1 Timoteo 4:8 - AHYERƐLƐ KRONGRON

⁸ ofikyɛ anwoɔnaen nu mmɔdenbɔlɛ nwo le mvasoɛ kãa de, nakoso nyamesom paa nwo le mvasoɛ wɔ nikyee biala nu, na ole kekesaala ye ngoa ɔne ngoa bɔ ɔbaawa ne nwo bɔhyɛ.

1 Timoteo 4:8 Iomraidhean Croise

YOB NWOMAA NE 22:2

“Aso dasaniɛ nwo kɔhora konya mvasoɛ kɔma Nyameɛ anaa? Nworɛniɛ po, aso ye nwo le mvasoɛ ma ye anaa?

YOB NWOMAA NE 36:11

Sɛ betie ye ná bɛso ye a, bɛ ngoa bɔ waha ne, oyie bɛ yé, na b’afoɛ bɔ waha ne, bedi ye anigye nu.

Edwein 145:19

Ɔyɔ bɛ bɔ besuro ye ɔ b’apɛdeɛ ma bɛ; afei koso otie bɛ sufrɛ, na ɔpepɛ de bɛ.

Edwein 37:11

Nakoso anwobrɛaseɛfoɛ bɛ sa kɔhã aseɛ ne; ɔnate asomdwee kandinga ne ati, bɛ nye kɔgye.

Edwein 37:29

Teneneefoɛ bɛ sa kɔhã aseɛ ne, na bɛkɔtena so afebɔɔ.

Edwein 37:9

Ofikyɛ bekonua bɔnefoɛ bɛ boso, nakoso bɛ bɔ bɛ nye la AWURADE so ne de, bɛ sa kɔhã aseɛ ne.

Edwein 84:11

Ofikyɛ AWURADE Nyameɛ te eyia ne akokyɛm; ye yeɛ ɔdo sona ná ɔmaa onya animnyam ɔ, na bɛ bɔ bɛ bra te sannwuu ne, ɔmva nikye paa biala mmɔ bɛ atianuserɛ.

Anyandera 19:23

AWURADE surolɛ ma sona nya ngoa, enya ye a, ɛkɔtena asomdwee nu, na edwirɛ biala ngɔto wɔ.

Anyandera 22:4

Anwobrɛaseɛ ne AWURADE surolɛ nwo akatuaa yeɛ ɔfa anwonya, animnyam ne ngoa ba ɔ.

Nworɛ Dwirɛhanɛniɛ 8:12

Ɔwɔ nu kyɛ bɔnefoɛ ɔyɔ bɔne yɔleɛ sɔ alaa ɛyaa, ná onya ngoa tendenn de; nakoso nahorɛ nu, me de mese kyɛ bɛ bɔ besuro Nyameɛ ná bebu ye ne yeɛ okoyie bɛ yé ɔ.

Yesaya 3:10

Ɛmɔhã behyire teneneefoɛ kyɛ okoyie bɛ yé, ofikyɛ bɛ sa kɔhã bɛ yɔleɛ paa nwo akatuaa.

Yesaya 33:16

ye yeɛ ɔkɔtena anwuro anwuro ɔ, nyɔbotaen afealeɛ nu kɔyɛ ye nwo waenbɔlɛ, ɔkɔmaa okonya ye noa aleɛ, na ye nzue ngɔbɔ ye.

Yeremia 6:20

Ɛyɛɛ bɔ bɛ ne ye fi Hyeba bɛba, yeɛ ayirefona bɔ bɛ ne ye fi dedeede maen bie aso bɛba ne, aso bɛ nwo le mvasoɛ ma me? Me nye ngye ɛmɔ ɛyeralɛ afɔleɛ nemɔ anwo, yeɛ ɛmɔ afɔleɛ mɔ koso bɛnzɔ me nye.

Mateo 12:32

Ebiala bɔ okodwudwo kotia Sona Awa ne nen, bɛkɔfa bɛkɔhyɛ ye; nakoso bɔ okodwudwo kotia Sunzum Krongron ne de, bɛngɔfa ngɔhyɛ ye, wɔ ewiase wa ne ewiase bɔ ɔ́ba ne anu.

Mateo 19:29

Na ebiala bɔ me dumaa ti wayakyi awuro mɔ, anaa aliɛmaa mmienzua, anaa aliɛmaa mmrasua, anaa seɛ, anaa niɛ, anaa mmaa, anaa aseɛ mɔ berɛ nen, okonya ye nwo mmɔhoɛ ɛyaa, na okonya daa ngoa.

Mateo 6:33

Na ɛ́mɔli moa bɛ́pena Nyameɛ ahennie ne ye tenenee ne mmom, na ɔkɔfa ɛhemɔ amukoraa ɔkɔboka so kɔma ɛmɔ.

