1 Timoteo 2:2 - AHYERƐLƐ KRONGRON

² ahemvo ne bɛ bɔ tumi wura bɛ sa amukoraati, amaa ɔnate so yatena ase konn, ná yɛ so anu atɔ yɛ, nyamesom paa ne anidie brabɔlɛ amukoraa nu.

1 Timoteo 2:2 Iomraidhean Croise

2 Samuel 20:19

Asomdwee mmenia ne mmenia bɔ bedi nahorɛ wɔ Yisrael ne, bɛ nu ko ole me. Kuro bɔ ye nwo hia paa wɔ Yisrael yeɛ ɛpena kyɛ ɛbɔ ye ɔ. Nzu ati yeɛ ɛpena kyɛ enua AWURADE agyapadeɛ boso ɔ.”

Ɛsra 6:10

amaa ɔnate so babɔ afɔleɛ fonafona bama nyameɛso Nyameɛ ne, ná babɔ mbaeɛ bama me, ɛhene ne me mma.

Nehemia 1:11

Ao AWURADE, wɔ somvoɛ ne wɔ somvoɛ mɔ bɔ bɛ nye gye kyɛ bɛkɔfa anidie bɛkɔma wɔ dumaa ne, mesrɛ wɔ tie yɛ mbaeɛ. Ma nningyein ɔhɔ so yé ɔma wɔ somvoɛ, ná ma biaa ye onwu me anwumvoin.” Sɔ mmerɛ ne, né nde Ɛhene ne, ye nzaasulɛniɛ.

Edwein 72:1

Ao Nyameɛ, fa wɔ pɛpɛɛpɛyɛlɛ ne ma ɛhene ne, ná fa wɔ tenenee ne ma ɛhene awa ne.

Anyandera 24:21

Mma, suro AWURADE ne ɛhene ne, na nnɛfa wɔ nwo bɔ mmenia bɔ bɛyɛ lɔen ne,

Yeremia 29:7

Na kuro bɔ mamaa bahye ɛmɔ nnure bahɔ so ne, odi kyɛ ɛmɔpena ye yeeyɛlɛ, ná ɛmɔbɔ mbaeɛ bekyire AWURADE bɛma ye, ofikyɛ kuro ne yeeyɛlɛ nu, yeɛ ɛmɔ koso ɛmɔkɔyɛ yé ɔ.

Luka 1:6

Né bɛ munyɔ bɛtengyɛ wɔ Nyameɛ nyunu, na belili Awurade mmeraa dwirɛ ne ye ahyɛdeɛ so pɛpɛɛpɛ.

Luka 2:25

Na sɔ mmerɛ ne, né biaa bie bɔ bɛfrɛ ye Simeon ɔ ɔwɔ Yerusalem. Né ɔtengyɛ, yeɛ osuro Nyameɛ, na né ɔ́nwondɛ Yisrael aworakyekyerɛ ne, yeɛ afei né Sunzum Krongron wɔ ye so.

Asomafoɛ 10:22

Na bɛbɔle b’amaneɛ kyɛ, “Asraafoɛ ɛyaa so panyi Kɔneleo yeɛ ɔsomane yɛ ɔ. Ɔte sona paa, nyamesuroniɛ, na Yuda maen ne amukoraa bɔ ye dumaa paa. Na Nyameɛ abɔfo aye ahyire ye kyɛ ɔto ye sa frɛ wɔ ma ɛbra ye awuro, na otie wɔ noa dwirɛ.”

Asomafoɛ 24:16

Ɛhe ati, mmerɛ biala mebɔ mmɔden kyɛ me tiboa ngobua me foɛ wɔ Nyameɛ ne kuro sona nyunu ɔ.

Romanfoɛ 12:18

Sɛ ɛmɔkɔhora a, ɛmɔ bue nu de, ɛmɔ ne ebiala bɛ́tena asomdwee nu.

Filipifoɛ 4:8

Afei aliɛmaa mɔ, medwura edwirɛ ne kyɛ, nikyee biala bɔ ɔte nahorɛ, bɔ ɔte animnyam, bɔ ɔtengyɛ, bɔ ye nwo te, bɔ ɔyɛ nyemene, bɔ ole dumaa paa; sɛ bra paa bie wɔ berɛ a, sɛ ayɛyelɛ bie wɔ berɛ a, sɔ nningyein nemɔ yeɛ ɔsɛ kyɛ ɛmɔdwenedwene bɛ nwo ɔ.

1 Tɛsalonikafoɛ 4:11

ná ɛ́mɔbɔ mmɔden brɛbrɛ ɛmɔ nwo ase, ɛ́mɔdwene ɛmɔ nwo, ná ɛ́mɔfa ɛmɔ sa bɛyɔ adwuma, kyɛbɔ yɛhã yɛhyirele ɛmɔ ne;

Hebrifoɛ 12:14

Ɛ́mɔbɔ mmɔden bɛ ne mmenia mukoraa bɛtena asomdwee nu, ná ɛmɔbɔ bra bɔ ye nwo te ɔ, ofikyɛ sɛ ɛmɔ bra anyɛ krongron a, ɛmɔngonwu Awurade.