1 Timoteo 1:1 - AHYERƐLƐ KRONGRON

¹ Pɔɔlo, Kristo Yesu somafoɛ, kyɛbɔ yɛ Ngoadefoɛ Nyameɛ ne Kristo Yesu bɔ ɔte yɛ anyelasoɛ ne hyɛle ne,

1 Timoteo 1:1 Iomraidhean Croise

Edwein 106:21

Bɛ wora fili Nyameɛ bɔ ɔte bɛ Defoɛ ne, bɔ ɔyɔle nningyein mbiri mbiri wɔ Misraim ne,

Yesaya 12:2

Amba, Nyameɛ te me ngoalelɛ, ngɔfa me wora ngowura ye nu, na mengosuro, ofikyɛ AWURADE Nyameɛ te m’anwoserɛ ne me dwein, na wayɛ me ngoalelɛ.”

Yesaya 43:11

Me, me ole AWURADE, na defoɛ biala nne berɛ ko bɔ ɔboka me so ɔ.

Yesaya 43:3

Ofikyɛ me ole AWURADE wɔ Nyameɛ, Yisrael Krongronniɛ ne, wɔ Defoɛ ne, Mafa Misraim mayɛ wɔ ti nyɔboɛ mapɔ wɔ, Mafa Yitiopia ne Seba masesã wɔ.

Yesaya 45:15

O Yisrael Nyameɛ, Defoɛ ne, amba, wɔ ole Nyameɛ bɔ ɛfa wɔ nwo fea ɔ.

Yesaya 45:21

Ɛ́mɔdwudwo, ɛ́mɔbɔ ɛmɔ nguro; maa bɛbɔ nu bɛhɔ agyina! Nwa yeɛ ɔhane sɔ dwirɛ ne tole berɛ fili tetetete ɔ? Nwa yeɛ ofi daa tete ne ɔfa tole dwaa ɔ? Aso nna me, AWURADE ɔ? Nyameɛ biala nne berɛ, sana me ngome, nde Nyameɛ bɔ ɔtengyɛ bɔ ode ngoa ɔ, ebiala nne berɛ, sana me ngome.

Yesaya 49:26

Bɛ bɔ bɛhyɛ wɔ so ne, ngɔfa bɛ bɔbɔ bɛ nwonaen maa bekoli, na bɛ bɔbɔ bɛ mogya kɔbo bɛ kyɛ nzaa. Na afei anwoɔnaen amukoraa konwu ye kyɛ me, AWURADE, me ole wɔ Ngoadefoɛ ne wɔ Defoɛ, Yakob ye Tuminiɛ ne.”

Yesaya 60:16

Ɛkɔno maen maen mɔ bɛ nyɔfonesue, yeɛ ekoli ahemvo mɔ b’anwonya, na ekonwu ye kyɛ me, AWURADE, me ole wɔ Ngoadefoɛ ne wɔ Defoɛ, Yakob ye Tuminiɛ ne.

Yesaya 63:8

Ofikyɛ ɔnwa: ‘Nahorɛ nu, bɛte me maen, mmaa bɔ bɛngɔpɛ ngondombo ɔ,’ na ɔyɛle bɛ Ngoadefoɛ.

Hosea 13:4

Nakoso ofi Misraim aseɛ so, me ole AWURADE wɔ Nyameɛ; onni kyɛ ɛso nyameɛ biala, sana me, na defoɛ biala nne berɛ, sana me.

Luka 1:47

na me sunzum di ahurusi wɔ me Ngoadefoɛ Nyameɛ nu;

Luka 2:11

ofikyɛ ɛnɛ kyẽa ye, bawo Ngoadefoɛ bɔ ye ole Kristo, Awurade ne, bama ɛmɔ wɔ Dawide kuro.

Asomafoɛ 9:15

Na Awurade sele ye kyɛ, “Wɔ de, kɔ, ofikyɛ maye ye kyɛ ɔso me, ná ɔbɔ me dumaa nwo dawure hyire Amaenmaensofoɛ ne ahemvo ne Yisrael mma.

Romanfoɛ 1:1

Pɔɔlo, Yesu Kristo akoaa, bɔ bafrɛ me kyɛ mmanyɛ somafoɛ, ná batu me basie berɛ bama Nyameɛ nzɛmba ne,

1 Korintofoɛ 1:1

Krataa he fi me Pɔɔlo, bɔ Nyameɛ nate ye pɛ so wafrɛ me kyɛ nyɛ Kristo Yesu somafoɛ ɔ, ɔne aliɛmaa Sositene berɛ.

1 Korintofoɛ 9:17

Sɛ me bɔbɔ me pɛ yeɛ mefa mekã nzɛmba ne a, ye po mefata akatuaa, nakoso sɛ nna me bɔbɔ me pɛ yeɛ mefa mekã hɔ a, nzaade bɔ bafa bawura me sa ne ala yeɛ meyɔ ne.

2 Korintofoɛ 1:1

Krataa he fi me, Pɔɔlo, bɔ ɔnate Nyameɛ pɛ so nde Kristo Yesu somafoɛ berɛ. Me ne aliɛmaa Timoteo yeɛ yɛhyerɛle ɔ. Yɛ́fa yɛbrɛ Nyameɛ asɔre bɔ ɔwɔ Korinto, ɔne anwoteefoɛ amukoraa bɔ bɛwɔ Akaia mukoraa ɔ.

