1 Timoteo 4:1 - AHYERƐLƐ KRONGRON

¹ Sunzum ne kã ye pefee kyɛ mmerɛ bɔ oli nziɛ ne anu, ebiemɔ koli makyebu bekofi gyidie ne anwo bekooli ngondombo sunzum mɔ ne sunzummɔne mɔ ngyerɛkyerɛ si,

1 Timoteo 4:1 Iomraidhean Croise

Gyenesise 3:13

Na AWURADE Nyameɛ bisale braa ne kyɛ, “Nzikyɛ nikye yeɛ ayɔ ye?” Na braa ne buale kyɛ, “Ewoo ne yeɛ ɔlakalakale me maa nnili ɔ.”

1 Ahemvo 13:18

Yeɛ ngɔmhyɛlɛniɛ aworowaa ne sele ye kyɛ, “Me koso nde ngɔmhyɛlɛniɛ kyɛ wɔ ala. Na abɔfo nate AWURADE dwirɛ so wahã wahyire me kyɛ, ‘Kɔhã kyire ye maa osa ye si ɔbra w’awuro wa oodidi na ɔno nzue.’ ” Nakoso né ngɔmhyɛlɛniɛ aworowaa ne ɔlakalaka ye.

Yesaya 2:2

Na ɔkɔwa kyɛ, mmerɛ bɔ oli nziɛ ne, bokaa bɔ AWURADE awuro ne gyi so ne, ye bo kotimu maa ɔkɔware kɔtra bokaa biala, ɔkɔyɛ tendenn kɔtra pambaa biala, na maen maen mukoraa bekobiri bɛkɔwa so.

Yeremia 23:26

Ɔkwaadwu kyinzu yeɛ ɛhe kɔtena ngɔmhyɛlɛfoɛ bɔ bedi ngɔndorɔ nemɔ bɛ ti anu ɔ? Amba, bɛte ngɔmhyɛlɛfoɛ bɔ bɛbɔ bɛ ti anu bɛkekã nnakannaka dwirɛ ɔ.

Yeremia 48:47

Nakoso ngyẽa bɔ oli nziɛ ne, ngɔfa Moabo ngofi nnurehyelɛ nu ngosa ngɔwa, AWURADE noa dwirɛ ɛne.” Moabo ndɛenbualɛ ne, ye ayieleɛ ɛne.

Yeremia 49:39

Nakoso ngyẽa bɔ oli nziɛ ne anu, ngosa ngɔfa Elam ngofi nnurehyelɛ nu ngɔwa, AWURADE noa dwirɛ ɛne.

Hesekiel 1:3

AWURADE lale ye dwirɛ ali hyirele ɔsɔfo Hesekiel bɔ ye baba ole Busi ne wɔ Kaldeafoɛ aseɛ so wɔ asue Kebare noa; na berɛ yeɛ AWURADE tumi wale ye so ɔ.

Hesekiel 38:16

na ɛkɔɔfa koɛ kɔtoa me maen Yisrael kyɛ munungum bɔ ɔkɔta aseɛ ne aso ɔ. Na mmerɛ bɔ oli nziɛ ne, ngɔfa wɔ ngɔwa maa ɛkɔɔfa koɛ kɔtoa me maen ne, bɔ ɔnate so maen maen bekonwu me ɔ, na ɛhe kosi wɔ mmerɛ bɔ ngɔfa wɔ, Gɔgo, wɔ so ngɔla me krongronyɛlɛ ali bɔ bɛ nye tua ɔ.

Daniel 10:14

Na bɔ ɔkɔto wɔ maen ne wɔ mmerɛ bɔ oli nziɛ ne anu ne, mawa kyɛ mebaamaa ɛte ye bo. Ofikyɛ sɔ nyekyire he, ɔfa mmerɛ bie bɔ ɔbaawa ɔ nwo.”

Hosea 3:5

na ye si, Yisraelfoɛ kosa kɔwa bɛkɔɔpena AWURADE bɛ Nyameɛ ne bɛ hene Dawide si atee, na bekosuro AWURADE ne ye anwumvoinnwunɛ wɔ ngyẽa bɔ oli nziɛ nemɔ anu.

Mika 4:1

Nakoso ɔkɔwa kyɛ, ngyẽa bɔ oli nziɛ ne anu, bokaa bɔ AWURADE awuro ne gyi so ne, okotimu kɔyɛ tendenn paa wɔ mmokaa nemɔ anu, na ɔkɔhɔ anwuro kɔtra pambaa nemɔ. Mmenia kotu bi bɛkɔhɔ so,

Numeri 24:14

Afei, mesa mekɔ me maen nu. Na maa nga bɔ kyẽa bie maen he kɔfa kɔyɔ wɔ maen ɔ ngyire wɔ.”

