1 Timoteo 2:8 - AHYERƐLƐ KRONGRON

⁸ Yiti mekuro kyɛ mmienzua bɛbɔ mbaeɛ wɔ nekaa biala, bɛma asaa bɔ ye nwo te ɔ so, bɔ ɛyaafɛlɛ anaa aporowaasulɛ nne nu ɔ.

1 Timoteo 2:8 Iomraidhean Croise

1 Ahemvo 3:11

Nyameɛ sele ye kyɛ, “Ɔnate kyɛ asrɛ sɔ nikyee ne, ná anzrɛ ngoa tendenn, anaa anwonyadeɛ amma wɔ nwo, yeɛ ambena wɔ pɔfoɛ mɔ wue, na mmom asrɛ ndeaseɛ adwene bɔ ɛkɔfa konwu bɔ ɔte paa ɔ ne ati,

YOB NWOMAA NE 16:17

Nakoso nnyɔle nzɛmmɔne biala, yeɛ me mbaeɛ nwo koso te.

Edwein 134:2

Ɛ́mɔma ɛmɔ sa so behyire nekaa krongron berɛ, ná ɛ́mɔye AWURADE ayɛ.

Edwein 141:2

Ma me mbaeɛ ɔyɛ kyɛ ɛyɛɛ wɔ wɔ nyunu, ná me sa bɔ mema so ne, ɔ́yɛ kyɛ nɔsoa afɔleɛ.

Edwein 24:4

Sana sona bɔ ye bra te sannwuu, ná ye ahone nu koso te, bɔ ye kra nye ngye ngondombo nwo, ná ɔnda ngondombo ndaen ɔ.

Edwein 26:6

Menwunzi me sa mefa mekyire kyɛ menni fɔ, na mepɛ w’afɔleɛ bokyea ne anwo mebra meyia, ao AWURADE;

Edwein 28:2

Tie me sufrɛ wɔ aberɛ bɔ mesu mefrɛ wɔ mepena mmokalɛ ye, wɔ aberɛ bɔ mema me sa so mekɔ anwuro mefa mekyire wɔ nekaa krongron paa berɛ ne.

Edwein 35:13

Nakoso me de, anwonyerɛ bɔle bɛ ne, ngerale ɛsɛen tena (nnili aworabɔlɛ); ngyele ɛhɔen mva mmrɛle me kra ase. Nzili me ti ase mmɔle mbaeɛ

Edwein 63:4

Yiti mmerɛ bɔ nde ngoa nu ye, ngɔye wɔ ayɛ, na ngɔma me sa so ngɔbɔ mbaeɛ wɔ wɔ dumaa nu.

Edwein 66:18

Sɛ ndwenene bɔne nwo wɔ me ti anu a, ahaa AWURADE andie me sufrɛ.

Anyandera 15:8

Bɔnefoɛ afɔleɛ te AWURADE akyiwadeɛ, nakoso teneneefoɛ mbaeɛ de, ɔte ye nikyee bɔ ye nye gye ye nwo ɔ.

Anyandera 21:27

Bɔnefoɛ afɔleɛ te akyiwadeɛ, na sɛ ɔfa adwene tɛɛ ɔbɔ afɔleɛ ne po de a, ye de né wasram so!

Yesaya 1:15

Sɛ ɛmɔtrɛtrɛ ɛmɔ sa nu (kyɛ ɛmɔbɔ mbaeɛ a,) ngɔye me nye ngɔto buro bɔ mengɔtɛ ɛmɔ so ɔ. Ɛmɔbɔ mbaeɛ pee de, nakoso mengotie, ofikyɛ ɛmɔahã mogya bagua paa.

Mateo 21:21

Yeɛ Yesu buale bɛ kyɛ, “Nahorɛ nu, mekã mekyire ɛmɔ kyɛ, sɛ ɛmɔle gyidie ná ɛmɔanzu aporowaa a, nna bɔ wato borɔdoma bakaa he angome yeɛ ɛmɔkɔyɔ ɔ, na mmom, sɛ ye po ɛmɔkã bekyire bokaa he kyɛ, ‘Tutu kɔtɔ ɛpo nu’ a, ɔkɔyɛ berɛ.

Mateo 5:44

Nakoso me de, mekã mekyire ɛmɔ kyɛ, ɛ́mɔhuro ɛmɔ pɔfoɛ mɔ dwirɛ, ná ɛ́mɔbɔ mbaeɛ bɛ́ma bɛ bɔ bɛtane ɛmɔ nye ɔ;

Mateo 6:12

Na fa yɛ mvomsoɛ kyɛ yɛ, kyɛbɔ yɛfa yɛkyɛ bɛ bɔ bɛfõ yɛ ne.

Luka 23:34

Na Yesu hane kyɛ, “Baba, fa kyɛ bɛ, ofikyɛ bɛnze bɔ bɛyɔ ɔ!” Na beguale serewa bɛhyɛle ye ndaadeɛ ne bɛfale.

Luka 24:50

Afei ɔfale bɛ fili berɛ oodwuli Betania, na ɔmane ye sa so yirayirale bɛ.

Yohane 4:21

Yesu sele ye kyɛ, “Mmobraa, de me di, mmerɛ ne ɔ́ba bɔ nna bokaa he aso anaa Yerusalem yeɛ ɛmɔkɔsɔne Baba ne ɔ.

