1 Timoteo 1:12 - AHYERƐLƐ KRONGRON

¹² Meda y’Awurade Kristo Yesu bɔ wama me anwoserɛ ne ase; ofikyɛ wabu me nahorɛniɛ wafa me wawura ɛsolɛ adwuma ne anu.

1 Timoteo 1:12 Iomraidhean Croise

Mateo 20:4

Yeɛ osele bɛ kyɛ, ‘Ɛmɔ koso ɛmɔɔyɔ adwuma wɔ me bobe boo ne anu, na ngotua ɛmɔ kerɛ bɔ ɔfata ɔ.’ Yiti bɛhɔle.

Yohane 5:23

kyɛ mmenia amukoraa beli Baa ne ni, kyɛbɔ bedi Baba ne ni nen. Na ebiala bɔ onni Baa ne ni nen, onni Baba ne bɔ ɔsomane ye ne koso ni.

Asomafoɛ 16:15

Na ɔmaa bɛbɔle ye ne ye awuroama mukoraa asu beyiele nen, osele yɛ kyɛ, “Sɛ ɛmɔabu me kyɛ mede Awurade medi nahorɛ nu a, nzaade ɛmɔbra bɛɛtena m’awuro.” Na ɔhɔle so hane kyɛ yɛma yɛhɔ.

Asomafoɛ 9:15

Na Awurade sele ye kyɛ, “Wɔ de, kɔ, ofikyɛ maye ye kyɛ ɔso me, ná ɔbɔ me dumaa nwo dawure hyire Amaenmaensofoɛ ne ahemvo ne Yisrael mma.

Asomafoɛ 9:22

Nakoso Sɔɔlo hɔle so nyane anwoserɛ wɔ ye nzɛmbahanɛ nu. Ye adanzeɛ bɔ olili kyɛ Yesu ole Kristo ne lale berɛ turoloo bɔ aporowaa biala nne ye nwo ɔ. Na Yudafoɛ bɔ bɛwɔ Damasko ne annya edwirɛ biala ko bɔ bɛha bɛfa bebua ye ɔ.

1 Korintofoɛ 15:10

Nyameɛ adom ti yeɛ nde kyɛ bɔ nde ye, na ye adom bɔ ɔfa lole me ne wanyɛ mbaen. Mayɔ adwuma matra bɛ mukoraa, nakoso nna me mmɔdenbɔlɛ ɔ, na mmom Nyameɛ adom bɔ ɔboka me ne ɔ.

1 Korintofoɛ 3:5

Pɔɔlo te nzu? Apolo te nzu? Yɛte Nyameɛ ngoaa bɔ ɛmɔnate yɛ so bele belili ɔ, na yɛ nu ko biala le adwuma kyɛbɔ Awurade afa awura ye sa ɔ.

1 Korintofoɛ 7:25

Afei, ɔfa mmabunu nwo ne de, nnyane ahyɛdeɛ biala mmvili Awurade berɛ, nakoso mekyire m’adwene kyɛ ebie bɔ Awurade anwu ye anwumvoin ti ɔ́kã nahorɛ ɔ.

2 Korintofoɛ 4:1

Ye sɔ ti, kyɛ Nyameɛ wanwu yɛ anwumvoin wafa ɛsom he wawura yɛ sa ye, yɛngɔpa aba.

Galatiafoɛ 3:26

Ofikyɛ ɛmɔ amukoraa bɛnate gyidie so bɛte Nyameɛ mma wɔ Kristo Yesu nu.

Galatiafoɛ 3:28

Yiti Yudaniɛ ne Helaniɛ oo, akoaa ne dehyeɛ oo, bienzua ne brasua oo, nzonzoleɛ biala nne bɛ nu ko; ofikyɛ ɛmɔ amukoraa bɛte ko wɔ Kristo Yesu nu.

Filipifoɛ 2:11

na noa biala ɔsɛ kyɛ ɔkã ye pefee kyɛ Yesu Kristo te Awurade ná ɔfa hyɛ Baba Nyameɛ animnyam.

Filipifoɛ 4:13

na mekora meyɔ nnningyein amukoraa wɔ Kristo bɔ ɔma me anwoserɛ ne anu.

Kolosefoɛ 1:25

Ɔnate ɛmɔ ti Nyameɛ afa sɔ adwuma ye wawura me sa, na wamaa mayɛ somvoɛ mama asɔre ne, kyɛ mmɔ Nyameɛ dwirɛ ne dawure ma ebiala te,

1 Timoteo 1:1

Pɔɔlo, Kristo Yesu somafoɛ, kyɛbɔ yɛ Ngoadefoɛ Nyameɛ ne Kristo Yesu bɔ ɔte yɛ anyelasoɛ ne hyɛle ne,

1 Timoteo 1:11

kyɛbɔ saleɛ Nyameɛ animnyam nzɛmba bɔ bafa bawura me sa ne ɔte ne.

1 Timoteo 1:2

mefa mebrɛ Timoteo, bɔ ɔte me bɔbɔ mma wɔ gyidie nu ne. Adom, anwumvoinnwunɛ ne asomdwee bɔ ofi yɛ Baba Nyameɛ ne yɛ Awurade Kristo Yesu berɛ ɔyɛ wɔ deɛ.

1 Timoteo 6:13

Nyameɛ bɔ ɔma nningyein amukoraa ngoa, ɔne Kristo Yesu bɔ ɔpakyele nu hane ye yé, ná olili adanzeɛ wɔ Pontio Pilato nyunu ne, metu wɔ foɛ wɔ bɛ nyunu,

2 Timoteo 2:2

Na bɔ ɛte fili me berɛ wɔ adanzefoɛ pee bɛ nyunu ne, fa wura mmenia bɔ bedi nahorɛ bɔ bɛkɔhora bekohyirehyire ebiemɔ koso ɔ bɛ sa.

2 Timoteo 4:17

Nakoso Awurade gyinane me si mane me anwoserɛ, kyɛbɔ ɔkɔyɛ bɔ ɔkɔfa me so kɔbɔ edwirɛ ne dawure bɔkɔɔ kɔma Amaenmaensofoɛ amukoraa bɛkɔte ɔ. Yiti ɔpepɛ lele me fili gyata noa nu.

Tito 1:4

na mékyerɛ mebrɛ Tito, bɔ ɛte me bɔbɔ mma wɔ gyidie komapɛ ne ala nu ɔ. Adom, anwumvoinnwunɛ ne asomdwee bɔ ofi Baba Nyameɛ ne yɛ Ngoadefoɛ Awurade Yesu Kristo berɛ ɔyɛ wɔ deɛ.

Filemɔn 1:9

nakoso ɔnate ɔdɔ ti, mekuro kyɛ mesrɛ wɔ mmom, me Pɔɔlo bɔ mayɛ akoraa, bɔ kekesaala ye nza nde Yesu Kristo kukununiɛ ɔ.