1 Timoteo 1:10 - AHYERƐLƐ KRONGRON

¹⁰ adwamanbɔlɛfoɛ, mmienzua bɔ bɛne mmienzua bɛda ɔ, bɛ bɔ bɛtɔne mmenia, ngondombofoɛ, ndaentolɛfoɛ, yeɛ nikyee biala bɔ ɔboka so bɔ otia ngyerɛkyerɛ paa ɔ;

1 Timoteo 1:10 Iomraidhean Croise

Gyenesise 19:5

Na bɛteateane nu bebisale Lɔto kyɛ, “Mmienzua bɔ beesikyele w’awuro ɛnɛ kɔngɔen ne, bɛwɔ nisua? Ye bɛ fite brɛ yɛ ma yɛne bɛ yɛla!”

Gyenesise 37:27

Ɛ́mɔma yɛ́yɛ ye atɔen yɛ́ma Yismaelfoɛ ne. Nnɛmɔmaa yɛfa yɛ sa yɛkã ye, ofikyɛ ɔte y’eliɛma ne yɛ bɔbɔ yɛ deɛ.” Na oliɛma nemɔ penene so.

Gyenesise 40:15

Ofikyɛ nahorɛ nu, bɛhyele me nnure befili Hebrifoɛ aseɛ so; na ɛwa po, nnyɔle hwee bɔ ɔsɛ kyɛ bɛfa me bɛto kumaa nu kuku nu ɔ.”

Ɛksadɔso 20:7

“Nnɛbɔ AWURADE wɔ Nyameɛ dumaa mbaen mbaen; ofikyɛ ebiala bɔ ɔkɔbɔ AWURADE dumaa mbaen mbaen ne, ɔngɔma ɔngɔfa ye nwo ngoli tɔtorɔtɔɔ.

Ɛksadɔso 21:16

Ebiala bɔ okowua sona nen, sɛ ɔtɔne ye oo, anaakyɛ benwu ye wɔ ye berɛ oo, ɔsɛ kyɛ beku ye.

Hosea 10:4

Bɛkekã edwirɛ mbaen mbaen; bɛta ndaen mbaen mbaen bɛfa bɛyeyɛ apam; yiti ndɛenbualɛ fifi wɔ bɛ nu kyɛ anafranaku, bɔ ofifi kofie so wɔ fieso ɔ.

Lewitikɔso 18:22

Nnɛma bienzua biala ɔne bienzua bɛda kyɛbɔ ɔne brasua bɛda ɔ; ɔte musue.

Lewitikɔso 20:13

Sɛ bienzua bie ne obiɛngo bienzua bɛda kyɛbɔ ɔne brasua bɛda a, bɛ munyɔ babɔ musue. Odi kyɛ beku bɛ ɔ, na bɛ wue kɔbɔ bɛ bɔbɔ bɛ ti so.

Sakaria 5:4

Ngɔsoma ye maa ɔkɔhɔ, Asafo AWURADE noa dwirɛ ɛne, na okowura awueniɛ n’awuro, yeɛ bɔ ɔfa me dumaa ta ndaen mbaen ɔ awuro; okosikye ye awuro berɛ, na ɔkɔyera awuro ne, nu mmakaa ne nu nyɔboɛ.”

Sakaria 8:17

nnɛma ɛmɔ nu biala nya obiɛngo nwo adwene tɛɛ, nnɛma ɛmɔ nye gye ngondombo ndaentalɛ nwo, ofikyɛ mekyi sɔ nningyein ne amukoraa, AWURADE noa dwirɛ ɛne.”

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

Yohane 8:44

Ɛmɔ de, ɛmɔ baba bɔ ɛmɔfi ye nu ole abɔnzam, na ɛmɔ baba n’apɛdeɛ yeɛ ɛmɔkuro kyɛ ɛmɔyɔ ɔ. Ɔte wudiniɛ fi ahyɛaseɛ ne; na ollili nahorɛ le, ɔnate kyɛ nahorɛ biala nne ye nu. Sɛ ɔkã ngondombo dwirɛ a, kyɛbɔ ye sue te ne ala yeɛ ɔkã ɔ, ofikyɛ ɔte ngondomboniɛ ne ngondombo baba.

