1 Samuel 8:8 - AHYERƐLƐ KRONGRON

⁸ Na bɔ bafa bali me amukoraa, fite kyẽa bɔ nyele bɛ mvili Misraim mmale bɔ ɔbaadwu ɛnɛ, bɔ bayakyi me si lilɛ baaso nyameɛ foforɛ biemɔ ɔ, sɔ ala yeɛ bɛ́fa bédi wɔ ɔ.

1 Samuel 8:8 Iomraidhean Croise

Edwein 78:8

Ɛhe kɔmaa bɛngɔyɛ kyɛ bɛ nana mɔ, bɔ né bɛte aworɛ ndoatoasoɛ asoserɛfoɛ bɔ bayɛ lɔen ɔ, aworɛ ndoatoasoɛ bɔ bamva bɛ nwo bando Nyameɛ so, bɔ bɛ sunzum wanni nahorɛ wamma Nyameɛ ɔ.

Ɛksadɔso 16:3

Besele Mose ne Aarɔn kyɛ, “Sɛ AWURADE tumi maa yɛwuwuli Misraim aseɛ so a, ahaa ɔte paa. Berɛ de, yɛtenatenane naen kukue nwo yɛdidili yɛtele naen mane yɛ ko yili pambee. Nakoso ɛmɔafa yɛ baagua ɛserɛ so wa kyɛ bɛbaama ɛhɔen ku maen ye amukoraa.”

Ɛksadɔso 17:2

Yiti ɛlɔen ne ne Mose nyane dwudwolɛ, na besele kyɛ, “Ma yɛ nzue ma yɛno.” Na Mose buale bɛ kyɛ, “Nzu ati yeɛ ɛmɔbɔ me somoɛ ɔ? Nzu ati yeɛ ɛmɔso AWURADE bɛnea ɔ?”

Ɛksadɔso 32:1

Mmerɛ bɔ mmenia ne nwuni kyɛ Mose ahyɛ soma wɔ bokaa ne aso, ná ondwu mma nen, mmenia ne boaboale bɛ noa bɛhɔle Aarɔn berɛ, na besele ye kyɛ, “Dwɔso ná yɔ bosoen mɔ bɔ bekoli yɛ nyunu ma yɛ. Ofikyɛ sɔ Mose ne, akoaa he bɔ ɔɔyele yɛ fili Misraim aseɛ so wale ne de, yɛnze bɔ wato ye ɔ.”

Yeremia 34:14

‘Afoɛ nzoo biala ayieleɛ, odi kyɛ ɛmɔ anu biala yakyi oliɛma Hebriniɛ biala bɔ batɔne ye bama wɔ, bɔ waso wɔ afoɛ nzia ɔ maa ɔfa ye nwo odi ofi wɔ sa nu.’ Nakoso ɛmɔ nana mɔ bandie me dwirɛ, yeɛ banyɛ asoɛ bamma me.

Hesekiel 2:3

Osele me kyɛ, “Sona awa, mésoma wɔ wɔ Yisraelfoɛ berɛ, ɛlɔenyɛlɛ maen bɔ bayɛ me nwo lɔen ne berɛ; bɛ ne bɛ nana mɔ yeɛ batiatia me mmeraa so maa waadwu ɛnɛ ɔ.

Numeri 16:41

Nakoso aleɛ hyene ne, maen ne amukoraati bɛpenepenene bɛ komvi beguale Mose ne Aarɔn so kyɛ, “Ɛmɔahu AWURADE mmenia.”

Deuteronomi 9:24

Na ɛmɔahwi bafa AWURADE dwirɛ so toonn fite kyẽa bɔ nwuni ɛmɔ ɔ.

Maenbulɛfoɛ 13:1

Yisraelfoɛ sa yɔle bɔ ɔte bɔne wɔ AWURADE nyunu ɔ, na AWURADE fale bɛ wurale Filistifoɛ sa afoɛ aburanna.

Maenbulɛfoɛ 2:20

Yiti AWURADE fɛle Yisrael so yaa paa, na osele kyɛ, “Ɔnate kyɛ maen he abu m’apam bɔ nhyehyɛle mane bɛ nana mɔ ne aso, ná bandie me dwirɛ ne ati,

Maenbulɛfoɛ 4:1

Ehude wue asi ne, Yisraelfoɛ sa yɔle bɔ ɔte bɔne wɔ AWURADE nyunu ɔ.

Maenbulɛfoɛ 6:1

Yisraelfoɛ yɔle bɔ ɔte bɔne wɔ AWURADE nyunu ɔ, na AWURADE fale bɛ wurale Midian sa afoɛ nzoo.

1 Samuel 8:7

na AWURADE buale Samuel kyɛ, “Edwirɛ biala bɔ maen ne fa to wɔ nyunu ne, de to nu, ofikyɛ nna wɔ yeɛ bapo wɔ ɔ, na mmom me yeɛ bapo me kyɛ nnde bɛ so hene ko ɔ.

1 Samuel 8:9

Wɔ de, de b’edwirɛ ne to nu; nakoso kanzo bɛ kitii, ná maa benwu atee horɛ bɔ ɛhene ne kɔfa so koli bɛ so ɔ.”