1 Timoteo 5:3 - AHYERƐLƐ KRONGRON

³ Boka mmrasua akunafoɛ bɔ belle bie ɔ.

1 Timoteo 5:3 Iomraidhean Croise

YOB NWOMAA NE 29:13

Mmenia bɔ né bɛwɔ anwokyere piri paa nu ne, beyirayirale me, na mmane akunafoɛ mmrasua bɛ wora kyekyele.

YOB NWOMAA NE 31:16

“Bɛ bɔ bɛyɛ anwumvo ne, aso mafa bɔ behia ɔ mabɔ bɛ atianuserɛ, anaa mama akunafoɛ mmrasua bafa bɛ nye bato me so mbaen?

Edwein 146:9

AWURADE yeɛ ɔbɔ ɛwɔfoɛ mɔ nwo waen ɔ; ɔnea nyisiaafoɛ ne akunafoɛ, nakoso bɔnefoɛ atee de, ɔmaa ɔyɛ basaa.

Edwein 68:5

Ayisiaafoɛ baba ne akunafoɛ neafoɛ, ye ole Nyameɛ bɔ ɔwɔ ye atenaleɛ krongron nu ne.

Edwein 94:6

Bekũkũ akunafoɛ mmrasua ne ɛwɔfoɛ mɔ, yeɛ bedi nyisiaafoɛ awue,

Ɛksadɔso 20:12

“Di ɛse ne eni ni, amaa ɔnate so anya ngoa tendenn wɔ aseɛ bɔ AWURADE wɔ Nyameɛ ɔ́fa ma wɔ ne aso.

Yeremia 49:11

Yakyi wɔ nyisiaa nemɔ berɛ, na ngɔmaa bɛkɔtena ngoa nu; na odi kyɛ wɔ kunafoɛ nemɔ, bɛfa bɛ wora bewura me nu.”

Mateo 15:6

Ɛmɔ tete amammerɛ ne ati ɛmɔasɛkye Nyameɛ ahyɛdeɛ ne.

Mateo 23:13

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔto nyameɛso ahennie ne anu betia mmenia. Ɛmɔ bɔbɔ a ɛmɔngɔ nu, nakoso bɛ bɔ bɛ́kɔ nu ne, ɛmɔmma bɛ ate mma bɛngɔ nu. [

Luka 2:37

Né ɔte kunaniɛ bɔ wali afoɛ kɔyɛ aburawɔtwɛ ne nna; na daa biala né ɔwɔ asɔneyɛɛ sua nu berɛ, bɔ eyia ne kɔngɔen ole akɔngyere ne mbaeɛbɔlɛ ɔsɔne Nyameɛ ɔ.

Luka 7:12

Na opingyele kuro berɛ pambim ne anwo nen, yieee, né bɛsõ biaa bie bɔ wawu ɔ, bɔ ɔte oni bahorɛ ɔ bɔ bɛfa ye befite ɔ. Né braa ne te kunaniɛ, na né kuro berɛ ama pee bɛboka ye so yeɛ bɛ́kɔ ɔ.

Yohane 1:47

Na Yesu nwuni kyɛ Nataneɛl ɔba ye berɛ nen, ɔhã fale ye nwo kyɛ, “Ɛ́mɔnea, Yisraelniɛ turoloo bɔ ngondombo biala nne ye nu ɔ!”

Asomafoɛ 6:1

Na sɔ mmerɛ ne anu, bɔ né asuafoɛ nemɔ bɛ́kɔ so bɛ́sone pee ne, Helafoɛ nemɔ bɛyɛlɛ nwuhunwuhu betiale Hebrifoɛ nemɔ, ofikyɛ né bebu bɛ nye begua Helafoɛ akunafoɛ mmrasua mɔ so, sɛ ɔba daa biala nningyein hyɛlɛ nu a.

Asomafoɛ 9:39

Yiti Petro dwɔsole, na ɔne bɛ hɔle. Oodwuli berɛ, na bɛne ye hɔle aborɔsaen ne aso. Yeɛ akunafoɛ mmrasua ne amukoraa beegyinagyinane ye nwo berɛ bɔ né besũ ɔ, na bɛfale ndaadeɛ ne ndena bɔ Dɔkase pombale wɔ mmerɛ bɔ né ɔne bɛ wɔ berɛ ne behyirele ye.

