1 Timoteo 4:3 - AHYERƐLƐ KRONGRON

³ Bɛ yeɛ bɛbera agyaa, ná bɛhyɛ kyɛ sona otua aleɛ bɔ Nyameɛ bɔle kyɛ bɛ bɔ bede bedi, ná banwu nahorɛ ne bɛfa asennaa beli ɔ.

1 Timoteo 4:3 Iomraidhean Croise

Gyenesise 9:3

Nikyee biala bɔ nwomeɛ wɔ ye nu ne, ɔkɔyɛ ɛmɔ aleɛ. Na kyɛbɔ mvale nyaanyaa monɛ mane ɛmɔ ne, sɔ ala yeɛ méfa nikyee biala méma ɛmɔ ɔ.

Nworɛ Dwirɛhanɛniɛ 5:18

Tie, bɔ manwu ye kyɛ ɔte paa ɛhe: Ngoa tikaape bɔ Nyameɛ afa ama sona ne, ɔte paa kyɛ sona kodidi, ɔkɔno, ná ɔkɔfa bɔ wafɛ wanya ye amukoraa wɔ wiase ɔkɔgye ye nye ɔ, ofikyɛ ye bue nu deɛ ɛne.

Daniel 11:37

Ɔngɔfa ye nana mɔ nyameɛ nemɔ ngɔyɛ huu, ongobu bɔ mmrasua kuro ye dwirɛ ne, yeɛ ɔngɔfa nyameɛ foforɛ biala ngɔyɛ huu, ofikyɛ ɔkɔmoma ye nwo so kɔtra bɛ mukoraa.

Mateo 14:19

Afei ɔmane ɛlɔen ne bɛtenatenane ase wɔ ɛserɛ ne aso. Na ɔfale paanoo nnu ne tiré nyɔ ne, ɔtole ye nye neane nyameɛso, oyirale so, obubuli nu, na ɔfale paanoo ne mane ye asuafoɛ nemɔ, na asuafoɛ nemɔ koso bɛfa bɛmane ɛlɔen ne.

Mateo 15:11

“Nna bɔ ɔkɔ sona noa nu yeɛ ogua ye nwo fiɛ ɔ, na mmom bɔ ofi sona noa nu ba ne yeɛ ogua ye nwo fiɛ ɔ.”

Mateo 15:36

Afei ɔfale paanoo nzoo ne ne tiré ne, ɔlale ase, na obubuli nu, ɔfa mane ye asuafoɛ nemɔ, na asuafoɛ nemɔ koso bɛfa bɛmane ɛlɔen ne.

Luka 24:30

Na ɔwale kyɛ ɔne bɛ bɛtenane poen nwo kyɛ bedidi nen, ɔfale paanoo ne, oyirale so, na obubuli nu fa mane bɛ.

Yohane 6:23

Nakoso ɛlɛen biemɔ fili Tiberia bɛwale bepingyele nekaa bɔ Awurade lale ase, ná belili paanoo ne.

Asomafoɛ 27:35

Na ɔhane sɔ dwirɛ nen, ɔfale paanoo, ɔlale Nyameɛ ase wɔ bɛ mukoraa bɛ nyunu berɛ, obubuli nu, na ɔhyɛle ye bo didili.

Romanfoɛ 14:17

Ofikyɛ Nyameɛ ahennie ne ɔtte aleɛ ne anonneɛ, na mmom ɔte tenenee, asomdwee ne anika bɔ ofi Sunzum Krongron ne berɛ ɔ.

Romanfoɛ 14:3

Sona bɔ odi ne, ɔnzɛ kyɛ obu sona bɔ onni ne animtia; yeɛ sona bɔ onni ne koso, ɔnzɛ kyɛ obua sona bɔ odi ne ndɛen, ofikyɛ Nyameɛ ale ye ato nu.

