1 Timoteo 2:4 - AHYERƐLƐ KRONGRON

⁴ ye bɔ okuro kyɛ mmenia amukoraa benya daa ngoa ná bɛba nahorɛ nimdeɛ ne anu ne.

1 Timoteo 2:4 Iomraidhean Croise

Yesaya 45:22

“Aseɛ so maen maen amukoraa, ɛ́mɔsa bɛ si bɛ́bra me berɛ beenya ngoa! Ofikyɛ me yeɛ nde Nyameɛ ɔ, na ebiala nne berɛ ko.

Yesaya 49:6

Ɔnwa nyoo: “Kyɛ ɛkɔyɛ me somvoɛ, kyɛ ɛkɔpagya Yakob mmusua kure nemɔ, ɔne kyɛ ɛkɔfa Yisraelfoɛ bɔ banya bɛ ti badidi nu ne ekosa kɔwa ne, aso ɔte adwuma ba? Ngosa ngɔfa wɔ ngɔyɛ kanea ngɔma maen maen mɔ, amaa ɔnate so ama me ngoalelɛ waadwu aseɛ so nekaa biala.”

Yesaya 53:11

Okonwu ye kra amaneɛnwunɛ ne aso mvasoɛ maa ye ahone kɔtɔ ye kunu, na m’akoaa teneneeniɛ ne, ye nimdeɛ yeɛ ɔkɔfa kobua mmeni pee be ɔ, ofikyɛ ye yeɛ ɔkɔsoa b’amumuyɛɛ ɔ.

Yesaya 55:1

“Huuu, ɛmɔ bɔ nzuhɔen ku ɛmɔ ee, ɛmɔbra nzue ne anwo oo; ɛmɔ bɔ ɛmɔlle sikaa po ne, ɛmɔbra bɛɛtɔ ná beli oo! Ɛmɔbra bɛɛtɔ nzaa ne nyɔfonesue bɔ ɛmɔngɔfa sikaa yeɛ bɛkɔtɔ ɔ, bɔ nyɔboɛ biala ɔlla so ɔ.

Hesekiel 18:23

Aso me nye gye bɔnefoɛ ye wue nwo anaa? AWURADE Nyameɛ noa dwirɛ ɛne. Aso me nye ngye kyɛ ɔkɔhwe ye nwo kofi ye yɔleɛ nwo ná okonya ngoa ɔ?

Hesekiel 18:32

Ofikyɛ me nye ngye ebiala ye wue nwo, AWURADE Nyameɛ noa dwirɛ ɛne, yiti ɛ́mɔsakyera, ná ɛmɔnya ngoa.”

Hesekiel 33:11

Se bɛ kyɛ: Kyɛ nde ase ye, me nye ngye bɔnefoɛ ye wue nwo, na mmom me nye gye kyɛ bɔnefoɛ kɔyakyi ye yɔleɛ, ná okonya ngoa ɔ. AWURADE Nyameɛ noa dwirɛ ɛne. Ɛ́mɔyakyi, ɛ́mɔyakyi ɛmɔ bɔne yɔleɛ ne! O Yisrael awuro ama, nzu ati yeɛ odi kyɛ ɛmɔwuwu ɔ?

Habakuku 2:14

Ofikyɛ AWURADE animnyam nwo nimdeɛ koyi aseɛ so tɛkyɛ, kyɛbɔ nzue ayi ɛpo nu tɛkyɛ ne.

Mateo 28:19

Yiti ɛmɔhɔ bɛɛyɛ maen maen mukoraa m’asuafoɛ, ná ɛ́mɔbɔ bɛ asu wɔ Baba ne, Baa ne ne Sunzum Krongron ne dumaa nu,

Marko 16:15

Na ɔhã hyirele bɛ kyɛ, “Ɛmɔhɔ wiase amukoraa bɛɛhã nzɛmba ne behyire abɔdeɛ amukoraa.

Luka 1:77

ná afa ngoalelɛ nwo nimdeɛ ama ye maen, wɔ bɛ bɔne fakyɛ nu,

Luka 14:23

Na meneɛ ne sele somvoɛ ne kyɛ, ‘Kɔ atimbire mɔ ne fie atee mɔ so, ná hyɛ mmenia ma bɛbra nu,‘ ná m’awuro wa oyi to.

