1 Timoteo 3:7 - AHYERƐLƐ KRONGRON

⁷ Afei koso, ɔsɛ kyɛ ɔyɛ ebie bɔ mmenia bɔ bɛnne yeɛ fekue ne anu ɔ bɛbɔ ye dumaa paa ɔ, ná ye nyunu angua ase ma wandɔ abɔnzam ngaen nu.

1 Timoteo 3:7 Iomraidhean Croise

Marko 4:11

Na obuale bɛ kyɛ, “Ɛmɔ de, bafa bama ɛmɔ kyɛ ɛ́mɔnwu Nyameɛ ahennie nu mvealeɛ nu dwirɛ; nakoso mmenia ngaa ne de, bɛkã ye mukoraa wɔ anyandera nu yeɛ bekyire bɛ ɔ.

Asomafoɛ 10:22

Na bɛbɔle b’amaneɛ kyɛ, “Asraafoɛ ɛyaa so panyi Kɔneleo yeɛ ɔsomane yɛ ɔ. Ɔte sona paa, nyamesuroniɛ, na Yuda maen ne amukoraa bɔ ye dumaa paa. Na Nyameɛ abɔfo aye ahyire ye kyɛ ɔto ye sa frɛ wɔ ma ɛbra ye awuro, na otie wɔ noa dwirɛ.”

Asomafoɛ 22:12

“Né biaa bie bɔ bɛfrɛ ye Anania, bɔ ɔte nyamesuroniɛ paa kyɛbɔ yɛ mmeraa si te ɔ wɔ kuro berɛ. Yudafoɛ mukoraa bɔ ye dumaa paa.

Asomafoɛ 6:3

Yiti aliɛmaa mɔ, ɛmɔye ɛmɔ nu mmienzua nzoo bɔ ebiala bu bɛ, nworɛfoɛ bɔ Sunzum Krongron ayi bɛ tɛkyɛ, na yɛfa bɛ yɛsie sɔ adwuma he noa,

1 Korintofoɛ 10:32

Nnɛma ɛmɔyɔ bɔ ɔkɔha Yudafoɛ anaa Helafoɛ anaa Nyameɛ asɔre ne;

1 Korintofoɛ 5:12

Aso ɔte m’adwuma kyɛ mebua bɛ bɔ bɛnne yɛ fekue ye anu koso ndɛen ɔ? Aso nna bɛ bɔ bɛboka ɛmɔ so yeɛ ɛmɔbua bɛ ndɛen ɔ?

2 Korintofoɛ 6:3

Yɛndo ebiala sundidua, ná ebiala angã yɛ som ne nwo dwirɛ tɛɛ.

2 Korintofoɛ 8:21

Ofikyɛ yafa yasie yɛ nye so kyɛ yɛtoto nikyee biala pɛpɛɛpɛ, nna Awurade ngome nyunu, na kuro sona koso nyunu.

Kolosefoɛ 4:5

Bɛ bɔ bɛnne yɛ fekue ne anu ne, ɛ́mɔnate nworɛ nu wɔ bɛ nu, na nnɛma ɛmɔsɛkye ɛmɔ mmerɛ mbaen.

1 Tɛsalonikafoɛ 4:12

amaa ɛmɔabɔ bɛ bra kyɛbɔ ɔfata wɔ ewiasefoɛ nu, ná nikye fee anhia ɛmɔ.

1 Tɛsalonikafoɛ 5:22

ná ɛmɔhwe ɛmɔ nwo befi bɔne sue mukoraa nwo.

1 Timoteo 3:6

Ɔnzɛ kyɛ ɔyɛ sona bɔ ɔte gyidiniɛ foforɛ ɔ, ná wammoma ye nwo so ma wannya abɔnzam foɛbualɛ ne bie.

1 Timoteo 5:14

Yiti mekuro kyɛ akunafoɛ ndaluwa nemɔ begyigya mmiaa ná bɛwo, ná bɛnea b’awuro so yé, ná yamma pɔfoɛ ne ate ma wangekã yɛ nwo dwirɛ tɛɛ;

1 Timoteo 6:9

Nakoso bɛ bɔ bɛpena kyɛ benya bɛ nwo ne, bɛtɔ nzɔhwɛ ne ngaen ne ngwaseaa akɔnnɔ bɔ ɔtte mayee mma sona, bɔ ɔfa bɛ kɔ ɛsɛkyelɛ ne eminilɛ nu ne anu ɔ.

2 Timoteo 2:26

ná banya bɛ ti badidi nu bafi abɔnzam bɔ wahye bɛ nnure kyɛ bɛyɔ ye apɛdeɛ ne, ye ngaen nu.

Tito 2:5

ná badwene adwene paa, banea bɛ nwo so yé, basiesie b’awuro, bayɛ paa, babrɛ bɛ nwo ase bama bɛ bɔbɔ bɛ hu mɔ, ná mmenia annya edwirɛ tɛɛ banga bamva Nyameɛ dwirɛ ne anwo.

Tito 2:8

edwirɛ paa bɔ bengonya ye nwo dwirɛ bɛngɔhã ɔ; amaa ɔnate so ebiala bɔ ɔne wɔ bɛnyɛ adwene ne ye nyunu agua ase, bɔ ongonya yɛ nwo dwirɛ tɛɛ biala ngɔhã ɔ.

3 Yohane 1:12

Mmenia mukoraa di Demetrio nwo adanzeɛ paa, yeɛ ye yɔleɛ koso di ye nwo adanzeɛ paa. Yɛ koso yɛdi ye nwo adanzeɛ, na ɛmɔse kyɛ y’adanzeɛ ne te nahorɛ.

1 Samuel 2:24

Daabi, me mma, ɛ́mɔyakyi! Edwirɛ bɔ AWURADE mmenia bɛkeka maa mete ne, ɔtte mayee.