1 Samuel 9:3 - AHYERƐLƐ KRONGRON

³ Ɛlɛho bie, Sɔɔlo baba Kise afunum mɔ minini. Yiti Kise sele ɔwa Sɔɔlo kyɛ, “Fa somvoɛ nemɔ nu ko boka wɔ nwo so, ná kɔpena afunum nemɔ.”

1 Samuel 9:3 Iomraidhean Croise

Maenbulɛfoɛ 10:4

Ye mma mmienzua te aburasa, na né bɛ nu biala le ye ti anwo afunum bɔ ɔtena so ɔ. Né bele nguro aburasa wɔ Gileade mbɔtam, bɔ ɔbaadwu ɛnɛ ye bɛfrɛ bɛ Yari nguro ɔ.

Maenbulɛfoɛ 5:10

Ɛmɔ bɔ ɛmɔtete afunum fufue mɔ so ɔ, ɛmɔ bɔ ɛmɔtete bɛen paa so ɔ, ɔne ɛmɔ bɔ ɛmɔnate atee noa ɔ, ɛ́mɔto ye nwo dwein.

1 Samuel 10:14

Na Sɔɔlo baba aliɛma bienzua bisale ye ne somvoɛ ne kyɛ, “Nisua yeɛ ɛmɔhɔle ɔ?” Na obuale kyɛ, “Yɛhɔle afunum nemɔ penalɛ. Na yɛpenane bɛ dee bɔ yannwu bɛ ne, yɛhɔle Samuel berɛ.”

1 Samuel 10:2

Ɛnɛ sɛ efi me nwo wa ná ɛkɔ a, ekoyia mmienzua nyɔ wɔ Rahɛl asieleɛ ne anwo, wɔ Selsa, wɔ Benyamin aseɛ so. Na bekose wɔ kyɛ, ‘Afunum mɔ bɔ ɛhɔle bɛ penalɛ ne, banwu bɛ. Afei de, wɔ baba ndwene afunum nemɔ nwo ko, na mmom ɛmɔ nwo adwenedwene yeɛ watɔ ye so ɔ. Na ɔnwa: Yieee, mma ye, mekwaanwu ye ni?’

1 Samuel 9:2

Né ole baa bienzua aberandeɛ anwonyemene bie bɔ oli Sɔɔlo. Né sona biala nne Yisrael bɔ ye anwonyemene tra ye ɔ. Maen ne anu, ɔne sona biala gyi berɛ a, ɔwale tra ye.

1 Samuel 9:20

W’afunum mɔ bɔ bamini ɛlɛsa ɛhe ne, nnɛdwene bɛ nwo ko, ofikyɛ banwu bɛ. Na nwa yeɛ Yisrael anwonyadeɛ amukoraa te ye deɛ ɔ? Ɛne wɔ baba abusua nu ama mukoraa, aso nna ɛmɔ deɛ ɔ?”

1 Samuel 9:4

Oohyinihyinini Efraim mmokaa aseɛ so ne Salisa aseɛ so, nakoso bannwu bɛ. Behyinihyinini Saalim aseɛ so, nakoso né afunum nemɔ bɛnne berɛ. Afei oohyinihyinini Benyamin aseɛ so, nakoso bannwu bɛ.