1 Samuel 9:16 - AHYERƐLƐ KRONGRON

¹⁶ “Ɛhema, bekye sɔa ala, ngɔma biaa bie bɔ ofi Benyamin aseɛ so kɔwa wɔ berɛ, na fa ɛpopalɛ ngoo popa ye ma oli me maen Yisrael so hene. Ɔkɔpepɛ kole me maen kofi Filistifoɛ sa nu, ofikyɛ manwu amaneɛ bɔ me mmenia benwu ye ne, na bɛ suɛ adwu me nyunu.”

1 Samuel 9:16 Iomraidhean Croise

2 Samuel 3:18

Bekye yeɛ mmerɛ ne adwu ɔ, ofikyɛ AWURADE ahyɛ Dawide bɔ kyɛ, ‘Ngɔfa me somvoɛ Dawide so yeɛ ngole me mmenia Yisrael ngofi Filistifoɛ sa nu, ɔne bɛ pɔfoɛ amukoraa bɛ sa nu ɔ.’ ”

2 Ahemvo 20:5

“Sa wɔ si kɔhã kyire Hesekia bɔ odi hene wɔ me mmenia so ne kyɛ, AWURADE wɔ nana Dawide ye Nyameɛ ne, ɔnwa nyoo: Matie wɔ mbaeɛ ne, na manwu ɛmoen bɔ ɛte ne. Nahorɛ nu, ngɔsa wɔ anwonyerɛ na ɛlɛsa ne aso, ɛkɔhɔ AWURADE asɔneyɛɛ sua nu berɛ.

Edwein 102:1

Ao AWURADE, tie me mbaeɛ; ma me sufrɛ oodwu wɔ nyunu.

Edwein 106:44

Nakoso onwuni amaneɛ bɔ né benwu ye ne, na otiele bɛ sufrɛ.

Edwein 25:18

Nea yealɛ ne amaneɛ bɔ menwu ye ɔ, ná fa me bɔne amukoraa kyɛ me.

Anyandera 16:9

Sona fa ye adwene susu bɔ ɔkɔyɔ ɔ nwo, nakoso AWURADE yeɛ okyire ye atee ɔ.

Yeremia 32:8

Yeɛ me baba aliɛma bienzua awa Hanamel gyinane AWURADE dwirɛ so wale me berɛ wɔ kuku nu aluo berɛ, na osele me kyɛ, ‘Mesrɛ wɔ, tɔ me boo bɔ ɔwɔ Anatote bɔ ɔwɔ Benyamin maen nu ne, ofikyɛ wɔ yeɛ ele ye nwo ate kyɛ agyapadeɛ ne ɔbadi wɔ berɛ ɔ; wɔ yeɛ odi kyɛ ɔba wɔ sa nu; yiti tɔ ná fa. Na nwuni kyɛ edwirɛ ne, ɔte AWURADE dwirɛ.

1 Samuel 10:1

Afei Samuel fale ngoo towaa, otutu guale Sɔɔlo ti so, na ɔtɔle ye nu hane kyɛ, “AWURADE apopa wɔ ngoo wafa wɔ wali ye maen Yisrael so hene. Wɔ yeɛ ɛkɔla AWURADE maen ne noa ɔ, na bɛ pɔfoɛ mɔ bɔ bapɛ bɛ nwo bayia ne, wɔ yeɛ ɛkɔpepɛ kole bɛ kofi bɛ sa nu ɔ. Na bɔ okohyire kyɛ AWURADE afa wɔ wali ye agyapadeɛ so hene ɛhe:

1 Samuel 14:20

Afei Sɔɔlo ne koɛhonɛfoɛ amukoraa bɔ bɛboka ye so ne, bɛboale bɛ noa, na bɛhɔle koɛ wɔ asikyeleɛ ne anu. Edwirɛ nwanwa! Né Filistifoɛ amukoraa bapɛ bɛ nwo bele ngrandɛ bɛ ne bɛ nwo bɛko, na ɛhe mane bagyabagya ne noa yɛle se paa.

1 Samuel 14:23

Yiti AWURADE mane Yisrael lili ngonim sɔ kyẽa ne. Bɛhone toonn beedwuli Bete Awen si dɔ.

1 Samuel 15:1

Samuel sele Sɔɔlo kyɛ, “Me yeɛ AWURADE somane me maa mvale ɛpopalɛ ngoo mmanguale wɔ ti so nzili wɔ ye maen so hene ɔ. Afei, tie AWURADE noa dwirɛ.

1 Samuel 16:1

AWURADE bisale Samuel kyɛ, “Kyinzu koraa yeɛ ekoli Sɔɔlo nwo aworabɔlɛ maa okoodwu ɔ? Maye me sa mafi ye bo maa ye sɔ ati ɔtte Yisrael so hene ko. Fa ngoo gua wɔ towaa ne anu ná si nu kɔ. Mésoma wɔ Betlehemniɛ Yese berɛ, ofikyɛ ye mma nemɔ anu ko yeɛ me bɔbɔ maye ye kyɛ oli hene ɔ.”

1 Samuel 16:3

To wɔ sa frɛ Yese maa ɔbra afɔleɛ ne abo, na me bɔbɔ ngohyire wɔ nikyee bɔ odi kyɛ ɛyɔ ɔ. Sona bɔ ngohyire wɔ ne, fa ɛpopalɛ ngoo gua ye ti so ma me.”