1 Timoteo 2:5 - AHYERƐLƐ KRONGRON

⁵ Ofikyɛ Nyameɛ te komapɛ twe, na Nyameɛ ne adasa mmaa b’afia ndamgyinaniɛ te komapɛ, bɔ ye ole Kristo Yesu;

1 Timoteo 2:5 Iomraidhean Croise

YOB NWOMAA NE 9:33

Ndɛenbualɛniɛ biala nne berɛ bɔ ogyi yɛ afia, bɔ okoli yɛ munyɔ yɛ afia dwirɛ ɔ.

Yesaya 44:6

AWURADE, Yisrael Hene, bɔ ɔte ye Defoɛ ne, Asafo AWURADE ye noa dwirɛ ɛhe: “Me ole Ahyɛaseɛ, yeɛ me ole Ayieleɛ; nyameɛ biala nne berɛ bɔ ɔboka me so ɔ.

Mateo 1:1

Yesu Kristo, Dawide bosoniɛ, Abraham bosoniɛ ne, ye afilie nu aworɛ ndoatoasoɛ ɛhe:

Mateo 1:23

“Tie, ababunu ne kɔnwonzɛ kɔwo baa bienzua, na bɛkɔto ye dumaa Yimanuel, (bɔ ye bo kyire kyɛ, Nyameɛ ne yɛ wɔ berɛ).”

Luka 14:22

Yeɛ somvoɛ ne hane kyɛ, ‘Me mene, mayɔ bɔ ɛhyɛle ne, nakoso nekaa bieku tɛwɔ berɛ.’

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Yohane 17:3

Na daa ngoa ne ɛhe: kyɛ bekonwu wɔ, nahorɛ Nyameɛ komapɛ ne, ɔne bɔ asoma ye ne, Yesu Kristo ne.

Asomafoɛ 4:12

Na ngoalelɛ nne ebiala nu; ofikyɛ dumaa biala nne nyameɛso bo bɔ bafa bama wɔ adasa mmaa nu bɔ ɔsɛ kyɛ bede yɛ ngoa wɔ nu ɔ.”

Romanfoɛ 1:3

nzɛmba ne bɔ ɔfa Ɔwa Yesu Kristo bɔ ɔte y’Awurade ne, bɔ anwoɔnaen nu de, ɔte Dawide bosoniɛ ne nwo;

Romanfoɛ 10:12

Ofikyɛ nzonzoleɛ biala nne Yudaniɛ ne Helaniɛ nu; Awurade komapɛ ne ala yeɛ ɔte bɛ mukoraa bɛ Mene ɔ, na oyira ebiala bɔ osũ frɛ ye ɔ.

1 Korintofoɛ 8:4

Na ɔfa bosoen so aleɛlilɛ nwo de, yɛse kyɛ bosoen de, ɔtte huu wɔ wiase wa, na Nyameɛ te komapɛ twe.

1 Korintofoɛ 8:6

yɛ de, yɛse kyɛ Nyameɛ komapɛ twe yeɛ ɔwɔ berɛ ɔ. Ye ole Baba ne bɔ ɔbɔle nningyein mukoraa ná yɛ koso yɛte ase yɛma ye ne; yeɛ Awurade komapɛ twe yeɛ ɔwɔ berɛ ɔ, ye ole Yesu Kristo, bɔ ɔnate ye so bɛbɔle nningyein mukoraa ne, na yɛ koso ɔnate ye so yeɛ yɛte ase ɔ.

Galatiafoɛ 3:20

Ndamgyinaniɛ de ogyi mmenia nyɔ b’afia, nakoso Nyameɛ de ɔte komapɛ.

Ɛfesofoɛ 4:6

yɛ mukoraa yɛ Nyameɛ ne Baba komapɛ bɔ odi yɛ mukoraa so ɔ, odi dwumaa wɔ yɛ mukoraa nu, na ɔte yɛ mukoraa nu.

Deuteronomi 6:4

“Yisrael, tie, AWURADE yɛ Nyameɛ ne ole AWURADE komapɛ ne.

1 Timoteo 6:13

Nyameɛ bɔ ɔma nningyein amukoraa ngoa, ɔne Kristo Yesu bɔ ɔpakyele nu hane ye yé, ná olili adanzeɛ wɔ Pontio Pilato nyunu ne, metu wɔ foɛ wɔ bɛ nyunu,

Hebrifoɛ 12:24

Ɛmɔawa Yesu bɔ ɔte apam foforɛ ne anu ndamgyinaniɛ, ɔne mogya bɔ bɛfa bɛpetene bɔ ɔkã nningyein paa nwo dwirɛ tra Abel deɛ ne berɛ.

Hebrifoɛ 7:25

Yiti ɔkora de bɛ bɔ bɛfa ye so bɛba Nyameɛ berɛ ne ngoa bɔkɔɔ; ofikyɛ ɔte ase afebɔɔ, na odi bɛ ti dwirɛ ma bɛ.

Hebrifoɛ 8:6

Nakoso kekesaala ye de, Kristo sa ahã sɔfodwuma bɔ odi mu bɔkɔɔ tra bɛ deɛ ne, ofikyɛ apam bɔ odi mu, na afei ogyi bɔhyɛ bɔ odi mu so yeɛ ɔte nu ndamgyinaniɛ ɔ.

Hebrifoɛ 9:15

Ye sɔ ne ati, Yesu te apam foforɛ ne anu ndamgyinaniɛ. Ɔnate kyɛ, ɔfale ye wue bɔ owuli ne yele adasa fili bɛ bɔne bɔ bɛyɔle ye wɔ apam bɔ oli moa ne anu; amaa bɛ bɔ Nyameɛ afrɛ bɛ ne banya agyapadeɛ afebɔɔ bɔhyɛ ne.

1 Yohane 2:1

Me ngwadaa mɔ, mekyerɛ he mebrɛ ɛmɔ amaa ɛmɔanyɔ bɔne. Nakoso sɛ ebie yɔ bɔne a, yɛle kamafoɛ wɔ Baba ne nyunu bɔ ye ole teneneeniɛ Yesu Kristo.

Nyekyire 1:13

na kanea bakaa nemɔ b’afia ne, nwuni ebie bɔ ɔte kyɛ Sona Awa ne, bɔ owura ataadeɛ tendenn, bɔ wafa sikaa kɔkorɛ abɔsoɛ wabɔ ye afia ɔ.