1 Samuel 9:5 - AHYERƐLƐ KRONGRON

⁵ Na beedwuli Sufe aseɛ so ne, Sɔɔlo sele somvoɛ bɔ ɔne ye nate ne kyɛ, “Maa yɛsa yɛhɔ. Anyɔ a, me baba kɔyakyi afunum nemɔ nwo adwenedwene, na ɔkɔma yɛ nwo adwenedwene kɔtɔ ye so.”

1 Samuel 9:5 Iomraidhean Croise

Mateo 6:25

“Yiti mekã mekyire ɛmɔ kyɛ, nnɛmɔma ɛmɔ asetena nu adwenedwene tɔ ɛmɔ so, kyɛ nzu yeɛ ɛmɔkoli ɔ; anaakyɛ nzu yeɛ ɛmɔkɔno ɔ, anaakyɛ ɛmɔ nipadua nwo, kyɛ nzu yeɛ ɛmɔkɔhera ɔ. Aso ngoa nwo nhia ndra aleɛ? Aso nipadua nwo nhia ndra ɛtena anaa?

Mateo 6:28

“Na nzu ati yeɛ ɛmɔdwenedwene ndena nwo ɔ? Ɛ́mɔnea eburo sukooko, ɔne kyɛbɔ besi benyi ɔ. Bɛnyɔ adwuma, yeɛ bɛndo gyese.

Mateo 6:34

Yiti nnɛma ɛmɔdwene ɛhema deɛ nwo, ofikyɛ ɛhema bɔbɔ deinn ɔkɔdwene ye nwo. Kyẽa biala nu adwenedwene sone ma sɔ kyẽa ne.”

Luka 12:11

“Sɛ bɛfa ɛmɔ bɛkɔ nyianu sua mɔ nu, ndɛenbualɛfoɛ ne mbanyi nyunu a, nnɛma ɛmɔdwenedwene kyɛbɔ ɛmɔkosi bɛkɔye ɛmɔ noa nwo, anaa bɔ ɛmɔkɔhã ɔ nwo;

Luka 12:22

Afei Yesu sele ye asuafoɛ nemɔ kyɛ, “Yiti mekã mekyire ɛmɔ kyɛ, nnɛmɔma ɛmɔ asetena nu adwenedwene tɔ ɛmɔ so, kyɛ nzu yeɛ ɛmɔkoli ɔ; anaa ɛmɔ nipadua nwo, kyɛ nzu yeɛ ɛmɔkɔhera ɔ.

1 Samuel 1:1

Né biaa bie wɔ berɛ bɔ bɛfrɛ ye Ɛlkana. Ofi Ramatim Sofim bɔ ɔwɔ Efraim mmokaa aseɛ ne aso. Ɔse ole Yeroham bɔ ɔse ole Elihu bɔ ɔse ole Tohu bɔ ye koso ɔse ole Efraimniɛ Sufe ne.

1 Samuel 10:2

Ɛnɛ sɛ efi me nwo wa ná ɛkɔ a, ekoyia mmienzua nyɔ wɔ Rahɛl asieleɛ ne anwo, wɔ Selsa, wɔ Benyamin aseɛ so. Na bekose wɔ kyɛ, ‘Afunum mɔ bɔ ɛhɔle bɛ penalɛ ne, banwu bɛ. Afei de, wɔ baba ndwene afunum nemɔ nwo ko, na mmom ɛmɔ nwo adwenedwene yeɛ watɔ ye so ɔ. Na ɔnwa: Yieee, mma ye, mekwaanwu ye ni?’