1 Samuel 8:20 - AHYERƐLƐ KRONGRON

²⁰ amaa ɔnate so yɛ koso yayɛ kyɛ maen ngaa nemɔ. Yɛ hene ne kɔla yɛ noa, na okoli yɛ nyunu maa yɛkɔhɔ yɛ koɛ mɔ.”

1 Samuel 8:20 Iomraidhean Croise

Edwein 106:35

na mmom bɛ ne bosoensolɛfoɛ nemɔ bɛtenane bɛbɔle nu, na besuane bɛ yɔleɛ nemɔ bɛyɔle bie.

Ɛksadɔso 33:16

Ofikyɛ, ɔkɔyɛ sɛɛ né banwu ye kyɛ alo me ne wɔ mmenia nemɔ? Aso nna ɛhɔlɛ bɔ ɛne yɛ kɔhɔ ne ɔ? Na ɛhe kɔma me ne wɔ mmenia nemɔ yɛkɔyɛ sonongo wɔ aseɛ ye aso mmenia mukoraati nu.”

Numeri 23:9

Ngyi nyɔbotaen nemɔ ti afia yeɛ menwu bɛ ɔ: Ngyi mmokaa nemɔ aso yeɛ me nye tua bɛ ɔ. Ɛhemɔ te mmenia bɔ bɛ ngome bɛte ɔ, na bɛnga bɛ nwo bɛmvora maen maen ngaa nemɔ!

Yohane 15:19

Sɛ ɛmɔfi wiase a, ahaa wiase kohuro ɛmɔ dwirɛ kyɛ ye bɔbɔ ye deɛ. Na ɔnate kyɛ nna wiase yeɛ ɛmɔfi ɔ, na mmom me yeɛ maneanea nu maye ɛmɔ mafi wiase ne ati, yiti yeɛ ɔma wiase pɔ ɛmɔ ne.

Romanfoɛ 12:12

Ɛ́mɔnya anigye wɔ anyelasoɛ nu, ɛ́mɔnya aboterɛ wɔ amaneɛnwunɛ nu, ná ɛmɔhɔ so bɛbɔ mbaeɛ daa.

2 Korintofoɛ 6:17

Yiti Awurade nwa nyoo: “Ɛ́mɔfi bɛ nu befite, ná ɛmɔhwe ɛmɔ nwo béfi bɛ nwo; nnɛma ɛmɔfa ɛmɔ nwo bɛkã nikyee bɔ ye nwo nde ɔ, na ngole ɛmɔ.

Deuteronomi 7:6

“Ofikyɛ ɛmɔte mmenia krongron bɛma AWURADE ɛmɔ Nyameɛ; na ɛmɔ yeɛ AWURADE ɛmɔ Nyameɛ waneanea aseɛ ye aso mmenia mukoraati nu waye ɛmɔ ɔ, kyɛ ɛ́mɔyɛ ye bɔbɔ ye mmenia bɔ ye ahone la bɛ nwo ɔ.

Filipifoɛ 3:20

Nakoso yɛ de, nyameɛso yeɛ ɔte yɛ maen ɔ. Berɛ yeɛ yɛnwondɛ kyɛ yɛ Ngoadefoɛ bɔ ye ole Awurade Yesu Kristo ne okofi kɔwa ɔ;

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.

1 Samuel 12:12

Ɔwɔ nu kyɛ AWURADE ɛmɔ Nyameɛ yeɛ ɔte ɛmɔ hene ɔ, nakoso mmerɛ bɔ ɛmɔnwuni kyɛ Amonfoɛ hene Nahase ɔbaafa koɛ toa ɛmɔ ne, ɛmɔsele me kyɛ, ‘Daabi, ɔsɛ kyɛ yɛnya ɛhene maa odi yɛ so.’

1 Samuel 12:2

Ɛ́mɔtie, afei de, ɛhene ne yeɛ ɔla ɛmɔ noa ɔ. Me de, mayɛ aworowaa bɔ mafu gyein ɔ, nakoso me mma mmienzua nemɔ de, bɛboka ɛmɔ so. Mali ɛmɔ nyunu toonn fite me ngwadaa nu maa waadwu ɛnɛ kyẽa ye.

1 Samuel 8:5

beesele ye kyɛ, “Ayɛ aworowaa, yeɛ wɔ mma nemɔ koso bamva wɔ suban, yiti ye ɛhene ma yɛ ma oli yɛ so, kyɛbɔ maen ngaa nemɔ bɛyɔ ne ala.”