1 Timoteo 5:1 - AHYERƐLƐ KRONGRON

¹ Nnɛtwi panyi nyunu, na mmom tu ye foɛ kyɛ wɔ baba; yeɛ yɛ mmerandeɛ nemɔ kyɛ eliɛma mmienzua;

1 Timoteo 5:1 Iomraidhean Croise

Lewitikɔso 19:32

“Fa ebulɛ ma panyi, di nworowaa ni, ná suro wɔ Nyameɛ: Me ole AWURADE.

Mateo 23:8

Nakoso ɛmɔ de, onni kyɛ bɛfrɛ ɛmɔ: ‘kyerɛkyerɛniɛ’ ɔ, ofikyɛ ɛmɔ Kyerɛkyerɛniɛ te komapɛ, na ɛmɔ amukoraa bɛte aliɛmaa.

Asomafoɛ 14:23

Na besili asɔre biala nu mbanyi bɛmane bɛ, na bɛfale mbaeɛbɔlɛ ne akɔngyere betuli bɛ bewurale Awurade bɔ bale ye bali ne sa.

Asomafoɛ 15:4

Na bedwuli Yerusalem nen, asɔre ne ne asomafoɛ nemɔ ne mbanyi nemɔ bɛyɛle bɛ awaawaatuu; na bɛhane bɔ Nyameɛ afa bɛ sɔ wayɔ amukoraa behyirele bɛ.

Asomafoɛ 15:6

Na asomafoɛ nemɔ ne mbanyi nemɔ beyiale nu bɛfale edwirɛ he nwo adwene.

Asomafoɛ 20:17

Pɔɔlo tole Ɛfeso asɔre mbanyi ne ngraa fili Mileto kyɛ bɛbra bɛbra.

Romanfoɛ 13:7

Ɛ́mɔtua ebiala deɛ bɔ ɔfata ye ɔ bɛ́ma ye! Ɛ́mɔtua ɛtoɔ bɛ́ma bɔ ɛtoɔ fata ye ɔ; ɛ́mɔtua ndɔ bɛ́ma bɔ ndɔ fata ye ɔ; ɛ́mɔsuro bɔ odi kyɛ besuro ye ɔ; yeɛ ɛ́mɔfa anidie bɛ́ma bɔ anidie fata ye ɔ.

Galatiafoɛ 6:1

Aliɛmaa mɔ, sɛ ɛmɔ nu bie yɔ bɔne a, ɛmɔ bɔ ɛmɔte sunzum nufoɛ ne, ɔsɛ kyɛ ɛmɔfa aboterɛ bɛtengyɛtengyɛ ye. Nakoso nea wɔ nwo yé ná wɔ wora angɔ nzɔhwɛ nu.

Deuteronomi 33:9

Ye bɔ ɔhane edwirɛ fale ɔse ne oni nwo kyɛ, ‘Memva bɛ menyɛ huu’; obuli ye nye guale oliɛma mɔ so, na ɔpole ye mma mɔ. Ofikyɛ Lewifoɛ lele wɔ dwirɛ bɛtole nu, na belili w’apam ne aso.

1 Timoteo 5:17

Mbanyi bɔ bɛte bɛ nye bɛnea asɔre ne aso ne, ɛ́mɔfa anidie mmɔhoɛ bɛ́ma bɛ, nganga, bɛ bɔ bɛbɔ mmɔden wɔ nzɛmbahanɛ ne ngyerɛkyerɛ nu ne;

1 Timoteo 5:2

yɛ mmrasua mbanyi nemɔ kyɛ wɔ maame mɔ; yeɛ yɛ ndaluwa nemɔ kyɛ eliɛma mmrasua wɔ anwotelɛ amukoraa nu.

Tito 2:2

Kyirekyire ngɔkoraa nemɔ ma bɛ nye la berɛ, bɛyɛ mmenia bɔ bɛfata anidie ɔ, benya anwohyɛsoɛ, begyina pindinn wɔ gyidie nu, ɔdɔ nu ne animia nu.

Tito 2:6

Na mmerandeɛ nemɔ koso, sɔ ala yeɛ tu bɛ foɛ ma benya anwohyɛsoɛ ɔ.

Yakobo 3:17

Nakoso nworɛ bɔ ofi anwuro ne de, bɔ oli moa ɔ, ye nwo te, okuro asomdwee, ye nwo dwo, ye so yɛ mmerɛ, anwumvoinnwunɛ ne bra paa ayi ye tɛkyɛ, na nyeyemuɛ anaa nyaatwom nne nu.

Yakobo 5:14

Ɛmɔ nu bie nde apɔ anaa? Maa ɔfrɛ asɔre mbanyi mɔ ma bɛɛbɔ mbaeɛ bɛma ye, ná bɛfa ngoo bɛpopa ye wɔ Awurade dumaa nu.

1 Petro 5:1

Yiti me bɔ nde ɛmɔ aliɛma panyi ɔne Kristo amaneɛnwunɛ nwo danzeniɛ, bɔ ngosa ngonya kyɛfa wɔ animnyam bɔ bɛbaaye ye ali ne anu ne, métu ɛmɔ nu mbanyi nemɔ foɛ kyɛ,

2 Yohane 1:1

Krataa he fi me bɔ nde panyi berɛ. Mefa mebrɛ braa bɔ baneanea nu baye ye ne ɔne ye mma. Mekuro bɛ dwirɛ nahorɛ nu, na nna me ngome, na mmom mmenia mukoraa bɔ banwu nahorɛ ne wora bekuro bɛ dwirɛ,

3 Yohane 1:1

Krataa ye fi me bɔ nde panyi berɛ. Mefa mebrɛ Gayɔso bɔ mekuro ye dwirɛ wɔ nahorɛ nu ɔ.

Nyekyire 4:4

Né ahennie bia aburanyɔ ne nna bapɛ ahennie bia ne anwo bayia, na nwuni mbanyi aburanyɔ ne nna bɔ bewurawura ndaadeɛ fufue, bɔ sikaa kɔkorɛ abotire bobɔ bɛ ɔ kyɛ bɛtete ahennie bia nemɔ so.