Mateo 18:7

Ɔnate sundiduatolɛ ti, ewiase ye yaakɔ! Ɔyɛ sɛɛ ala a sundiduatolɛ kɔwa; nakoso sona bɔ ɔnate ye so sundiduatolɛ kɔwa ne de, ye yaakɔ!

Luka 17:1

Na Yesu sele ye asuafoɛ nemɔ kyɛ, “Ɔyɛ sɛɛ ala a, sundiduatolɛ kɔwa, nakoso sona bɔ ɔnate ye so ɔkɔwa ne de, ye yaakɔ!

Yohane 16:13

Na sɛ ye, nahorɛ Sunzum ne, ɔba a, okohyire ɛmɔ atee kɔhɔ nahorɛ ne amukoraa nu. Ofikyɛ ɔngɔfa ye bɔbɔ ye tumi yeɛ okodwudwo ɔ, na mmom edwirɛ biala bɔ ɔkɔte ne yeɛ ɔkɔhã ɔ, na ɔkɔla nningyein bɔ bɛbaasisi ɔ ali kohyire ɛmɔ.

Asomafoɛ 13:2

Mmerɛ bɔ bɛwɔ so bɛsɔne Awurade na bɛyɔ akɔngyere ne, Sunzum Krongron ne sele bɛ kyɛ, “Ɛ́mɔye Banaba ne Sɔɔlo bɛma me ma bɛɛyɔ adwuma bɔ yiti yeɛ mmvrɛle bɛ ne.”

Asomafoɛ 17:18

Na nwomanimfoɛ fekue nyɔ bie bɔ bɛfrɛ bɛ Epikurofoɛ ne Setokifoɛ koso ne ye suli aporowaa. Ebiemɔ hane kyɛ, “Akoaa he bɔ ɔnze hwee ye, nzu yeɛ okyire ye?” Na biemɔ koso hane kyɛ, “Osoma kyɛ ɔ́ka mmosoen ɛwɔfoɛ biemɔ nwo dwirɛ.” Bɛhane sɔ, ɔnate kyɛ né Pɔɔlo ka Yesu ne ewutingyelɛ nwo dwirɛ.

Asomafoɛ 20:23

sana bɔ Sunzum Krongron ne ahã ahyire me wɔ kuro biala so kyɛ mmenia kɔto me kuku nu na bamaa manwu amaneɛ ɔ.

Asomafoɛ 21:11

Na ɔwale yɛ nwo berɛ ne, ɔfale Pɔɔlo abɔsoɛ ne kyekyele ye bɔbɔ ye gya ne ye sa, na ɔhane kyɛ, “Kyɛ Sunzum Krongron ne kã hɔ ɛhe: ‘Sona bɔ ye abɔsoɛ ɛhe ne, sɔ ala yeɛ Yudafoɛ kɔkyekye ye wɔ Yerusalem ná bafa ye bawura Amaenmaensofoɛ sa ɔ.’ ”

Asomafoɛ 28:25

Bɛ ne bɛ nwo anyɛ adwene; na anzana bɛbaafi berɛ bɛkɔ ne, Pɔɔlo ha hyirele bɛ kyɛ “Edwirɛ bɔ Sunzum Krongron ne nate ngɔmhyɛlɛniɛ Yesaya so ha hyirele ɛmɔ nana mɔ ne te nahorɛ turoloo!

1 Korintofoɛ 10:20

Mekyire kyɛ aleɛ bɔ bosoensolɛfoɛ bɛfa bɛbɔ afɔleɛ ne, bɛfa bɛma sunzummɔne mɔ, na bɛmva bɛmma Nyameɛ; yiti menguro kyɛ ɛmɔ ne sunzummɔne mɔ kɔbɔ afɛ ɔ.

1 Korintofoɛ 11:19

Yoo, ye nwo kohia kyɛ fekue fekue kɔwa ɛmɔ nu ɔ, na ɛhe kɔma ɛmɔ nu mmenia bɔ bɛnate nahorɛ atee so ne, bɛ nwo kɔla nzorɛ.

1 Korintofoɛ 12:11

Sunzum komapɛ ne ala yeɛ ɔyɔ ɛhemɔ amukoraa ɔ, na ɔma ebiala akyɛdeɛ kyɛbɔ ye bɔbɔ okuro ɔ.

1 Korintofoɛ 2:10

Nakoso yɛ yeɛ Nyameɛ nate ye Sunzum so waye wahyire yɛ ɔ. Ofikyɛ Sunzum ne pɛnzɛpɛnzɛ nikyee biala nu, ɔne Nyameɛ mvealeɛ nu nhyehyɛleɛ po.