Galatiafoɛ 1:1

Me Pɔɔlo, offi kuro sona, yeɛ ɔnnate sona so; na mmom ɔnate Yesu Kristo ne Baba Nyameɛ bɔ otingyele ye fili awofoɛ nu ne so yeɛ maayɛ somafoɛ ɔ.

Galatiafoɛ 1:11

Aliɛmaa mɔ, mepena kyɛ ɛmɔnwu ye kyɛ nzɛmba bɔ nga ngyirele ɛmɔ ne, nna kuro sona deɛ ɔ.

Kolosefoɛ 1:27

Na Nyameɛ apɛdeɛ ole kyɛ, ɔkɔma anwoteefoɛ konwu animnyam anwonya bɔ ɔwɔ mvealeɛ dwirɛ ne anu wɔ Amaenmaensofoɛ nu. Mvealeɛ nu dwirɛ ne ole Kristo bɔ ɔwɔ ɛmɔ nu ne, na ɔte animnyam ne nwo anyelasoɛ.

2 Tɛsalonika 2:16

Na afei, Y’Awurade Yesu Kristo bɔbɔ ne yɛ Baba Nyameɛ, bɔ okuro yɛ dwirɛ, ná walo yɛ wama yɛ daa asomdwee ne anyelasoɛ paa ne,

1 Timoteo 1:12

Meda y’Awurade Kristo Yesu bɔ wama me anwoserɛ ne ase; ofikyɛ wabu me nahorɛniɛ wafa me wawura ɛsolɛ adwuma ne anu.

1 Timoteo 2:3

Na sɔ te paa, na ɔsɔ yɛ Ngoadefoɛ Nyameɛ nye,

1 Timoteo 2:7

Na ɛhe ati yeɛ batu me basie berɛ bayɛ me nzɛmbahanɛniɛ ne somafoɛ ɔ, (mekã nahorɛ [wɔ Kristo nu], na membɛ ngondombo), nde Amaenmaensofoɛ nu kyerɛkyerɛniɛ wɔ gyidie ne nahorɛ nu.

1 Timoteo 4:10

Ɛhe ati yeɛ yɛyere yɛ nwo yɛyɔ adwuma serɛ ɔ, ofikyɛ yafa yɛ nye yato Nyameɛ teasefoɛ, bɔ ɔte mmenia amukoraa, nganga agyidifoɛ Ngoadefoɛ ne aso.

Tito 1:3

na mmerɛ bɔ ɔsɛ ɔ nu, ɔlale ye dwirɛ ne ali wɔ nzɛmbahanɛ bɔ ɔte yɛ Ngoadefoɛ Nyameɛ ahyɛdeɛ bɔ wafa wawura me sa ne;

Tito 2:10

anaa bɛyɛ bɛ so awue mmaa mmaa; na mmom ɔsɛ kyɛ bɛda nahorɛ paa amukoraa ali, amaa ɔnate so bama yɛ Ngoadefoɛ Nyameɛ ngyerɛkyerɛ ne wanya anidie wɔ nikyee biala nu.

Tito 2:13

wɔ mmerɛ bɔ yɛnwondɛ anyelasoɛ bɔ ɔte saleɛ, bɔ ɔte yɛ Nyameɛ piri ne yɛ Ngoadefoɛ Yesu Kristo animnyam walɛ ne ɔ.

Tito 3:4

Nakoso mmerɛ bɔ yɛ Ngoadefoɛ Nyameɛ ɔlale ye paayɛlɛ ne ye ɔdɔ ali hyirele adasa mmaa ne,

Tito 3:6

Na ɛhe yeɛ ɔnate yɛ Ngoadefoɛ Yesu Kristo so ohwie guale yɛ so mmorosoɛ ɔ,

1 Petro 1:21

Na ɔnate ye so yeɛ ɛmɔde Nyameɛ bɔ otingyele ye fili awufoɛ nu ná ɔhyɛle ye animnyam ne bedi ɔ, amaa ɔnate so ɛmɔanya gyidie ne anyelasoɛ wɔ Nyameɛ nu.

1 Petro 1:3

Animnyam hã Nyameɛ, y’Awurade Yesu Kristo Baba ne, bɔ ɔnate ye anwumvoinnwunɛ mmorosoɛ ti wafa Yesu Kristo awufoɛ nu ewutingyelɛ ne aso wawo yɛ foforɛ maa yanya anyelasoɛ bɔ ngoa wɔ nu,

2 Petro 1:1

Simɔn Petro bɔ nde Yesu Kristo akoaa ne somafoɛ ne, mefa mebrɛ bɛ bɔ ɔnate yɛ Nyameɛ ne Ngoadefoɛ Yesu Kristo tenenee so banya gyidie bɔ odi mu kyɛ yɛ deɛ ne ala ɔ.

1 Yohane 4:14

Yanwu ye, na yɛdi adanzeɛ kyɛ Baba ne somane Baa ne maa ɔɔyɛle wiase Ngoadefoɛ.

Yuda 1:25

Nyameɛ komapɛ bɔ ɔnate y’Awurade Yesu Kristo so ɔte yɛ Ngoadefoɛ ne, animnyam, ahennie, anwoserɛ ne tumi ɔyɛ ye deɛ daa, kekesaala ne afebɔɔ. Amen.