1 Samuel 9:9 - AHYERƐLƐ KRONGRON

⁹ (Daa ne, wɔ Yisrael, né sɛ ebie ɔkwaabisa Nyameɛ berɛ dwirɛ a, ɔka kyɛ, “Ɛmɔbra ma yɛhɔ Nyameɛ sona bɔ ɔse ase ne berɛ”, ofikyɛ sona bɔ ɛnɛ ye bɛfrɛ ye ngɔmhyɛlɛniɛ ne, daa ne de, né bɛfrɛ ye Nyameɛ sona bɔ ɔse ase ɔ).

1 Samuel 9:9 Iomraidhean Croise

Gyenesise 25:22

Ngwadaa nemɔ lili apereapereɛ wɔ ye kunu, na ɔhane kyɛ, “Sɛ ɔte sɔ de a, nzaade nzikyɛ dwirɛ yeɛ wato me ye?” Yiti ɔhɔle AWURADE sona berɛ oobisale so.

2 Samuel 24:11

Na ngyerɛmɔ ne bɔ Dawide dwɔsole ne, AWURADE lale ye dwirɛ ali hyirele ngɔmhyɛlɛniɛ Gade, bɔ ɔte Nyameɛ sona bɔ ɔse ase, bɔ ɔka Nyameɛ noa dwirɛ kyire Dawide ne kyɛ,

2 Ahemvo 17:13

Né AWURADE nate ngɔmhyɛlɛfoɛ amukoraa ne ye mmenia bɔ bɛse ase amukoraa so wabɔ Yisrael ne Yuda kɔkɔ kyɛ, “Ɛmɔhwe ɛmɔ nwo béfi ɛmɔ bɔne nwo, ná ɛmɔli me mmeraa dwirɛ ne m’ahyɛdeɛ so, kyɛbɔ mmeraa bɔ nhyehyɛle mane ɛmɔ nana mɔ, bɔ nnate me somvoɛ ngɔmhyɛlɛfoɛ so mva mmrɛle ɛmɔ ne, ɔte ne ala.”

1 Aberɛso Dwirɛ 21:9

Na AWURADE lale ye dwirɛ ali hyirele ngɔmhyɛlɛniɛ Gade, bɔ ɔte Dawide sona bɔ ɔse ase ne kyɛ,

1 Aberɛso Dwirɛ 26:28

Afei, nningyein amukoraa bɔ Samuel bɔ ɔse ase ne, Kise awa Sɔɔlo, Nɛɛ awa Abenɛ, Seruya awa Yoabo, batu basie berɛ bama AWURADE ne, bɛfale sɔ nningyein ne amukoraa bewurale Selomite ne oliɛma mmienzua mɔ sa.

1 Aberɛso Dwirɛ 29:29

Afei Nana Dawide nwo dwirɛ, ofi ye ahyɛaseɛ bɔ ɔkwaadwu ye ayieleɛ, bahyerɛ ye wɔ Samuel bɔ ɔse ase ne, ye abakɔsɛm nwomaa ne anu, ngɔmhyɛlɛniɛ Natan abakɔsɛm nwomaa ne anu, yeɛ Gade bɔ ɔse ase ne, ye abakɔsɛm nwomaa ne anu.

1 Aberɛso Dwirɛ 9:22

Sɔ mmenia nemɔ bɔ bɛneaneane nu bɛyele bɛ kyɛ bɛwɛne anoa ne, bɛ mukoraa bɛte ɛyaa nyɔ ne buru ne nyɔ. Begyinane bɛ mmusua mmusua so yeɛ bɛhale bɛ wɔ bɛ nguraa mɔ nu ɔ. Dawide, yeɛ Samuel bɔ ɔte Nyameɛ sona bɔ ɔse ase ne, bɛfale sɔ adwuma bɔ ohia nahorɛlilɛ ne bewurale sɔ mmenia nemɔ sa.

2 Aberɛso Dwirɛ 16:10

Asa fɛle biaa bɔ ɔse ase ne aso yaa, na Asa bɔle ye panwu fale ye tole kuku nu, ofikyɛ edwirɛ ne mane Asa fɛle yaa paa. Afei sɔ mmerɛ ne, Asa tanene maen ne anu ama nemɔ bie nye.

2 Aberɛso Dwirɛ 16:7

Sɔ mmerɛ ne, Hanani bɔ ɔte sona bɔ ɔse ase ne, ɔhɔle Yuda hene Asa berɛ oosele ye kyɛ, “Ɔnate kyɛ afa wɔ nwo ato Siria hene so, na amva wɔ nwo ando AWURADE wɔ Nyameɛ so ne ati, ngonim bɔ ahaa ekoli ye wɔ Siria hene koɛhonɛfoɛ nemɔ aso ne, wabɔ wɔ.

Yesaya 29:10

Ofikyɛ AWURADE afa nnafelɛ hatee sunzum wato ɛmɔ so, ɛmɔ nye bɔ yeɛ ɔte ngɔmhyɛlɛfoɛ ne, wamuamua ye, ɛmɔ ti bɔ yeɛ ɔte mmenia bɔ bɛse ase ne, wamundu so.

Yesaya 30:10

Na bese mmenia bɔ bɛse ase ne kyɛ, “Nnɛma ɛmɔnwu nikye”; yeɛ bese ngɔmhyɛlɛfoɛ koso kyɛ, “Nnɛma ɛmɔhyɛ edwirɛ nahorɛ nwo ngɔm bekyire yɛ; na mmom ɛmɔhã edwirɛ bɔ ɔyɛ yɛ so anu fɛ ɔ behyire yɛ, ɛ́mɔli ngɔndorɔ,

Amose 7:12

Yeɛ Amasia sele Amose kyɛ, “Ao, wɔ bɔ ɛse ase ɔ, nwati kɔ Yuda aseɛ so, ma wɔ sa hã wɔ noa aleɛ wɔ dɔ, ná hyɛ ngɔm wɔ dɔ,

1 Korintofoɛ 12:17

Na sɛ nipadua ne amu te anyeɛ a, ahaa ɔkɔyɛ sɛɛ né wate dwirɛ? Yeɛ sɛ nipadua ne amu te asoɛ a, ahaa ɔkɔyɛ sɛɛ né wafofã nikye?

Maenbulɛfoɛ 1:1

Yosua wue asi ne, Yisraelfoɛ bisale AWURADE kyɛ, “Yɛ nu abusua kure beni yeɛ oli moa ɔfa koɛ ɔɔteta Kanaanfoɛ ɔma yɛ ɔ?”

Maenbulɛfoɛ 18:5

Yeɛ besele ye kyɛ, “Bisa Nyameɛ ma yɛ maa yɛnwu ye sɛ atee bɔ yɛkɔ ye, okoyie yɛ yé a.”

1 Samuel 9:10

Na Sɔɔlo sele ye somvoɛ ne kyɛ, “Bɔ aha ne ɔte paa, maa yɛhɔ.” Na besili nu bɛhɔle kuro bɔ Nyameɛ sona ne ɔwɔ so ne aso.