1 Timoteo 1:7 - AHYERƐLƐ KRONGRON

⁷ bɔ bekuro kyɛ bɛyɛ mmeraa akyerɛkyerɛfoɛ, nakoso edwirɛ bɔ bɛkã ne, ɔne nningyein bɔ besi bɛ hue bɛkã bɛ nwo dwirɛ ne, bɛnde bɛ bo ɔ.

1 Timoteo 1:7 Iomraidhean Croise

Mateo 15:14

Nnɛma ɛmɔtɛ bɛ so! Bɛte anyesiniwaafoɛ bɔ bekyire anyesiniwaafoɛ atee ɔ. Na sɛ anyesiniwaaniɛ kyire anyesiniwaaniɛ atee a, bɛ munyɔ bɛkɔtɔ kumaa nu.”

Mateo 21:27

Yiti bebuale Yesu kyɛ, “Yɛnze.” Yeɛ Yesu sele bɛ kyɛ, “Nzaade me koso mengɔhã tumi horɛ bɔ ngyi so meyɔ sɔ nningyein hemɔ ɔ mengohyire ɛmɔ.”

Luka 2:46

Na ɔwale kyɛ, ye ɛlɛsa ne aso, beenwuni ye wɔ asɔneyɛɛ sua ne anu kyɛ ɔte akyerɛkyerɛfoɛ mɔ b’afia, bɔ ótie bɛ ná óbisabisa bɛ dwirɛ ɔ.

Asomafoɛ 15:1

Mmenia biemɔ fili Yudea bɛwale Antiokia bɛɛyɛle ngyerɛkyerɛ behyirele agyidifoɛ ne kyɛ, “Sɛ ɛmɔambɛ ɛmɔ bienzua kyɛbɔ Mose amanneɛ ne te ne a, ɛmɔngɔhora ngonya daa ngoa.”

Romanfoɛ 1:22

Bɛdwenene kyɛ bɛse nworɛ, nakoso bɛte ngwaseafoɛ.

Galatiafoɛ 3:2

Edwirɛ he yeɛ mepena kyɛ ɛmɔye ye noa ɔ: ɔnate mmeraa ne aso lilɛ so yeɛ ɛmɔnyane Sunzum ne, anaakyɛ ɔnate nzɛmba bɔ ɛmɔtele ná ɛmɔle belili ne aso?

Galatiafoɛ 3:5

Yiti Nyameɛ bɔ ɔma ɛmɔ Sunzum ne ná ɔyɔ anwanwadeɛ wɔ ɛmɔ nu ne, ɔnate mmeraa ne aso lilɛ yeɛ ɔyɔ ɔ, anaa ɔnate nzɛmba bɔ ɛmɔtele ná ɛmɔle lili ne aso?

Galatiafoɛ 4:21

Ɛ́mɔhã behyire me, ɛmɔ bɔ bɛpena kyɛ bewura mmeraa bo ne, ɛmɔnde bɔ mmeraa ne kã ne anaa?

1 Timoteo 6:4

sɔ sona ne moma ye nwo so, na ɔnze huu, aporowaasulɛ ne aporowaasulɛ kyengyekyengye ali ye ti; na bɔ ofi nu ba ole anyeboroborolɛ, mbakyembakyemuɛ, nzekure, mmenia nwo adwenemmɔne,

2 Timoteo 3:7

mmrasua bɔ bekuro kyɛ daa besua nikye, nakoso bɛngɔhora bengonwu nahorɛ ne le ɔ.

Yakobo 3:1

Aliɛmaa mɔ, nnɛmɔma ɛmɔ nu somaa yɛ akyerɛkyerɛfoɛ, na ɛmɔse kyɛ bekobua yɛ foɛ piri mmom.

2 Petro 2:12

Nakoso sɔ mmenia hemɔ, bɔ bɛte kyɛ ngaka bɔ adwene nne bɛ ti anu, bɔ bɛwole bɛ kyɛ bɛhye bɛ behũ bɛ ne, bɛkekã dwirɛ betia nikyee biala bɔ bɛnde ye bo ɔ, na bɛ bɔbɔ bɛ sɛkyelɛ nu yeɛ bekowuwu ɔ,