1 Timoteo 3:8 - AHYERƐLƐ KRONGRON

⁸ Sɔ ala yeɛ ɔsɛ kyɛ asɔre nu asomvoɛ mɔ bɛyɛ mmenia bɔ bɛ nyunu le animnyam ɔ, bɔ bɛkã nahorɛ, na mmom bɛtte akɔnomnzafoɛ ne adifuufoɛ ɔ;

1 Timoteo 3:8 Iomraidhean Croise

Edwein 12:2

Bɛpepɛ anoanu bekyirekyire bɛ nwo. Bɛfa bɛ noa bɛdɛfɛdɛfɛ, ná bama bɛ noa ayɛ nyɔ.

Edwein 5:9

Ofikyɛ bɛnga nahorɛ kaala, aborɛ yeɛ ɔwɔ bɛ ti anu ɔ; bɛ komvi te asieleɛ kumaa bɔ ɔla berɛ too ɔ, na bɛfa bɛ noa bɛdɛfɛdɛfɛ mmenia.

Edwein 50:19

Ɔnyɛ wɔ se kyɛ ɛte wɔ noa kekã musue dwirɛ ɔ, na nnakannaka wɔ wɔ noa nu.

Edwein 52:2

Wɔ noa kekã musue dwirɛ, wɔ temverema te kyɛ dɛmaa nnaennaen.

Hesekiel 44:21

Onni kyɛ ɔsɔfo biala no nzaa wɔ mmerɛ bɔ ɔkɔhɔ sua ne akunu dɔ aluo berɛ ɔ.

Lewitikɔso 10:9

“Ɛne wɔ mma mmienzua mɔ, sɛ ɛmɔkɔ ɛtena sua ne anu a, nnɛma ɛmɔno bobe nzaa anaa nzaa serɛ biala amaa ɛmɔanwu; ɔsɛ kyɛ ɔyɛ ahyɛdeɛ afebɔɔ wɔ ɛmɔ aworɛ ndoatoasoɛ amukoraa nu.

Romanfoɛ 3:13

Bɛ noa dwirɛ te asieleɛ bɔ so abukye ɔ, na bɛfa bɛ temverema bɛlakalaka mmenia, ewoo noa borɔ wɔ bɛ noa nu.

Filipifoɛ 1:1

Pɔɔlo ne Timoteo, bɔ yɛte Kristo Yesu ngoaa, yɛfa yɛbrɛ Kristo Yesu nu anwoteefoɛ amukoraa bɔ bɛwɔ Filipi, bɔ neafoɛ mɔ ne asomvoɛ mɔ bɛboka so ɔ.

1 Timoteo 3:12

Asɔre nu asomvoɛ mɔ, ɔsɛ kyɛ ebiala ɔye yɛ komapɛ, yeɛ ɔsɛ kyɛ bɛyɛ mmenia bɔ bɛkora bɛ mma ne bɛ bɔbɔ b’awuro so nea ɔ.

1 Timoteo 3:2

Ɔsɛ kyɛ neafoɛ ne ɔyɛ sona bɔ ngekalewa biala nne ye bra nu ɔ, ɔye yɛ komapɛ, ye nye la berɛ, ye nye dwo ase, ye suban te paa, okuro ɛwɔfoɛsolɛ, ɔse ngyerɛkyerɛ yɛ,

1 Timoteo 3:3

ɔnzɛ kyɛ ɔyɛ akɔnomnzaniɛ, ahupoo, na mmom ɔsɛ kyɛ odwo; ɔnzɛ kyɛ okuro ngondii, anaa ɔma ye nye boro sikaa.

1 Timoteo 5:23

Nnɛno nzue ngome ko, na ɔnate wɔ ko bɔ ɔha wɔ, ɔne fonɔnfonɔn bɔ ɛtaa yɛ ne ati, no bobe nzaa kãa.

Tito 1:7

Na bɔ ɔfata neafoɛ ɛhe: ɔnzɛ kyɛ benwu ngekalewa wɔ ye bra nu, ofikyɛ ɔte Nyameɛ awuro so neafoɛ; ɔnzɛ kyɛ ɔmoma ye nwo so, onya ahone, ɔyɛ akɔnomnzaniɛ, patapaa, anaa adifuu sona;

Tito 2:3

Sɔ ala yeɛ kyirekyire nworowaa nemɔ ma bɛbɔ bra bɔ ɔte krongron ɔ. Ɔnzɛ kyɛ bedi nzekure anaa bɛyɛ akɔnomnzafoɛ; na mmom ɔsɛ kyɛ bekyirekyire bɔ ɔte paa ɔ,

Yakobo 3:10

Noa komapɛ ne anu yeɛ saleɛ ne amoenwaa fi ɔ. Aliɛmaa mɔ, ɔnzɛ kyɛ ɔba ye sɔ ɔ!

1 Petro 5:2

ɛ́mɔnea Nyameɛ mmoaen kure bɔ owura ɛmɔ sa ne aso, bɔ nna nhyɛsoɛ so ɔ, na mmom kyɛ ɛmɔkofia ɛmɔ kunu bɛkɔnea bɛ so kyɛbɔ Nyameɛ pena ɔ; bɔ nna adifuu ti ɔ, na mmom kyɛ ofi ɛmɔ ahone nu ti ɔ;