1 Timoteo 1:4 - AHYERƐLƐ KRONGRON

⁴ yeɛ nnɛmaa bɛha bɛ nwo wɔ ɛhoaa ne afilie nu aworɛ ndoatoasoɛ nwo dwirɛ bɔ ye bo mbɛ ɔ, bɔ ɔfa aporowaasulɛ ba tra nyamesom paa ne bɔ ɔwɔ gyidie nu ne.

1 Timoteo 1:4 Iomraidhean Croise

2 Korintofoɛ 1:12

Bɔ yɛfa yɛhoahoa yɛ nwo ɛhe: yɛ tiboa di yɛ adanzeɛ kyɛ yafa nahorɛlilɛ ne nyamesuro yeɛ yabɔ yɛ bra wɔ wiase ɔ, nganga yɛ ne ɛmɔ asetena nu. Yamva ewiase nworɛ so yeɛ yɛbɔle yɛ bra ɔ, na mmom yɛnate Nyameɛ adom so.

Ɛfesofoɛ 3:2

Na mesusu kyɛ ɛmɔate Nyameɛ adwuma nwo adom bɔ ɛmɔ ti wafa walo me ne,

1 Timoteo 3:16

Aporowaa biala nne ye nwo kyɛ nyamesom nu mvealeɛ nu dwirɛ ne ɔte piri: Nyameɛ lale ye nwo ali anwoɔnaen nu, olili be wɔ Sunzum nu; abɔfo mɔ nwuni ye, bɛbɔle ye nwo dawure wɔ maen maen nu; belele ye belili wɔ wiase, na bɛfale ye bɛhɔle nyameɛso animnyam nu.

1 Timoteo 4:7

Nakoso daa tete dwirɛ mbaen mbaen mɔ bɔ bɛmmoka ne de, twe wɔ nwo fi ye nwo, ná bɔ nyamesom paa nwo mmɔden;

1 Timoteo 6:11

Na wɔ, Nyameɛ sona, wɔ de, twe wɔ nwo fi ɛhemɔ anwo, ná fa tenenee, nyamesom paa, gyidie, ɔdɔ, animia ne anwobrɛaseɛ sie wɔ nye so.

1 Timoteo 6:20

O Timoteo, nea bɔ bafa bawura wɔ sa ne aso yé. Twe wɔ nwo fi edwudwolɛ fiɛ ne aporowaasulɛ mbaen mbaen bɔ bɛyɛ mvomsoɛ bebu ye kyɛ ɔte nimdeɛ ne nwo.

2 Timoteo 2:14

Kaye bɛ wɔ nningyein hemɔ nwo, ná bɔ bɛ kɔkɔ wɔ Awurade nyunu, kyɛ nnɛmaa besu edwirɛ mɔ nwo aporowaa bɔ mvasoɛ biala nne so ɔ, ofikyɛ ɔsopa bɛ bɔ betie ne.

2 Timoteo 2:22

Yiti twe wɔ nwo fi mmerandeɛ nu akɔnnɔ nwo, ná fa wɔ nye sie tenenee, gyidie, ɔdɔ ne asomdwee so, ɛne bɛ bɔ befi ahone bɔ nu te ɔ nu bɛfrɛ Awurade bɛbɔ nu ne.

2 Timoteo 2:23

Nakoso ngwaseaa aporowaasulɛ ne edwirɛ mbaen mbaen de, twe wɔ nwo fi ye nwo, ofikyɛ ɛse kyɛ bɛne ngondii yeɛ bɛnate ɔ.

2 Timoteo 4:4

Bekotuatua bɛ so wɔ nahorɛ ne anwo, ná baatie ɛhoaa mmom.

Tito 1:1

Pɔɔlo, bɔ nde Nyameɛ akoaa ne Yesu Kristo somafoɛ mema bɛ bɔ Nyameɛ aneanea nu waye bɛ ɔ bɛ gyidie ɔne nahorɛ ne nwo nimdeɛ bɔ ɔma nyamesom paa ɔ,

Tito 1:14

ná banyɛ asoɛ bamma Yudafoɛ tete dwirɛ bɔ nahorɛ nne nu ne, ɔne mmenia bɔ bɛpo nahorɛ ne ɔ b’ahyɛdeɛ.

Tito 3:9

Nakoso twe wɔ nwo fi ngwaseaa aporowaasulɛ nwo, aworɛ ndoatoasoɛ nwo dwirɛ nwo, mbakyembakyemuɛ nwo, yeɛ mmeraa ne nwo aporowaasulɛ nwo; ofikyɛ mvasoɛ nne so, na bɛte mbaen.

Hebrifoɛ 13:9

Onni kyɛ ɛmɔma ngyerɛkyerɛ foforɛ ahoroɔ biala twe ɛmɔ fi atee paa ne aso, ofikyɛ ɔte paa kyɛ Nyameɛ adom ne yeɛ ɔhyɛ y’ahone nguraen ɔ, na nna aleɛ bɔ mmenia bɔ bedi ne bennya ye nwo mvasoɛ biala hɔ ɔ.

2 Petro 1:16

Amba, edwirɛ bɔ yahã yahyire ɛmɔ yafa y’Awurade Yesu Kristo tumi ne ye walɛ ne anwo ne, yamva kanda ɛhoaatolɛ so, na mmom yɛ bɔbɔ yɛte ye animnyam totohyia bɔ yɛnwuni ye ne nwo adanzefoɛ.