2 Korintofoɛ 11:3

Nakoso mesuro kyɛ, kyɛbɔ ewoo ne fale anyeteɛ nworɛ lakalakale Hawa nen, sɔ ala yeɛ bɛkɔsɛkye ɛmɔ adwene maa ɛmɔkɔhwe bɛ nwo bekofi Kristo bɔ ɛmɔafa bɛ nwo bama ye nahorɛ nu ne anwo ɔ.

Deuteronomi 32:29

Sɛ bɛse nworɛ a, ahaa bɛkɔte ɛhe abo, ná banwu kyɛbɔ b’ayieleɛ kosi koyie bɛ ɔ!

Deuteronomi 4:30

Na sɛ ɛkɔ anwokyere nu, ná kyẽa bie sɔ nningyein hemɔ amukoraa toto wɔ a, ekosa kɔwa AWURADE wɔ Nyameɛ berɛ, ná atie ye dwirɛ.

Kolosefoɛ 2:18

Nnɛmɔma sona biala bɔ ɔpati brɛ ye nwo ase, bɔ ɔsɔne abɔfo mɔ, bɔ ɔnwa wanya nyekyire, bua ɛmɔ foɛ; ofikyɛ ye adwene mbaen yeɛ ɔfa tu ye nwo yɔ sɔ ɔ.

2 Timoteo 3:13

Na amumuyɛɛfoɛ ne aminɛlilɛfoɛ bɛkɔhɔ so bɛkɔlɔ asukɔ wɔ bɔne nu; bɛkɔlakalaka mmenia, ná mmenia koso alakalaka bɛ.

2 Timoteo 4:4

Bekotuatua bɛ so wɔ nahorɛ ne anwo, ná baatie ɛhoaa mmom.

Yakobo 3:15

Sɔ nworɛ he de, nna anwuro yeɛ ofi ɔ, na mmom ɔte aseɛ so deɛ; nna sunzum nu deɛ ɔ, na ɔte sunzummɔne mɔ deɛ.

1 Petro 1:20

Ye yeɛ bɛyele ye besiele berɛ koraka yeɛ bɛbaabɔ wiase ɔ, nakoso ɔnate ɛmɔ ti yeɛ bala ye ali bahyire wɔ mmerɛ bɔ oli nziɛ ye anu ɔ.

2 Petro 2:1

Na ngɔmhyɛlɛfoɛ ngondombofoɛ bedwɔsole maen ne anu, kyɛbɔ akyerɛkyerɛfoɛ ngondombofoɛ bekodwɔso wɔ ɛmɔ nu koso ne. Bɛ yeɛ bɛkɔfeafea bɛ nwo bɛkɔfa ngyerɛkyerɛ tɛɛ bɔ ɔsɛkye mmenia bekoowura nu ɔ, na bɛkɔpo Awurade bɔ ɔɔpɔle bɛ ná olele bɛ ne po, na bɛkɔtwetwe ɛsɛkyelɛ bɔ ɔba ndɛndɛ ɔ bɛkɔbrɛ bɛ nwo.

2 Petro 3:3

Na ɔsɛ kyɛ ɛmɔdi moa bɛte ɛhe bo, kyɛ, ngyẽa bɔ oli nziɛ ye anu, ngorohoɛfoɛ kodwɔso, na bekoli bɛ bɔbɔ b’akɔnnɔ si bekoli ngorohoɛ;

1 Yohane 2:18

Me mma mɔ, ayieleɛ mmerɛ ne apingye. Na kyɛbɔ ɛmɔate ye daa kyɛ antikristo ne ɔ́ba ne, sɔ ala yeɛ kekesaala ye antikristo pee bawa ɔ; na ɛhe maa yɛnwu ye kyɛ ayieleɛ ne ala ɛne.

1 Yohane 4:6

Yɛ de, yɛte Nyameɛ deɛ, na ebiala bɔ ɔse Nyameɛ ne, otie yɛ dwirɛ; nakoso bɔ ɔtte Nyameɛ deɛ ne de ondie yɛ dwirɛ. Na ɛhe yeɛ ɔmaa yɛnwu nahorɛ Sunzum ne ngondombo sunzum ɔ.

Yuda 1:18

Bɛhã behyirele ɛmɔ kyɛ, “Mmerɛ bɔ oli nziɛ ne anu, ngorohoɛfoɛ kodwɔso, na bekoli bɛ bɔbɔ b’akɔnnɔ si.”

Yuda 1:4

Ofikyɛ mmenia biemɔ bawuawua bɛ nwo baawura ɛmɔ nu, mmenia bɔ ofi tetetete bahyerɛ bɛ nwo dwirɛ bato berɛ bama ndɛenbualɛ he, amumuyɛɛfoɛ bɔ bafa yɛ Nyameɛ adom ne bakakyi ahowibra, ná bɛpo Awurade Yesu Kristo bɔ ɔte yɛ Meneɛ komapɛ ne ɔ.

