1 Timoteo 2:9 - AHYERƐLƐ KRONGRON

⁹ Sɔ ala koso yeɛ ɔsɛ kyɛ mmrasua mɔ bɛfa anwobrɛaseɛ bewura ndaadeɛ bɔ ɔfata, bɔ ongua bɛ nyunu ase ɔ; bɔ nna tire bɔ babɔ ye mmɛsa, sikaa kɔkorɛ, afire paa anaa ndena nyɔboɛserɛ ahɔ ɔ;

1 Timoteo 2:9 Iomraidhean Croise

Gyenesise 24:53

Afei somvoɛ ne yele ɛdwetɛ ne sikaa kɔkorɛ mbembenanneɛ ne ɛtena, na ɔfa mane Rebɛka. Osa mane oliɛma bienzua ne oni nningyein bɔ ye nyɔboɛ yɛ se ɔ.

2 Ahemvo 9:30

Yehu wale Yesreel nen, Yesebɛl tele ye nga. Yesebɛl kekane ye nye asi, ɔbɔle ye ti, na ɔfale ye nye tɛle mboma nu.

Ɛseta 5:1

Ye ɛlɛsa ne aso, Ɛseta wurale ye ɛhemmaa ndaadeɛ, na oogyinane ahemvie ne akunu dɔ, wɔ Nana Ahasuro asaso ndendeneɛ so. Né Nana Ahasuro ɔte ye ahennie bia so wɔ ahemvie berɛ, wɔ ahemvie anoa ne ndendeneɛ so.

Edwein 149:4

Ofikyɛ AWURADE nye gye ye maen nwo, na ɔfa ngoalelɛ ɔbɔ anwobrɛaseɛfoɛ abotire.

Anyandera 31:22

Ɔnwo ye bɔbɔ ye bomo, ɔhera nwera paa ne kende.

Anyandera 31:25

Anwoserɛ ne anidie te ye tena bɔ ɔkera ɔ, na mmerɛ bɔ ɔla ye nyunu ne, odi ye nwo ahurusi.

Anyandera 7:10

Na yieee, braa bie wale ooyiale ye. Né wahera ye tena kyɛ gyanderaniɛ, na né otira nnakannaka adwene.

Yesaya 3:16

Asa koso, AWURADE hane kyɛ, Ɔnate kyɛ Sion mma mmrasua te ahandaen, bɛ kɔme la bɛ nwo, bɛtwetwe bɛ nye asi bɛnate, bɛyeye bɛ gya ngoko ngoko, ná bɛma ngaa bɔ ogua bɛ gya wosowoso ne ati,

Yesaya 61:4

Bɛkɔkyekye tete kurofoen nemɔ, bekosisi sua mɔ bɔ badwiri bɛ bagua dada ne, nguro mɔ bɔ babɔ bɛ ne, bekosa bɛkɔkyekye, bɔ bakakyi kurofoen wɔ aworɛ ndoatoasoɛ pee nu ne.

Yeremia 2:32

Aso taluwa, ye wora kofi ye mbembenanneɛ, anaa atɔmvorɛ braa, ye wora kofi ye ataadeɛ? Nakoso me maen de, ye wora afi me, mmerɛ tendenn bɔ bɛka a bennwu ye noa ɔ.

Yeremia 4:30

Na afei, wɔ bɔ akakyi kurofoen ɔ, sɛ ɛkera kende a, né ɛpena kyire sɛɛ, bɔ afa esikaa kɔkorɛ mbembenanneɛ asiesie wɔ nwo, bɔ atoto wɔ nye asi ye? Asiesie wɔ nwo nyemene mbaen. W’adɔfo mɔ bɛmva wɔ bɛnyɛ huu; ehunɛ yeɛ bɛpena wɔ beku wɔ ɔ.

Mateo 11:8

Anaakyɛ nzikyɛ yeɛ ɛmɔsili nu bɛhɔ bɛɛneane ɔ? Sona bɔ owura ndaadeɛ nyemenenyemene anaa? Ɛ́mɔtie, bɛ bɔ bewura ndaadeɛ nyemenenyemene ne de, ahemvo mɔ b’awuro yeɛ bɛte ɔ.

1 Timoteo 2:10

na mmom nnwumaa paa bɔ ɔfata mmrasua bɔ bɛda nyamesom ali ɔ.