1 Timoteo 6:3 - AHYERƐLƐ KRONGRON

³ Sɛ ebie yɛ ngyerɛkyerɛ foforɛ, ná wambene y’Awurade Yesu Kristo nahorɛ dwirɛ ne ɔne ngyerɛkyerɛ bɔ ɔkɔ nyamesom paa nu ne aso a,

1 Timoteo 6:3 Iomraidhean Croise

Anyandera 15:4

Ɛyɛ wɔ noa bɛtɛɛ a, ɔte ngoa bakaa, nakoso ngondombo dwirɛ de, oku sunzum.

Mateo 22:21

Bebuale ye kyɛ, “Kaesare deɛ ɔ!” Yeɛ osele bɛ kyɛ, “Nzaade ɛ́mɔfa Kaesare deɛ bɛ́ma Kaesare, ná ɛ́mɔfa Nyameɛ deɛ bɛ́ma Nyameɛ.”

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Romanfoɛ 16:17

Aliɛmaa mɔ, metu ɛmɔ foɛ kyɛ, ɛ́mɔnea ɛmɔ nwo yé wɔ mmenia bɔ bɛfa mbakyembakyemuɛ ne sundidua bɛba, bɔ otia ngyerɛkyerɛ bɔ ɛmɔasua ne. Ɛmɔhwe ɛmɔ nwo befi bɛ nwo!

1 Tɛsalonikafoɛ 4:8

Yiti ebiala bɔ ɔpo ngyerɛkyerɛ he nen, nna kuro sona yeɛ ɔpo ye ɔ, na mmom Nyameɛ bɔ wafa ye Sunzum Krongron ne wama yɛ ne.

1 Timoteo 1:10

adwamanbɔlɛfoɛ, mmienzua bɔ bɛne mmienzua bɛda ɔ, bɛ bɔ bɛtɔne mmenia, ngondombofoɛ, ndaentolɛfoɛ, yeɛ nikyee biala bɔ ɔboka so bɔ otia ngyerɛkyerɛ paa ɔ;

1 Timoteo 1:3

Mmerɛ bɔ né mekɔ Makedonia nen, nzrɛle wɔ kyɛ ɛtena Ɛfeso, ná etu mmenia biemɔ foɛ kyɛ nnɛmaa bekyirekyire ngyerɛkyerɛ foforɛ,

1 Timoteo 1:6

Na ɛhe yeɛ mmenia biemɔ bali makyebu bafi ye nwo baali aporowaasulɛ mbaen mbaen si,

2 Timoteo 1:13

Edwirɛ paa mɔ bɔ ate afi me berɛ ne, sɔ ye nwo nhwɛsoɛ nu yé, gyidie ne ɔdɔ bɔ ɔwɔ Kristo Yesu nu ne anu.

2 Timoteo 4:3

Ofikyɛ mmerɛ bie kɔwa bɔ mmenia ngotie ngyerɛkyerɛ bɔ ɔte paa ne, na mmom bɛ so anu bɔ ɔyɛ bɛ fɛ ne ati, bɛkɔboaboa akyerɛkyerɛfoɛ noa maa bɛkɔhã edwirɛ bɔ bɛpena kyɛ bɛte ɔ.

Tito 1:1

Pɔɔlo, bɔ nde Nyameɛ akoaa ne Yesu Kristo somafoɛ mema bɛ bɔ Nyameɛ aneanea nu waye bɛ ɔ bɛ gyidie ɔne nahorɛ ne nwo nimdeɛ bɔ ɔma nyamesom paa ɔ,

Tito 1:9

ɔsɛ kyɛ otira nahorɛ dwirɛ ne anu bum kyɛbɔ behyirele ye ne, amaa ɔnate so wahora wafa ngyerɛkyerɛ paa watu foɛ, ná wama aporowaasulɛfoɛ bɛ mvomsoɛ ala ali.

Tito 3:8

Ɛhe te edwirɛ nahorɛ, na mekuro kyɛ esi edwirɛ hemɔ so paa, amaa ɔnate so bɛ bɔ bale Nyameɛ bali ne badwene kyɛbɔ bɛkɔbɔ nnwumaa paa nwo mmɔden ɔ. Sɔ nningyein nemɔ yeɛ ɔte paa ɔ, na mvasoɛ wɔ so ma sona.