1 Timoteo 4:7 - AHYERƐLƐ KRONGRON

⁷ Nakoso daa tete dwirɛ mbaen mbaen mɔ bɔ bɛmmoka ne de, twe wɔ nwo fi ye nwo, ná bɔ nyamesom paa nwo mmɔden;

1 Timoteo 4:7 Iomraidhean Croise

Asomafoɛ 24:16

Ɛhe ati, mmerɛ biala mebɔ mmɔden kyɛ me tiboa ngobua me foɛ wɔ Nyameɛ ne kuro sona nyunu ɔ.

1 Timoteo 1:4

yeɛ nnɛmaa bɛha bɛ nwo wɔ ɛhoaa ne afilie nu aworɛ ndoatoasoɛ nwo dwirɛ bɔ ye bo mbɛ ɔ, bɔ ɔfa aporowaasulɛ ba tra nyamesom paa ne bɔ ɔwɔ gyidie nu ne.

1 Timoteo 1:9

Yeɛ yɛse kyɛ mmeraa ne ɔnne berɛ mma teneneeniɛ, na mmom ɔwɔ berɛ ma mmeraatolɛfoɛ, asoserɛfoɛ, bɛ bɔ benzuro Nyameɛ, bɔnefoɛ, bɛ bɔ bɛ nwo nde, ɔne bɛ bɔ bɛ nwo agua fiɛ ɔ, bɛ bɔ beku bɛ se ne bɛ ni, awudifoɛ,

1 Timoteo 2:10

na mmom nnwumaa paa bɔ ɔfata mmrasua bɔ bɛda nyamesom ali ɔ.

1 Timoteo 3:16

Aporowaa biala nne ye nwo kyɛ nyamesom nu mvealeɛ nu dwirɛ ne ɔte piri: Nyameɛ lale ye nwo ali anwoɔnaen nu, olili be wɔ Sunzum nu; abɔfo mɔ nwuni ye, bɛbɔle ye nwo dawure wɔ maen maen nu; belele ye belili wɔ wiase, na bɛfale ye bɛhɔle nyameɛso animnyam nu.

1 Timoteo 4:8

ofikyɛ anwoɔnaen nu mmɔdenbɔlɛ nwo le mvasoɛ kãa de, nakoso nyamesom paa nwo le mvasoɛ wɔ nikyee biala nu, na ole kekesaala ye ngoa ɔne ngoa bɔ ɔbaawa ne nwo bɔhyɛ.

1 Timoteo 6:11

Na wɔ, Nyameɛ sona, wɔ de, twe wɔ nwo fi ɛhemɔ anwo, ná fa tenenee, nyamesom paa, gyidie, ɔdɔ, animia ne anwobrɛaseɛ sie wɔ nye so.

1 Timoteo 6:20

O Timoteo, nea bɔ bafa bawura wɔ sa ne aso yé. Twe wɔ nwo fi edwudwolɛ fiɛ ne aporowaasulɛ mbaen mbaen bɔ bɛyɛ mvomsoɛ bebu ye kyɛ ɔte nimdeɛ ne nwo.

1 Timoteo 6:3

Sɛ ebie yɛ ngyerɛkyerɛ foforɛ, ná wambene y’Awurade Yesu Kristo nahorɛ dwirɛ ne ɔne ngyerɛkyerɛ bɔ ɔkɔ nyamesom paa nu ne aso a,

1 Timoteo 6:5

manzoenhwenɛ wɔ mmenia bɔ b’adwene awu ɔ nu, bɔ bɛne nahorɛ abɔ nzahoɛ, bɔ besusu kyɛ nyamesom paa ma sona nya ye nwo ɔ.

2 Timoteo 2:16

Twe wɔ nwo fi edwirɛ mbaen mbaen bɔ ye nwo nde ɔ nwo, ofikyɛ odiedie mmenia fa bɛ kɔ musue nu.

2 Timoteo 2:23

Nakoso ngwaseaa aporowaasulɛ ne edwirɛ mbaen mbaen de, twe wɔ nwo fi ye nwo, ofikyɛ ɛse kyɛ bɛne ngondii yeɛ bɛnate ɔ.

2 Timoteo 3:12

Amba, sona biala bɔ ɔpena kyɛ ɔbɔ bra bɔ ɔsɔ anyeɛ wɔ Kristo Yesu nu ne, bɛkɔtane ye nye.

2 Timoteo 3:5

bɛkɔyɛ bɛ nwo kyɛ basɔ nyamesom paa ne anu, nakoso bɛpo tumi bɔ ɔwɔ nu ne. Twe wɔ nwo fi sɔ mmenia nemɔ nwo.

2 Timoteo 4:4

Bekotuatua bɛ so wɔ nahorɛ ne anwo, ná baatie ɛhoaa mmom.

Tito 1:14

ná banyɛ asoɛ bamma Yudafoɛ tete dwirɛ bɔ nahorɛ nne nu ne, ɔne mmenia bɔ bɛpo nahorɛ ne ɔ b’ahyɛdeɛ.

Tito 2:12

Na okyirekyire yɛ, kyɛ, yɛ́gyi bra fiɛ ne wiase akɔnnɔ yɛ́gua, kyɛ yɛ́nya anwohyɛsoɛ, ná yɛ́fa tenenee ne nyamesom paa yɛtena wiase he anu,

Tito 3:9

Nakoso twe wɔ nwo fi ngwaseaa aporowaasulɛ nwo, aworɛ ndoatoasoɛ nwo dwirɛ nwo, mbakyembakyemuɛ nwo, yeɛ mmeraa ne nwo aporowaasulɛ nwo; ofikyɛ mvasoɛ nne so, na bɛte mbaen.

Hebrifoɛ 5:14

Nakoso bɛ bɔ banyi (sunzum nu) ne de, aleɛ bɔ nu yɛ no yeɛ ɔfata bɛ ɔ, ofikyɛ basua banwu ye, na bɛkora benwu nzonzoleɛ bɔ ɔwɔ paa ne tɛɛ nu ɔ.