1 Samuel 9:2 - AHYERƐLƐ KRONGRON

² Né ole baa bienzua aberandeɛ anwonyemene bie bɔ oli Sɔɔlo. Né sona biala nne Yisrael bɔ ye anwonyemene tra ye ɔ. Maen ne anu, ɔne sona biala gyi berɛ a, ɔwale tra ye.

1 Samuel 9:2 Iomraidhean Croise

Gyenesise 6:2

Nyameɛ mma nemɔ benwuni kyɛ mmenia mma mmrasua nemɔ bɛ nwo yɛ nyemene, yiti begyigyale bɛ nu biala bɔ bekuro ɔ.

1 Aberɛso Dwirɛ 8:33

Nɛɛ wole Kise; Kise wole Sɔɔlo; Sɔɔlo wole Yonatan, Malkisua, Abinadabo yeɛ Esibaal.

Yeremia 9:23

Bɔ AWURADE kã hɔ ɛhe: “Nnɛma nworɛniɛ ɔfa ye nworɛ hoahoa ye nwo, nnɛma anwoserɛniɛ ɔfa ye anwoserɛ hoahoa ye nwo, yeɛ nnɛma sikaniɛ ɔfa ye anwonya hoahoa ye nwo.

Numeri 13:33

Yɛnwuni Nefilifoɛ wɔ berɛ (Anakefoɛ te Nefilifoɛ mɔ bosofoɛ); na yɛnea yɛ nwo a, né yɛte kyɛ torɔka mɔ, na sɔ ala yeɛ bɛ koso benwu yɛ ɔ.”

1 Samuel 10:21

Benyamin abusua kure ne, ɔmane nu mmusua mmusua ne beegyinane anyunu berɛ. Na beguale serewa maa ɔyele Matri abusua ne. Ɔmane Matri abusua nu ama beegyinane anyunu berɛ, na serewagualɛ ne yele Kise awa Sɔɔlo. Nakoso bɛpenane Sɔɔlo ne, bannwu ye.

1 Samuel 16:7

Nakoso AWURADE sele ye kyɛ, “Nnɛnea kyɛbɔ osi te ɔ anaa ye tendenn, ofikyɛ nna ye yeɛ mekuro ɔ. Na kyɛbɔ sona si nwu nikyee ne, nna sɔ yeɛ AWURADE nwu ye ɔ. Bɛ nye so nikye yeɛ sona nea ɔ, nakoso AWURADE de, ɔnea b’ahone nu.”

1 Samuel 17:4

Na bienzua kwabranoa bie fili Filistifoɛ asikyeleɛ ne anu oogyinane anyunu. Oli Goliate, ofi Gate, na ye tendenn te agyirɛ ngona ne bɛ sa mmɛseka ko.

1 Samuel 9:3

Ɛlɛho bie, Sɔɔlo baba Kise afunum mɔ minini. Yiti Kise sele ɔwa Sɔɔlo kyɛ, “Fa somvoɛ nemɔ nu ko boka wɔ nwo so, ná kɔpena afunum nemɔ.”