1 Timoteo 3:2 - AHYERƐLƐ KRONGRON

² Ɔsɛ kyɛ neafoɛ ne ɔyɛ sona bɔ ngekalewa biala nne ye bra nu ɔ, ɔye yɛ komapɛ, ye nye la berɛ, ye nye dwo ase, ye suban te paa, okuro ɛwɔfoɛsolɛ, ɔse ngyerɛkyerɛ yɛ,

1 Timoteo 3:2 Iomraidhean Croise

Yesaya 56:10

Ye awɛmvoɛ nemɔ bɛ nye asi, bɛ mukoraa nimdeɛ abɔ bɛ, bɛ mukoraa bɛte ngyea mumu, bɛngora po, na laleɛhyenɛ, asefuo nu lalɛ ne nnaa yeɛ watɔ bɛ so ɔ.

Luka 1:6

Né bɛ munyɔ bɛtengyɛ wɔ Nyameɛ nyunu, na belili Awurade mmeraa dwirɛ ne ye ahyɛdeɛ so pɛpɛɛpɛ.

Luka 2:36

Né ngɔmhyɛlɛniɛ braa bie bɔ bɛfrɛ ye Ana ɔ ɔwɔ berɛ bie. Ɔte Fanuel bɔ ofi Asɛ abusua nu ɔ ɔwa. Né wanyi paa, na ogyale biaa wɔ ye ababunu nu ɔne ohu bɛtenane afoɛ nzoo.

Romanfoɛ 12:13

Ɛ́mɔboka anwoteefoɛ wɔ bɔ ohia bɛ ɔ nwo, ná ɛ́mɔbɔ mmɔden wɔ ɛwɔfoɛsolɛ nwo.

Filipifoɛ 2:15

amaa ɛmɔayɛ mmenia bɔ edwirɛ nne bɛ nwo bɔ bɛ nwo sonn, Nyameɛ mma bɔ ngekalewa biala nne ɛmɔ nwo wɔ bɔnefoɛ maen bɔ bali makyebu, bɔ ɛmɔta wɔ bɛ nu kyɛ kanea bɔ ɔwɔ wiase,

1 Timoteo 3:12

Asɔre nu asomvoɛ mɔ, ɔsɛ kyɛ ebiala ɔye yɛ komapɛ, yeɛ ɔsɛ kyɛ bɛyɛ mmenia bɔ bɛkora bɛ mma ne bɛ bɔbɔ b’awuro so nea ɔ.

1 Timoteo 3:8

Sɔ ala yeɛ ɔsɛ kyɛ asɔre nu asomvoɛ mɔ bɛyɛ mmenia bɔ bɛ nyunu le animnyam ɔ, bɔ bɛkã nahorɛ, na mmom bɛtte akɔnomnzafoɛ ne adifuufoɛ ɔ;

1 Timoteo 4:3

Bɛ yeɛ bɛbera agyaa, ná bɛhyɛ kyɛ sona otua aleɛ bɔ Nyameɛ bɔle kyɛ bɛ bɔ bede bedi, ná banwu nahorɛ ne bɛfa asennaa beli ɔ.

1 Timoteo 5:10

bɔ bedi ye ne ye nnwumaa paa nwo adanzeɛ: kyɛ watete mmaa, kyɛ waso ɛwɔfoɛ mɔ, kyɛ wanwunzi anwoteefoɛ gya bo, kyɛ waboka bɛ bɔ bɛwɔ anwokyere nu, ɔne kyɛ watu ye nwo wasie berɛ wama nnwumaa paa mukoraa ɔ.

1 Timoteo 5:22

Nnɛpe ndɛen fa wɔ sa gua ebie so, yeɛ nnɛfa wɔ nwo dide ebiemɔ bɔne nu: Ma wɔ bra yɛ sannwuu!

1 Timoteo 5:9

Nnɛfa brasua kunaniɛ biala boka so, sana wali afoɛ aburasia bɔ ɔkɔ ɔ, bɔ ogyale biaa komapɛ ɔ;

2 Timoteo 2:24

Ɔnzɛ kyɛ Awurade akoaa kuro ngondii, na mmom ɔsɛ kyɛ ɔbrɛ ye nwo ase ma ebiala, ɔkora yɛ ngyerɛkyerɛ, ná onya aboterɛ,

Tito 2:2

Kyirekyire ngɔkoraa nemɔ ma bɛ nye la berɛ, bɛyɛ mmenia bɔ bɛfata anidie ɔ, benya anwohyɛsoɛ, begyina pindinn wɔ gyidie nu, ɔdɔ nu ne animia nu.

Hebrifoɛ 13:2

Ɛ́mɔnea kyɛ ɛmɔkole ɛwɔfoɛ mɔ wɔ ɛmɔ awuro ɔ, ofikyɛ ebiemɔ fale sɔ atee he aso besikyele Nyameɛ abɔfo mɔ wɔ b’awuro bɔ né bɛnze ɔ.

Hebrifoɛ 3:14

Na sɛ yɛsɔ gyidie bɔ yɛlili moa yɛnyane ye ne anu yé yɛkɔ ayieleɛ a, ye de yɛle kyɛfa wɔ Kristo nu.

1 Petro 4:7

Nakoso nningyein amukoraa ayieleɛ apingye; yiti ɛ́mɔnya adwene paa ná ɛ́mɔma ɛmɔ nye la berɛ ma mbaeɛbɔlɛ.

1 Petro 4:9

Ɛ́mɔte ɛmɔ nyunu bɛso ɛmɔ nwo ɛmɔ nwo wɔfoɛ.

1 Petro 5:8

Ɛ́mɔdwo ɛmɔ nwo ase, ɛ́mɔma ɛmɔ nye la berɛ; ofikyɛ ɛmɔ pɔfoɛ abɔnzam odi akɔneaba, opo kyɛ gyata, na ɔpena sona bɔ okonya ye kɔhye ye ɔ.