Nyekyire 13:14

Na nzɛngyerɛnneɛ bɔ wanya ye nwo tumi kyɛ ɔyɔ ye wɔ kaka ne nyunu ne, ɔfa so lakalaka bɛ bɔ bɛte aseɛ so ɔ; na ose bɛ bɔ bɛte aseɛ so ɔ kyɛ, bɛ́yɔ ohoni bɛma kaka bɔ ngrandɛ apura ye, nakoso ɔtɛ te ase ne.

Nyekyire 16:14

Bɛte sunzummɔne sunzum mɔ bɔ bɛyɔ nzɛngyerɛnneɛ, bɔ bɛkɔ wiase amukoraa ahemvo mɔ so aporɔ bɛboaboa bɛ noa bɛma koɛ wɔ Tuminiɛ Nyameɛ ye kyẽa piri ne ɔ.

Nyekyire 18:2

Na ɔteane nu serɛserɛ kyɛ, “Kuro piri Babilɔn abɔ, wabɔ! Wakakyi sunzummɔne mɔ b’atenaleɛ ne sunzum fiɛ amukoraa b’awuro ne nnomaa bɔ bɛ nwo nde ná bekyi ɔ amukoraa b’atenaleɛ.

Nyekyire 18:23

kanea ye hyireinn ngɔta wɔ wɔ nu ko, na bɛngɔte atɔmvorɛ biaa ne atɔmvorɛ braa komvi wɔ wɔ nu ko; ofikyɛ wɔ dwadifoɛ yeɛ né bɛte atitire wɔ aseɛ so ɔ, na ɛfale wɔ ngonyaayelɛ lakalakale maen maen amukoraa.

Nyekyire 19:20

Na bɛhyele kaka ne, ɔne ngɔmhyɛlɛniɛ ngondomboniɛ ne koso bɔ ɔyɔle nzɛngyerɛnneɛ wɔ ye nyunu, bɔ ɔfa lakalakale bɛ bɔ bale kaka ne nzorɛhyɛlɛ ne, ɔne bɛ bɔ bɛkotole ye honi ne. Na befindini bɛ munyɔ anyekaenn so beguale see abura bɔ sɔfe ogye wɔ nu ne anu.

Nyekyire 2:11

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ewue bɔ ɔtɔ so nyɔ ne ngɔwa ye so.’

Nyekyire 2:17

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye mvealeɛ nu mana ne bie maa okoli, na ngɔma ye nyɔboɛ fufue, na nyɔboɛ ne aso yeɛ bahyerɛ dumaa foforɛ bɔ ebiala nze bagua ɔ, sana sona bɔ onya ye ne angome.’

Nyekyire 2:29

Bɔ ole asoɛ ne, maa otie bɔ Sunzum ne kã kyire asɔre nemɔ ne.

Nyekyire 2:7

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye ngoa bakaa bɔ ogyi Nyameɛ Paradise ne anu mma maa okoli.

Nyekyire 20:10

Na abɔnzam bɔ ɔlakalakale bɛ ne de, befindini ye bɛtole see ne sɔfe abura ne anu, nekaa bɔ kaka ne ne ngɔmhyɛlɛniɛ ngondomboniɛ ne bɛwɔ ne, na bɛkɔfa bɛ bɛkɔfa yealɛ nu alehyeleɛ ne alesaleɛ nu afebɔɔ.

Nyekyire 20:8

na okofite kɔwa kɔɔlakalaka maen maen mɔ bɔ bɛwɔ aseɛ ndweasoɛ nna ne aso: Gɔgo ne Magɔgo, kyɛ ɔboaboa bɛ noa maa bɛkɔ koɛ; na bɛ somaa te kyɛ mboanoa anweaa.

Nyekyire 3:13

Bɔ ole asoɛ ne, maa otie bɔ Sunzum ne kã kyire asɔre nemɔ ne!’

Nyekyire 3:22

Bɔ ole asoɛ ne, maa otie bɔ Sunzum ne kã kyire asɔre nemɔ ne.

Nyekyire 3:6

Bɔ ole asoɛ ne, maa otie bɔ Sunzum ne kã kyire asɔre nemɔ ne.

Nyekyire 9:20

Nakoso adasa mmaa ngaa bɔ ɛhawo hemɔ wangukũ bɛ ne, banzakyera b’adwene bamvi bɛ sa noa nnwumaa nwo, banyakyi sunzummɔne mɔ sɔnenɛ, yeɛ banyakyi sikaa kɔkorɛ, ɛdwetɛ, kɔɔbere, nyɔboɛ ne bakaa amoen mɔ bɔ bɛngora bennwu nikye, anaa bɛnde dwirɛ, anaa bɛnnate ɔ sɔnenɛ;