Luka 24:47

ná bafa ye dumaa so babɔ adwenesakyera ne bɔnefakyɛ nwo dawure wɔ maen maen amukoraa nu, na bɛkɔhyɛ ye bo wɔ Yerusalem.’

Yohane 14:6

Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so.

Yohane 17:17

Yɛ bɛ krongron wɔ wɔ nahorɛ ne anu; wɔ dwirɛ ne te nahorɛ.

Yohane 6:37

Bɛ bɔ Baba ne ɔfa bɛ ma me ne, bɛ mukoraa bɛkɔwa me berɛ; na ebiala bɔ ɔba me berɛ ne, mengɔto ye ngɔye le.

Romanfoɛ 11:14

kyɛbɔ ɔkɔyɛ bɔ me bɔbɔ me mmenia Yudafoɛ bɛ nye kɔboro ɔ, bɔ ɔnate so bɛ nu biemɔ konya daa ngoa ɔ.

1 Timoteo 4:10

Ɛhe ati yeɛ yɛyere yɛ nwo yɛyɔ adwuma serɛ ɔ, ofikyɛ yafa yɛ nye yato Nyameɛ teasefoɛ, bɔ ɔte mmenia amukoraa, nganga agyidifoɛ Ngoadefoɛ ne aso.

2 Timoteo 2:25

ná ɔfa anwobrɛaseɛ nu dwudwo kyire bɛ bɔ bɛne ye nyɛ adwene ɔ. Ofikyɛ ebiaa né Nyameɛ amaa basakyera b’adwene ná banwu nahorɛ ne,

2 Timoteo 3:7

mmrasua bɔ bekuro kyɛ daa besua nikye, nakoso bɛngɔhora bengonwu nahorɛ ne le ɔ.

Tito 1:1

Pɔɔlo, bɔ nde Nyameɛ akoaa ne Yesu Kristo somafoɛ mema bɛ bɔ Nyameɛ aneanea nu waye bɛ ɔ bɛ gyidie ɔne nahorɛ ne nwo nimdeɛ bɔ ɔma nyamesom paa ɔ,

Tito 2:11

Ofikyɛ Nyameɛ adom bɔ ɔfa ngoalelɛ brɛ adasa mmaa mukoraa ne, waye ye nwo ali.

Hebrifoɛ 10:26

Na sɛ yɛnya yɛnya nahorɛ ne nwo nimdeɛ, na ye si ye yɛ nye la ye nwo yɛkɔ so yɛyɔ bɔne de a, ye de bɔnefakyɛ afɔleɛ biala nne berɛ ko;

Yakobo 3:14

Nakoso sɛ anyeboroborolɛ tɛɛ ne pɛsɛmangomenya wɔ ɛmɔ ahone nu a, ye de nnɛma ɛmɔhoahoa ɛmɔ nwo, yeɛ nnɛma ɛmɔpɛ ngondombo betia nahorɛ ne.

2 Petro 3:9

Awurade ndwetwe ye gya ase wɔ ye bɔhyɛ nwo, kyɛbɔ ebiemɔ bɛdwene kyɛ ɔkyɛ ne. Aboterɛ mmom yeɛ ole ye wɔ yɛ nwo ɔ, ɔmbena kyɛ sona biala mini, na mmom ɔpena kyɛ ebiala ba adwenesakyera nu.

2 Yohane 1:1

Krataa he fi me bɔ nde panyi berɛ. Mefa mebrɛ braa bɔ baneanea nu baye ye ne ɔne ye mma. Mekuro bɛ dwirɛ nahorɛ nu, na nna me ngome, na mmom mmenia mukoraa bɔ banwu nahorɛ ne wora bekuro bɛ dwirɛ,

Nyekyire 14:6

Na afei nwuni abɔfo foforɛ bɔ watu nate nyameɛso afia dɔ, bɔ otira nzɛmba afebɔɔ ne kyɛ ɔkwaabɔ ye dawure kyire bɛ bɔ bɛte aseɛ so: maen maen ne mmusua kure ne edwudwolɛ ne mmenia amukoraa.