, na bɛ bɔ bɛtele ne koso lili ye nwo adanzeɛ maa yɛnwuni kyɛ ɔte nahorɛ.

1 Yohane 4:14

Yanwu ye, na yɛdi adanzeɛ kyɛ Baba ne somane Baa ne maa ɔɔyɛle wiase Ngoadefoɛ.

1 Yohane 5:7

Adanzefoɛ nza yeɛ bɛwɔ berɛ ɔ:

Nyekyire 1:11

“[Me ole Alfa ne Omega ne, ahyɛaseɛ ne ayieleɛ ne.] Kyerɛ bɔ enwu ye ne gua nwomaa nu, ná fa kɔma asɔre nzoo nemɔ, fa kɔ Ɛfeso, Simina, Pɛgamɔm, Tiatira, Sadise, Filadɛɛfia ne Laodikea.”

Nyekyire 1:8

Awurade nwa Nyameɛ nwa, “Me ole Alfa ne Omega ne, bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, nikyee biala so Tuminiɛ ne.”

Nyekyire 19:13

Né owura ataadeɛ bie bɔ bafa bawura mogya nu ɔ, na ye dumaa li “Nyameɛ Dwirɛ.”

Nyekyire 2:8

“Kyerɛ kɔma Simina asɔre ne anu abɔfo ne kyɛ: Bɔ ɔte ahyɛaseɛ ne ayieleɛ, bɔ owuli ná osa te ase ne, ye noa dwirɛ ɛhe: