1 Timoteo 3:6 - AHYERƐLƐ KRONGRON

⁶ Ɔnzɛ kyɛ ɔyɛ sona bɔ ɔte gyidiniɛ foforɛ ɔ, ná wammoma ye nwo so ma wannya abɔnzam foɛbualɛ ne bie.

1 Timoteo 3:6 Iomraidhean Croise

2 Ahemvo 14:10

Ali Edom so ngonim amba ama wɔ ti anu ayɛ wɔ fɛ. Ma wɔ nye sɔ animnyam bɔ anya ye ne, ná tena wɔ maen nu. Nzu ati yeɛ ɛtwetwe edwirɛ ba maa ɛne Yuda ɛmɔdi ngoguo ye?”

2 Aberɛso Dwirɛ 26:16

Nakoso mmerɛ bɔ Yusia nyane tumi ne, ɔyɛle anwomasoɛ, na ɔnate so ye ayieleɛ wanyie ye yé. Ɔyɔle bɔne tiale AWURADE ye Nyameɛ, ofikyɛ ye bɔbɔ ɔhɔle AWURADE asɔneyɛɛ sua ne anu ɔɔyerale ɛyɛɛ wɔ ɛyɛɛ afɔleɛ bokyea ne aso.

2 Aberɛso Dwirɛ 32:25

Nakoso ɛlolɛ bɔ AWURADE lole Hesekia ne, Hesekia amma wanyɛ ye nyeme, ofikyɛ ɔyɛle anwomasoɛ. Yiti AWURADE fɛle Yuda ne Yerusalem so ɛyaa piri.

Anyandera 18:12

Anwomasoɛ mma onyie sona yé, na anwobrɛaseɛ ne animnyam yeɛ bɛnate ɔ.

Anyandera 29:23

Sona ye anwomasoɛ brɛ ye ase, nakoso bɔ ɔte sunzum nu awiɛmvoɛ ne de, okonya animnyam.

Yesaya 2:12

Na Asafo AWURADE ole ye kyẽa bɔ ɔkɔwa ebiala bɔ ɔte anwomasoɛ ne ahandaen ɔ so, ɔne ebiala bɔ wama ye nye atra ye ndo nwiaa ɔ so, na ɔkɔbrɛ ye ase;

Daniel 11:12

Na sɛ ɔkye ɛlɔen ne nnure ɔfa bɛ kɔ a, anwomasoɛ kɔwa ye nu, na okohũhũ mmenia apee buru pee, nakoso ongoli ngonim ngɔhyɛ.

Luka 10:18

Na osele bɛ kyɛ, “Nwuni Satan kyɛ ofi nyameɛso waatɔ ase kyɛ agralaa ɔ.

1 Korintofoɛ 3:1

Aliɛmaa mɔ, mangora me ne ɛmɔ andwudwo kyɛ mmenia bɔ Nyameɛ Sunzum ne ayi bɛ tɛkyɛ ɔ, na mmom kyɛ anwoɔnaenufoɛ bɔ bɛte nnɔma wɔ Kristo nu ɔ.

1 Korintofoɛ 8:1

Afei, ɔfa bosoen so aleɛ nwo dwirɛ de, yɛse kyɛ yɛ mukoraa yɛle nimdeɛ. Nimdeɛ ma sona moma ye nwo so, nakoso ɔdɔ de ɔma ngɔsoɛ.

2 Korintofoɛ 12:7

Na kyɛbɔ ɔkɔyɛ na mamva anwanwadeɛ nyekyire hemɔ mammoma me nwo so soma ne ati, bɛfale ɛhawo bie bawura me nwonaen nu, bɔ ɔte Abɔnzam bɔfoɛ, kyɛ ɔma nwu yealɛ, ná mammoma me nwo so.

Deuteronomi 17:20

Ɔba ye sɔ a, ɔngɔdwene kyɛ ɔte paa tra ye mmango Yisraelfoɛ, yeɛ ɔngɔhwe ye nwo ngofi mmeraa dwirɛ ne anwo ngɔhɔ bɛen anaa famaa so; amaa ɔnate so ye, yeɛ ye bosofoɛ bali hene bahyɛ wɔ Yisrael.

Deuteronomi 8:14

ye de nea yé né anwomasoɛ amma wɔ nu, ná wɔ wora amvi AWURADE wɔ Nyameɛ bɔ ɔyele wɔ fili Misraim aseɛ so, fili ngoaasolɛ nu ne;

1 Timoteo 3:7

Afei koso, ɔsɛ kyɛ ɔyɛ ebie bɔ mmenia bɔ bɛnne yeɛ fekue ne anu ɔ bɛbɔ ye dumaa paa ɔ, ná ye nyunu angua ase ma wandɔ abɔnzam ngaen nu.

1 Timoteo 6:4

sɔ sona ne moma ye nwo so, na ɔnze huu, aporowaasulɛ ne aporowaasulɛ kyengyekyengye ali ye ti; na bɔ ofi nu ba ole anyeboroborolɛ, mbakyembakyemuɛ, nzekure, mmenia nwo adwenemmɔne,

2 Timoteo 3:4

bɛ bɔ bɛye bɛ mmango mɔ bɛma, asobrakyeɛfoɛ, bekoli bɛ ti piri, ná bahuro anigye batra Nyameɛ;

1 Petro 2:2

Ɛmɔte kyɛ nnɔma bɔ bawo bɛ foforɛ ɔ, yiti ɛ́mɔpena sunzum nu nyɔfonesue bɔ ye nwo te ɔ, amaa ɔnate so ɛmɔanyi nu bahɔ ngoalelɛ nu,

1 Petro 5:5

Sɔ ala yeɛ ɛmɔ bɔ ɛmɔte mmabunu ne koso, ɔsɛ kyɛ ɛmɔbrɛ ɛmɔ nwo ase bewura mbanyi mɔ bo ɔ. Ɛmɔ amukoraa, ɛ́mɔfa anwobrɛaseɛ bɛ́hera, ná ɛ́mɔfa bɛ́so ɛmɔ nwo ngoko ngoko, ofikyɛ Nyameɛ nye sa anwomasoɛfoɛ, na ɔdo anwobrɛaseɛfoɛ.

2 Petro 2:4

Na sɛ Nyameɛ amva abɔfo mɔ bɔ bɛyɔle bɔne ne nwo wangyɛ bɛ, ná mmom ogyili bɛ guale ɛborɔ kumaa kuronguronn awosii kabii nu, ná ɔbɔle bɛ panwu kyɛ ɔfa nwondɛ ndɛenbualɛ ne a;

Yuda 1:6

Na abɔfo mɔ bɔ bannea bɛ dibea so yé, ná mmom bɛyakyili bɛ bɔbɔ b’atenaleɛ berɛ ne, wabɔ bɛ afebɔɔ panwu wafa bɛ wasie awosii kabii nu, na ɔfa nwondɛ kyẽa piri ndɛenbualɛ ne.