Romanfoɛ 1:26

Ɔnate sɔ ati, Nyameɛ pole b’animguaseɛ akɔnnɔ bra ne mane bɛ. Bɛ mmrasua mɔ ne bɛ mmango mmrasua bɛlelale bɔ otia abɔdeɛ nu nhyehyɛleɛ ɔ.

Deuteronomi 24:7

“Sɛ bɛkye ebie kyɛ ɔ́kye oliɛma Yisraelniɛ nnure, anaa ɔ́hyɛ ye so kyɛ kanganiɛ, anaa ɔ́yɛ ye atɔen a, ye de ɔsɛ kyɛ beku sɔ sona ne. Yiti ɔsɛ kyɛ etu bɔne ne bo fi wɔ nu.

1 Timoteo 4:6

Sɛ ɛfa sɔ ngyerɛkyerɛ hemɔ ekyire aliɛmaa nemɔ a, ɛkɔyɛ Kristo Yesu somvoɛ paa bɔ bafa gyidie nwo dwirɛ ne ngyerɛkyerɛ paa bɔ eli ye si ne batete ye ɔ.

1 Timoteo 6:3

Sɛ ebie yɛ ngyerɛkyerɛ foforɛ, ná wambene y’Awurade Yesu Kristo nahorɛ dwirɛ ne ɔne ngyerɛkyerɛ bɔ ɔkɔ nyamesom paa nu ne aso a,

2 Timoteo 1:13

Edwirɛ paa mɔ bɔ ate afi me berɛ ne, sɔ ye nwo nhwɛsoɛ nu yé, gyidie ne ɔdɔ bɔ ɔwɔ Kristo Yesu nu ne anu.

2 Timoteo 4:3

Ofikyɛ mmerɛ bie kɔwa bɔ mmenia ngotie ngyerɛkyerɛ bɔ ɔte paa ne, na mmom bɛ so anu bɔ ɔyɛ bɛ fɛ ne ati, bɛkɔboaboa akyerɛkyerɛfoɛ noa maa bɛkɔhã edwirɛ bɔ bɛpena kyɛ bɛte ɔ.

Tito 1:13

Sɔ adanzeɛ he te nahorɛ, yiti twi bɛ nyunu paa, amaa ɔnate so bagyina pindinn wɔ gyidie ne anu;

Tito 1:9

ɔsɛ kyɛ otira nahorɛ dwirɛ ne anu bum kyɛbɔ behyirele ye ne, amaa ɔnate so wahora wafa ngyerɛkyerɛ paa watu foɛ, ná wama aporowaasulɛfoɛ bɛ mvomsoɛ ala ali.

Hebrifoɛ 13:4

Odi kyɛ ebiala di agyaa ni, na nnɛma ebiala gua agyaa mba nwo fiɛ, ofikyɛ Nyameɛ kobua adwamanbɔlɛfoɛ ne agyaasɛkyelɛfoɛ ndɛen.

Yuda 1:7

Na sɔ ala yeɛ Sodom ne Gomora ne nguro bɔ bapɛ bɛ nwo bayia, bɔ bɛyɛle kyɛ ɛhemɔ, bɔ bɛlɔle asukɔ wɔ adwamanbɔlɛ nu, ná bɛbɔle nnaa nu musue ne, bafa bɛ bayɛ see afebɔɔ nwo nhwɛsoɛ bato berɛ ɔ.

Nyekyire 18:13

ɛsaa, pɛprɛ, ɛyɛɛ, krobo, ayirefona, nzaa, ngoo, esam paa, atokoɔ, nyɛmmoa, mmoaen, mbɔngɔ, teaseɛnam mɔ, nganga ne mmenia kra.

Nyekyire 21:27

Nakoso nikyee biala bɔ ye nwo nde, yeɛ bɔ ɔbɔ akyiwadeɛ bra, anaa bɔ ɔpɛ ngondombo ɔ de, ongowura nu; sana bɛ bɔ bahyerɛ bɛ dumaa wɔ Boaen Ba ne ngoa nwomaa ne anu angome.

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”

Nyekyire 22:15

Na kuro ne asi dɔ yeɛ ngyea, ngonyaayelɛfoɛ, adwamanbɔlɛfoɛ, awudifoɛ, bosoensolɛfoɛ ne bɛ bɔ bekuro ngondombopɛlɛ ná bɛpɛ ɔ bɛ mukoraa bɛwɔ ɔ.