1 Samuel 8:7 - AHYERƐLƐ KRONGRON

⁷ na AWURADE buale Samuel kyɛ, “Edwirɛ biala bɔ maen ne fa to wɔ nyunu ne, de to nu, ofikyɛ nna wɔ yeɛ bapo wɔ ɔ, na mmom me yeɛ bapo me kyɛ nnde bɛ so hene ko ɔ.

1 Samuel 8:7 Iomraidhean Croise

Ɛksadɔso 16:8

Na Mose sele kyɛ, “Nɔsoa biala, AWURADE kɔma ɛmɔ naen ma ɛmɔkoli, na ngyerɛmɔ koso, ɔkɔma ɛmɔ aleɛ ma ɛmɔ ko koyi; ofikyɛ AWURADE ate kyɛ ɛmɔpenepene bɛ komvi begua ye so. Na yɛ de, yɛ ole nwa? Nna yɛ yeɛ ɛmɔpenepene bɛ komvi begua yɛ so ɔ, na mmom AWURADE.”

Yesaya 66:4

Na me koso, ngɔneanea nu ngɔye asohwenɛ ngɔma bɛ, na bɔ besuro ne yeɛ ngɔmaa ɔkɔto bɛ ɔ; ofikyɛ mvrɛle ne, ebiala andɛ me so, ndwudwole ne, bandie, na mmom bɛyɔle bɔ ɔte bɔne wɔ me nye so ɔ, yeɛ bɔ me nye ngye ye nwo ne yeɛ bɛfale ɔ.”

Yeremia 34:14

‘Afoɛ nzoo biala ayieleɛ, odi kyɛ ɛmɔ anu biala yakyi oliɛma Hebriniɛ biala bɔ batɔne ye bama wɔ, bɔ waso wɔ afoɛ nzia ɔ maa ɔfa ye nwo odi ofi wɔ sa nu.’ Nakoso ɛmɔ nana mɔ bandie me dwirɛ, yeɛ banyɛ asoɛ bamma me.

Hesekiel 2:3

Osele me kyɛ, “Sona awa, mésoma wɔ wɔ Yisraelfoɛ berɛ, ɛlɔenyɛlɛ maen bɔ bayɛ me nwo lɔen ne berɛ; bɛ ne bɛ nana mɔ yeɛ batiatia me mmeraa so maa waadwu ɛnɛ ɔ.

Hesekiel 3:7

Nakoso Yisrael awuro ama de, bengotie wɔ, ofikyɛ benguro kyɛ bekotie me; ofikyɛ Yisrael awuro ama amukoraa bɛte aniammɔwoho ne asoserɛ.

Numeri 22:20

Sɔ kɔngɔen ne, Nyameɛ wale Balaam berɛ oosele ye kyɛ, “Sɛ biaa nemɔ bawa baato bɛ sa bafrɛ wɔ a, dwɔso na ɛne bɛ hɔ; na mmom bɔ ngɔhã ngohyire wɔ ne ala yeɛ yɔ ɔ.”

Mateo 10:40

“Bɔ ode ɛmɔ to nu nen, ode me koso to nu; yeɛ bɔ ode me to nu nen, ode bɔ ɔsomane me ne koso to nu.

Luka 10:16

“Ebiala bɔ otie ɛmɔ dwirɛ nen, watie me; yeɛ bɔ ɔpo ɛmɔ nen, wapo me; na bɔ ɔpo me nen, wapo bɔ ɔsomane me ne.”

Luka 19:14

Nakoso ye maen ne anu ama de, né bɛpɔ ye, yiti betuli ɛbɔfoɛ mɔ maa bɛpole ye so bɛɛhane kyɛ, ‘Yɛmbena kyɛ sɔ biaa he odi yɛ so hene.’

Luka 19:27

Na me pɔfoɛ mɔ bɔ né bɛmbene so kyɛ medi bɛ so hene ne de, ɛ́mɔfa bɛ bɛbra wa beehu bɛ me nyunu wa!’ ”

Yohane 13:16

Nahorɛ nu paa, mekã mekyire ɛmɔ kyɛ, akoaa ndra ye mene; yeɛ somafoɛ ndra bɔ ɔsomane ye ne.

Maenbulɛfoɛ 8:23

Gideon buale bɛ kyɛ, “Me de mengoli ɛmɔ so hene, yeɛ mma koso ngoli ɛmɔ so hene; mmom AWURADE yeɛ okoli ɛmɔ so hene ɔ.”

1 Samuel 10:19

Nakoso ɛnɛ de, ɛmɔapo ɛmɔ Nyameɛ bɔ ode ɛmɔ fi ɛmɔ amaneɛ mukoraa ne ɛmɔ anwokyere mukoraa nu ne, na ɛmɔaha bahyire ye kyɛ, ‘Daabi, si hene ma yɛ.’ Ye sɔ ne ati, ɛmɔbra beegyina AWURADE nyunu abusua kure abusua kure ne mmusua mmusua.”

1 Samuel 12:1

Afei Samuel sele Yisrael amukoraa kyɛ, “Matie edwirɛ bɔ ɛmɔaha bahyire me ne amukoraa, na masi ɛmɔ hene mama ɛmɔ.

1 Samuel 12:12

Ɔwɔ nu kyɛ AWURADE ɛmɔ Nyameɛ yeɛ ɔte ɛmɔ hene ɔ, nakoso mmerɛ bɔ ɛmɔnwuni kyɛ Amonfoɛ hene Nahase ɔbaafa koɛ toa ɛmɔ ne, ɛmɔsele me kyɛ, ‘Daabi, ɔsɛ kyɛ yɛnya ɛhene maa odi yɛ so.’

1 Samuel 8:22

Na AWURADE buale Samuel kyɛ, “De b’edwirɛ ne to nu, ná si hene ma bɛ.” Na Samuel sele maen ne kyɛ, “Ebiala osa hɔ ye kuro.”

1 Samuel 8:8

Na bɔ bafa bali me amukoraa, fite kyẽa bɔ nyele bɛ mvili Misraim mmale bɔ ɔbaadwu ɛnɛ, bɔ bayakyi me si lilɛ baaso nyameɛ foforɛ biemɔ ɔ, sɔ ala yeɛ bɛ́fa bédi wɔ ɔ.