1 Timoteo 2:1 - AHYERƐLƐ KRONGRON

¹ Afei, bɔ oli moa wɔ ye mukoraati nu ɔ, metu foɛ kyɛ, ɔsɛ kyɛ ɛmɔdi ngotosrɛ, mbaeɛbɔlɛ, odima ne asennaa nwo dwumaa bɛma mmenia amukoraa,

1 Timoteo 2:1 Iomraidhean Croise

Ɛsra 6:10

amaa ɔnate so babɔ afɔleɛ fonafona bama nyameɛso Nyameɛ ne, ná babɔ mbaeɛ bama me, ɛhene ne me mma.

Edwein 72:19

Ye animnyam dumaa ne, odi kyɛ bɛye ye ayɛ daa, na ma ye animnyam oyi aseɛ ye amukoraa so tɛkyɛ. Amen, Amen.

Yeremia 29:7

Na kuro bɔ mamaa bahye ɛmɔ nnure bahɔ so ne, odi kyɛ ɛmɔpena ye yeeyɛlɛ, ná ɛmɔbɔ mbaeɛ bekyire AWURADE bɛma ye, ofikyɛ kuro ne yeeyɛlɛ nu, yeɛ ɛmɔ koso ɛmɔkɔyɛ yé ɔ.

Asomafoɛ 17:30

Mmerɛ bɔ né mmenia bennya bennwuni Nyameɛ yé nen, obuli ye nye guale so; nakoso kekesaala ye de, ɔhyɛ ebiala bɔ ɔwɔ nekaa biala ɔ kyɛ ɔsakyera ye adwene,

Romanfoɛ 1:8

Bɔ oli moa ɔ, ɔnate ɛmɔ amukoraa ti mefa Yesu Kristo so meda me Nyameɛ ase, ofikyɛ ɛmɔ gyidie ne nwo dwirɛ adwu wiase nekaa biala.

Romanfoɛ 6:17

Ɛmɔma yɛla Nyameɛ ase! Ofikyɛ ɛmɔayɛ bɔne ngoaa le, na afei de ɛmɔafa b’ahone mukoraa bayɛ sotie bama nahorɛ, bɔ ɛmɔanya bafi ngyerɛkyerɛ bɔ bɛfa bɛmane ɛmɔ ne anu ne.

1 Korintofoɛ 15:3

Ofikyɛ, edwirɛ bɔ ye nwo hia paa yeɛ nyane ɔ, ná me koso mva mmrɛle ɛmɔ kyɛ, yɛ bɔne ti yeɛ Kristo wuli ɔ, kyɛbɔ Ahyerɛlɛ ne kã ne.

2 Korintofoɛ 8:6

Na yasrɛ Tito bɔ olili moa hyɛle adwuma ne abo ne kyɛ ɔɔtoa so ná oyie sɔ adom adwuma ne wɔ ɛmɔ nu.

Ɛfesofoɛ 3:13

Yiti mesrɛ ɛmɔ kyɛ, nnɛmɔma ɛmɔ abasa nu bu wɔ amaneɛ bɔ ɔnate ɛmɔ ti menwu ye ne anwo, ofikyɛ ɔte ɛmɔ animnyam.

Ɛfesofoɛ 5:20

na mmerɛ biala ne nikyee biala nu, ɛ́mɔfa asennaa bɛ́ma Baba Nyameɛ wɔ y’Awurade Yesu Kristo dumaa nu.

Ɛfesofoɛ 6:18

Ɛ́mɔfa mbaeɛbɔlɛ ne ngotosrɛ amukoraa bɛ́bɔ mbaeɛ daa wɔ Sunzum nu. Yiti ɛ́mɔwɛne, ná ɛmɔhɔ so bɛsrɛ bɛma anwoteefoɛ amukoraa,

Filipifoɛ 1:3

Ngayeɛ bɔ mekaye ɛmɔ amukoraa nu ne, meda me Nyameɛ ase.

Filipifoɛ 4:6

Nnɛmɔma nikye fee ha ɛmɔ; na mmom nikyee biala nu, ɛ́mɔfa mbaeɛbɔlɛ ne ngotosrɛ ne asennaa bɛ́fa bɔ ohia ɛmɔ ɔ bɛ́to Nyameɛ nyunu.

1 Tɛsalonikafoɛ 3:12

Yɛsrɛ kyɛ Awurade ɔma ehurolɛ bɔ ɛmɔkurokuro ɛmɔ nwo dwirɛ, ɔne mmenia mukoraa nwo dɔ ne onyi mmorosoɛ so, kyɛbɔ yɛ koso yɛkuro ɛmɔ dwirɛ ne ala,

2 Tɛsalonika 1:3

Aliɛmaa mɔ, ɔsɛ kyɛ ɛmɔ ti daa yɛda Nyameɛ ase kyɛbɔ ɔfata ɔ, ofikyɛ ɛmɔ gyidie kɔ so nyi mmorosoɛ, na ɔdɔ bɔ ɛmɔle ma bɛ nwo bɛ nwo ne ɔte piri.

1 Timoteo 2:4

ye bɔ okuro kyɛ mmenia amukoraa benya daa ngoa ná bɛba nahorɛ nimdeɛ ne anu ne.

1 Timoteo 5:5

Brasua kunaniɛ bɔ olle bie, bɔ waha ye ngome ne, ɔfa ye nye to Nyameɛ so, na otu ye nwo sie berɛ ma ngotosrɛ ne mbaeɛ kɔngɔen ne eyia.

2 Timoteo 2:24

Ɔnzɛ kyɛ Awurade akoaa kuro ngondii, na mmom ɔsɛ kyɛ ɔbrɛ ye nwo ase ma ebiala, ɔkora yɛ ngyerɛkyerɛ, ná onya aboterɛ,

Tito 2:11

Ofikyɛ Nyameɛ adom bɔ ɔfa ngoalelɛ brɛ adasa mmaa mukoraa ne, waye ye nwo ali.

Tito 3:2

kyɛ, nnɛmaa bɛkã ebiala nwo dwirɛ tɛɛ, nnɛmaa bɛyɛ tuturefoɛ; na mmom bédwo bɛ nwo ase, ná bɛfa anidie bɔ odi mu ɔ bɛma mmenia mukoraa.

Hebrifoɛ 6:11

Na yɛpena kyɛ ɛmɔ nu biala kɔ so bɔ mmɔden sɔ ala kɔ ayieleɛ, amaa ɛmɔ sa ahã bɔ ɛmɔ nye la so ne.

Yakobo 5:16

Yiti ɛ́mɔkekã ɛmɔ mvomsoɛ behyirehyire ɛmɔ nwo, ná ɛ́mɔbobɔ mbaeɛ bɛma ɛmɔ nwo, amaa ɛmɔate apɔ. Na teneneeniɛ mbaeɛ bɔ nu yɛ se ne, ɔkora yɔ nikyee biala.