Asomafoɛ 9:41

Petro sɔle ye sa maa odwɔso gyinane berɛ. Na ɔfrɛle agyidifoɛ nemɔ, akunafoɛ mmrasua nemɔ koso boka so, na ɔfale bɔ wawu watingye ne mane bɛ.

Deuteronomi 10:18

Ye bɔ odi nyisiaafoɛ ne akunafoɛ dwirɛ ma bɛ ɔ, ye bɔ okuro ɛwɔfoɛ dwirɛ, ná ɔma ye aleɛ ne ɛtena ɔ.

Deuteronomi 14:29

Ofikyɛ Lewiniɛ (ye de, olle kyɛfa anaa agyapadeɛ biala kyɛbɔ wɔ de anya ye ne), yeɛ afei ɛwɔfoɛ, nyisiaafoɛ ne akunafoɛ bɔ bɛwɔ wɔ kuro ne anu ne, bɛkɔwa bekooli kɔma bɛ ko koyi; na ɔnate so AWURADE wɔ Nyameɛ koyira wɔ wɔ wɔ sa noa adwuma mukoraati bɔ ɛkɔyɔ ɔ nu.

Deuteronomi 16:11

Di ahurusi wɔ AWURADE wɔ Nyameɛ nyunu, ɛne wɔ mma mmienzua ne mmrasua, wɔ nganga mmienzua ne mmrasua, Lewifoɛ bɔ bɛte wɔ kuro, ɛwɔfoɛ mɔ, nyisiaafoɛ ne kunafoɛ bɔ bɛte wɔ kuro ɔ, wɔ nekaa bɔ AWURADE wɔ Nyameɛ kɔneanea nu kɔye kosie berɛ kyɛ ɔ́ma ye dumaa da so ne.

Deuteronomi 16:14

Aluolue mmerɛ ne, di ahurusi, ɛne wɔ mma mmienzua ne mmrasua, wɔ nganga mmienzua ne mmrasua, Lewifoɛ, ɛwɔfoɛ mɔ, nyisiaafoɛ, ɔne kunafoɛ bɔ bɛte wɔ kuro ɔ.

Deuteronomi 27:19

“ ‘Musue tó sona biala bɔ okobua ɛwɔfoɛ, awisianiɛ anaa kunaniɛ ndɛengyea ɔ.’ Na mmenia ne amukoraa kosuro so kyɛ, ‘Amen!’

1 Tɛsalonikafoɛ 2:6

Yanyɛ kyɛ yɛpena kuro sona nyunu animnyam, kyɛ ofi ɛmɔ berɛ oo, anaakyɛ ebiemɔ berɛ oo. Ahaa yɛkɔhora yɛkɔhyɛ kyɛ ɛmɔyɔ sɔ bɛma yɛ, ofikyɛ yɛte Kristo asomafoɛ.

1 Timoteo 5:2

yɛ mmrasua mbanyi nemɔ kyɛ wɔ maame mɔ; yeɛ yɛ ndaluwa nemɔ kyɛ eliɛma mmrasua wɔ anwotelɛ amukoraa nu.

Yakobo 1:27

Nyameɛsom bɔ ye nwo te bɔ efiɛ nne ye nwo wɔ Baba Nyameɛ nyunu ɛhe: kyɛ ɛkɔɔnea nyisiaa ne akunafoɛ wɔ b’amaneɛnwunɛ nu, ɔne kyɛ ɛkɔhwe wɔ nwo kofi wiase bra basabasa nu ɔ.

1 Petro 2:17

Ɛ́mɔfa anidie bɛ́ma mmenia amukoraa! Ɛ́mɔhurohuro aliɛmaa mɔ agyidifoɛ dwirɛ! Ɛ́mɔsuro Nyameɛ! Ɛ́mɔfa anidie bɛ́ma ɛhene ne!

1 Petro 3:7

Huɛ mɔ, ɛmɔ koso, ɛmɔ ne ɛmɔ aye mɔ bɛ́tena ndeaseɛ nu sɔ ala. Ɛ́mɔfa anidie bɛ́ma ɛmɔ aye mɔ, kyɛ bɛte mmenia bɔ bɛyɛ mmerɛ ɔ, kyɛ bɛboka ɛmɔ so yeɛ ɛmɔle kyɛfa wɔ ngoa adom ne anu ɔ; ná nikye fee wanzi ɛmɔ mbaeɛ ate.