1 Samuel 8:9 - AHYERƐLƐ KRONGRON

⁹ Wɔ de, de b’edwirɛ ne to nu; nakoso kanzo bɛ kitii, ná maa benwu atee horɛ bɔ ɛhene ne kɔfa so koli bɛ so ɔ.”

1 Samuel 8:9 Iomraidhean Croise

Yeremia 11:7

Ofikyɛ mmerɛ bɔ nyele ɛmɔ nana mɔ mvili Misraim aseɛ so mmale ne, mmɔle bɛ kɔkɔ kitii, na mahɔ so mabɔ bɛ kɔkɔ maa waadwu ɛnɛ kyɛ, Ɛ́mɔtie me dwirɛ.

Hesekiel 3:18

Sɛ mekã mekyire bɔnefoɛ kyɛ, ‘Ewue yeɛ ekowu ɔ,’ ná ammɔ ye kɔkɔ, anaa anga angyire bɔnefoɛ ne maa wandwe ye nwo wamvi ye bɔne nwo, amaa ɔnate so wannya ngoa a, ye de sɔ bɔnefoɛ ne kowu ye amumuyɛɛ nu de; nakoso ye mogya de, wɔ berɛ yeɛ ngobisa ngofi ɔ.

Hesekiel 46:18

Asa koso, ɛhene ne, onni kyɛ ɔfa nhyɛsoɛ so ode maen mmaa b’agyapadeɛ ne bie, amaa ɔnate so wamma b’agyapadeɛ wamvi bɛ sa. Ye bɔbɔ ye agyapadeɛ ne bie yeɛ odi kyɛ ɔfa ma ye mma maa ɔyɛ bɛ deɛ ɔ, amaa ɔnate so me maen mmaa ne anu biala wammɔ aya wamvi ye agyapadeɛ so.”

1 Samuel 10:25

Samuel hane ahennie ne nwo nhyehyɛleɛ ne mmeraa hyirele maen ne. Ɔhyerɛle ye wɔ nwomaa nu, na ɔfale nwomaa ne tole AWURADE nyunu. Afei Samuel mane mmenia ne amukoraa betuli apo besa bɛhɔle b’awuro.

1 Samuel 12:1

Afei Samuel sele Yisrael amukoraa kyɛ, “Matie edwirɛ bɔ ɛmɔaha bahyire me ne amukoraa, na masi ɛmɔ hene mama ɛmɔ.

1 Samuel 14:52

Sɔɔlo aberɛ so amukoraa, ɔne Filistifoɛ bɛhone koɛ bɔ nu yɛ se ɔ. Sɛ né onwu bienzua anwoserɛniɛ anaa koɛhonɛniɛ ahoneserɛniɛ biala a, ɔfa ye boka ye koɛhonɛfoɛ nemɔ aso.

1 Samuel 2:13

asɔfo asɛdeɛ bɔ bɛyɔ bɛma maen ne koso, né bɛtoto ye ase. Sɛ ebie ba bɔ afɔleɛ, ná naen ne gyi see so a, ɔyɛ a somvoɛ bɔ ɔso ɔsɔfo ne, ɔfa ateɛ anoa tworɔntworɔn bie tira ba,

1 Samuel 8:8

Na bɔ bafa bali me amukoraa, fite kyẽa bɔ nyele bɛ mvili Misraim mmale bɔ ɔbaadwu ɛnɛ, bɔ bayakyi me si lilɛ baaso nyameɛ foforɛ biemɔ ɔ, sɔ ala yeɛ bɛ́fa bédi wɔ ɔ.