Asomafoɛ 10:2

Ɔte nyamesuroniɛ bɔ ɔne ye awuro ama mukoraati besuro Nyameɛ ɔ. Osa yɔle adɔeɛ pee mane Yudafoɛ ehiafoɛ, na né ɔtaa bɔ mbaeɛ kyire Nyameɛ.

Asomafoɛ 10:31

na osele me kyɛ, ‘Kɔneleo, Nyameɛ ate wɔ mbaeɛbɔlɛ, na ye wora offili w’adɔeɛ bɔ ayɔ ama ehiafoɛ ɔ.

Asomafoɛ 10:4

Ɔfale esuronyi neane abɔfo ne haa na ɔhane kyɛ, “Yɛ mene, nzikyɛ dwirɛ ɔ?” Na obuale ye kyɛ, “Wɔ mbaeɛ ne w’adɔeɛ bɔ ayɔ ama ehiafoɛ ne adwu Nyameɛ nyunu, na ye wora offili wɔ.

Asomafoɛ 21:5

Nakoso yɛ ngyẽa bɔ yɛdi ye berɛ ne sone nen, yɛfili berɛ yɛtoale yɛ ateetulɛ ne aso. Bɛ mukoraa bɛ ne bɛ ye mɔ ne bɛ mma mɔ beesomane yɛ ate maa yɛfili kuro ne anu, na yɛkotole mboanoa berɛ yɛbɔle mbaeɛ yɛ ne yɛ nwo yɛ nwo lili ngraa.

Asomafoɛ 7:60

Afei oguale ndwerɛ, na ɔteane nu serɛserɛ kyɛ, “Awurade, fa bɛ bɔne he kyɛ bɛ!” Ɔhane sɔ ne, owuli.

1 Korintofoɛ 1:2

Yɛfa yɛbrɛ Nyameɛ asɔre bɔ ɔwɔ Korinto, bɛ bɔ ɔnate Yesu Kristo ti bafrɛ bɛ maa baayɛ krongron; mekyire ɛmɔ bɔ bafrɛ ɛmɔ ne bɛ bɔ bɛwɔ nekaa biala maa ɛmɔayɛ anwoteefoɛ, na ɛmɔ ne yɛ bɔ nu bɔ Yesu Kristo dumaa kyɛ y’Awurade ɔ.

1 Korintofoɛ 7:7

Ɔhale me ngome a, ahaa mmenia amukoraa bɛte kyɛ me, nakoso ebiala le ye ti anwo adom akyɛdeɛ bɔ Nyameɛ afa ama ye ɔ; asora ebiala deɛ.

2 Korintofoɛ 2:14

Nyameɛ bɔ daa ɔmaa yɛdi ngonim wɔ Kristo nu, ná afei osa fa yɛ so ma ye nwo nimdeɛ woroworo nekaa biala kyɛ ayirefona ne, yɛda ye ase.

Filipifoɛ 1:12

Aliɛmaa mɔ, mekuro kyɛ ɛmɔnwu ye kyɛ, bɔ wato me ne, waboka wama nzɛmba ne atrɛ mmom,

1 Tɛsalonikafoɛ 1:8

Ofikyɛ, nna Awurade nwo dwirɛ ne ngome yeɛ wafi ɛmɔ berɛ waadwu Makedonia ne Akaia ɔ; na mmom ɛmɔ gyidie wɔ Nyameɛ nu nwo dwirɛ koso watrɛ wahɔ nekaa biala, yiti onhia kyɛ yɛkɔhã ye nwo dwirɛ ko.

1 Timoteo 5:14

Yiti mekuro kyɛ akunafoɛ ndaluwa nemɔ begyigya mmiaa ná bɛwo, ná bɛnea b’awuro so yé, ná yamma pɔfoɛ ne ate ma wangekã yɛ nwo dwirɛ tɛɛ;

Tito 3:8

Ɛhe te edwirɛ nahorɛ, na mekuro kyɛ esi edwirɛ hemɔ so paa, amaa ɔnate so bɛ bɔ bale Nyameɛ bali ne badwene kyɛbɔ bɛkɔbɔ nnwumaa paa nwo mmɔden ɔ. Sɔ nningyein nemɔ yeɛ ɔte paa ɔ, na mvasoɛ wɔ so ma sona.

Hebrifoɛ 10:22

yiti ɛ́mɔma yɛfa nahorɛ ahone ne gyidie bɔ osi pi, ɔne ahone bɔ bate ye nwo bafi bɔne tiboa nu, ɔne nipadua bɔ bafa nzue gyengɔgyengɔ babia ye ɔ yɛhwe yɛpingye Nyameɛ.

Yakobo 4:8

Ɛmɔhwe bepingye Nyameɛ, na ye koso ɔkɔhwe kopingye ɛmɔ. Ɛmɔ, bɔnefoɛ mɔ, ɛ́mɔnwunzi ɛmɔ sa, ná ɛ́mɔte ɛmɔ ahone nu, ɛmɔ bɔ ɛmɔ adwene yɛ ɛmɔ ndaa ndaa ɔ!

1 Petro 3:7

Huɛ mɔ, ɛmɔ koso, ɛmɔ ne ɛmɔ aye mɔ bɛ́tena ndeaseɛ nu sɔ ala. Ɛ́mɔfa anidie bɛ́ma ɛmɔ aye mɔ, kyɛ bɛte mmenia bɔ bɛyɛ mmerɛ ɔ, kyɛ bɛboka ɛmɔ so yeɛ ɛmɔle kyɛfa wɔ ngoa adom ne anu ɔ; ná nikye fee wanzi ɛmɔ mbaeɛ ate.