Romanfoɛ 14:6

Sona bɔ ɔdwene kyɛ kyẽa bie te paa nen, ɔyɔ sɔ fa hyɛ Awurade animnyam. Yeɛ sona bɔ odi nikyee bie nen, odi fa hyɛ Awurade animnyam, ofikyɛ ɔda Nyameɛ ase. Sɔ ala yeɛ sona bɔ onni ne koso, ɔyɔ sɔ fa hyɛ Awurade animnyam ɔ, na ɔda Nyameɛ ase.

1 Korintofoɛ 6:13

“Bɛbɔle aleɛ bɛmane koɛ, yeɛ koɛ wora bɛbɔle ye bɛmane aleɛ.” Nakoso Nyameɛ kɔsɛkye bɛ munyɔ. Nipadua nne berɛ ma adwamanbɔlɛ, na mmom ɔwɔ berɛ ma Awurade, yeɛ Awurade koso wɔ berɛ ma nipadua.

1 Korintofoɛ 7:28

Nakoso sɛ egya braa de a, ɛyyɔle bɔne, yeɛ sɛ ababunu koso gya biaa a, ɔyyɔle bɔne. Asetena nu dwirɛ fa asodie bɔ nu yɛ no ɔ to awarefoɛ so, na ɛhe yeɛ ahaa mekuro kyɛ ɔpa ɛmɔ ti ɔ.

1 Korintofoɛ 8:8

Aleɛ ngora mma yɛnzɔ Nyameɛ nye. Sɛ yanni a, yɛnhwere hwee, yeɛ sɛ yɛdi koso a, yɛnnya ngɔsoɛ biala.

Kolosefoɛ 2:16

Yiti nnɛmɔma ebiala bua ɛmɔ ndɛen fa aleɛ anaa anonneɛ, anaa aluolue, anaa ɛsraen foforɛ anaa afofingyẽa nwo.

Kolosefoɛ 3:17

Na nikyee biala bɔ ɛmɔyɔ wɔ edwudwolɛ anaa yɔleɛ nu ne, ɛmɔyɔ ye mukoraa wɔ Awurade Yesu dumaa nu, na ɛmɔfa asennaa bɛfa ye so bɛma Baba Nyameɛ.

1 Timoteo 2:4

ye bɔ okuro kyɛ mmenia amukoraa benya daa ngoa ná bɛba nahorɛ nimdeɛ ne anu ne.

1 Timoteo 4:4

Ofikyɛ Nyameɛ abɔdeɛ biala te paa, na sɛ yɛfa asennaa yɛsɔ nu de a, ye de ɔnzɛ kyɛ yɛkyi nikyee fee ɔ;

1 Timoteo 5:14

Yiti mekuro kyɛ akunafoɛ ndaluwa nemɔ begyigya mmiaa ná bɛwo, ná bɛnea b’awuro so yé, ná yamma pɔfoɛ ne ate ma wangekã yɛ nwo dwirɛ tɛɛ;

Hebrifoɛ 13:4

Odi kyɛ ebiala di agyaa ni, na nnɛma ebiala gua agyaa mba nwo fiɛ, ofikyɛ Nyameɛ kobua adwamanbɔlɛfoɛ ne agyaasɛkyelɛfoɛ ndɛen.

Hebrifoɛ 13:9

Onni kyɛ ɛmɔma ngyerɛkyerɛ foforɛ ahoroɔ biala twe ɛmɔ fi atee paa ne aso, ofikyɛ ɔte paa kyɛ Nyameɛ adom ne yeɛ ɔhyɛ y’ahone nguraen ɔ, na nna aleɛ bɔ mmenia bɔ bedi ne bennya ye nwo mvasoɛ biala hɔ ɔ.

1 Samuel 9:13

Sɛ ɛmɔdwu kuro ne aso ala a, ɛmɔkonwu ye koraka né wafo wahɔ asɔneyɛɛ so berɛ waadidi. Sɛ ɔwwale a, mmenia nnidi, ofikyɛ ye yeɛ odi kyɛ oyira afɔleɛ ne aso koraka ɔ. Na ɛhe asi ne, mmenia bɔ bato bɛ sa bafrɛ bɛ ne, bedidi. Yiti ɛ́mɔfo bɛhɔ, na ɔngɔhyɛ biala ɛmɔkonwu ye.”