Marko 10:30

bɔ ongonya sua mɔ, ne aliɛmaa mmienzua, ne aliɛmaa mmrasua, ne niɛ mɔ, ne mmaa, ne aseɛ mɔ mmɔhoɛ ɛyaa, bɔ ndaneanyeɛ koso boka so, wɔ kekesaala ye wiase ye anu ɔ; ɔne daa ngoa wɔ wiase bɔ ɔ́ba ne anu ɔ.

Luka 5:38

Na mmom odi kyɛ bɛfa nzaa monɛ begua nwomaa ngotoku monɛ nu.

Romanfoɛ 8:28

Yɛse kyɛ bɛ bɔ bekuro Nyameɛ dwirɛ ne, bɔ okosi biala ɔboka bɛ, bɛ bɔ ɔnate ye nhyehyɛleɛ so wafrɛ bɛ ne.

1 Korintofoɛ 3:22

Pɔɔlo oo, Apolo oo, Kefa oo, ewiase oo, ngoa oo, ewue oo, ɛnɛ deɛ oo, anaa kyẽa bie deɛ oo, bɛ mukoraa bɛte ɛmɔ deɛ,

1 Korintofoɛ 8:8

Aleɛ ngora mma yɛnzɔ Nyameɛ nye. Sɛ yanni a, yɛnhwere hwee, yeɛ sɛ yɛdi koso a, yɛnnya ngɔsoɛ biala.

1 Timoteo 4:7

Nakoso daa tete dwirɛ mbaen mbaen mɔ bɔ bɛmmoka ne de, twe wɔ nwo fi ye nwo, ná bɔ nyamesom paa nwo mmɔden;

1 Timoteo 6:3

Sɛ ebie yɛ ngyerɛkyerɛ foforɛ, ná wambene y’Awurade Yesu Kristo nahorɛ dwirɛ ne ɔne ngyerɛkyerɛ bɔ ɔkɔ nyamesom paa nu ne aso a,

1 Timoteo 6:5

manzoenhwenɛ wɔ mmenia bɔ b’adwene awu ɔ nu, bɔ bɛne nahorɛ abɔ nzahoɛ, bɔ besusu kyɛ nyamesom paa ma sona nya ye nwo ɔ.

1 Timoteo 6:6

Nakoso nyamesom paa bɔ ɔma wɔ kunu dwo wɔ ne, ɔte anwonya piri;

2 Timoteo 3:5

bɛkɔyɛ bɛ nwo kyɛ basɔ nyamesom paa ne anu, nakoso bɛpo tumi bɔ ɔwɔ nu ne. Twe wɔ nwo fi sɔ mmenia nemɔ nwo.

Tito 3:8

Ɛhe te edwirɛ nahorɛ, na mekuro kyɛ esi edwirɛ hemɔ so paa, amaa ɔnate so bɛ bɔ bale Nyameɛ bali ne badwene kyɛbɔ bɛkɔbɔ nnwumaa paa nwo mmɔden ɔ. Sɔ nningyein nemɔ yeɛ ɔte paa ɔ, na mvasoɛ wɔ so ma sona.

Hebrifoɛ 13:9

Onni kyɛ ɛmɔma ngyerɛkyerɛ foforɛ ahoroɔ biala twe ɛmɔ fi atee paa ne aso, ofikyɛ ɔte paa kyɛ Nyameɛ adom ne yeɛ ɔhyɛ y’ahone nguraen ɔ, na nna aleɛ bɔ mmenia bɔ bedi ne bennya ye nwo mvasoɛ biala hɔ ɔ.

1 Yohane 2:25

Na bɔ wafa wahyɛ yɛ bɔ ole daa ngoa.

Nyekyire 3:12

Na bɔ odi ngonim ne, ngɔyɛ ye bonima wɔ me Nyameɛ asɔneyɛɛ sua ne anu; na ongofi nu ngofite ko. Na me Nyameɛ dumaa, ɔne me Nyameɛ kuro dumaa, bɔ ɔte Yerusalem foforɛ ne, bɔ ofi nyameɛso ɔba ase fi me Nyameɛ berɛ, ɔne me dumaa foforɛ ne, ngɔhyerɛ ngogua ye nwo.

Nyekyire 3:21

Na bɔ odi ngonim ne, ngɔmaa ɔne me kɔtena m’ahennie bia so, kyɛbɔ me koso mali ngonim ná me ne me Baba yatena ye ahennie bia so ne.

1 Samuel 15:22

Nakoso Samuel hane kyɛ, “Aso AWURADE nye gye naen yeralɛ afɔleɛ ne afɔleɛ mɔ nwo tra kyɛ ekotie AWURADE dwirɛ ɔ? Nahorɛ nu, sotie te paa tra afɔleɛbɔlɛ, yeɛ asoɛ mmerɛlɛyɛlɛ te paa tra boaen nyii loe.