1 Samuel 8:11 - AHYERƐLƐ KRONGRON

¹¹ Na osele kyɛ, “Ɛhene bɔ ɔbaali ɛmɔ so ne, sɔ atee he yeɛ ɔkɔfa ɛmɔ kɔfa so ɔ: ye koɛ teaseɛnam mɔ ne ye mbɔngɔ nemɔ, ɔkɔhyɛ ɛmɔ mma mmienzua maa bɛkɔhã, na ɔkɔmaa bekotu amirika bekoli koɛ teaseɛnam nemɔ nyunu bɛkɔbɔ ye nwo waen.

1 Samuel 8:11 Iomraidhean Croise

2 Samuel 15:1

Ɛhe asi ye, Absalom fale teaseɛnam ne mbɔngɔ, ɔne mmienzua aburannu bɔ bɛkɔbɔ ye nwo waen ɔ.

1 Ahemvo 1:5

Na Adoniya bɔ oni ole Hagite ne, ɔyɛle anwomasoɛ sele kyɛ, “Me yeɛ ngoli bia ne ɔ.” Yiti ɔɔpenane teaseɛnam mɔ ne mbɔngɔhanɛfoɛ, yeɛ mmienzua aburannu bɔ bekoli ye nyunu bɛkɔbɔ ye nwo waen ɔ.

1 Ahemvo 10:26

Solomon boaboale teaseɛnam mɔ ne mbɔngɔ noa. Né ole teaseɛnam apee ko ɛyaa nna ne pɔngɔhanɛfoɛ apee buru ne nyɔ. Ɔfale bie hɔle mbɔngɔ nguro biemɔ aso, yeɛ ɔmane ebie koso hale ye nwo berɛ wɔ Yerusalem.

1 Ahemvo 12:10

Ye ti pɛen mmerandeɛ bɔ ɔne bɛ tu nu nemɔ buale ye kyɛ, “Mmenia hemɔ bɔ baafa bato wɔ nyunu kyɛ, ‘Wɔ baba maa yɛyɔle adwuma serɛ paa. Yiti kekesaala ye, te so ma yɛ,’ ne, bua bɛ kyɛ, ‘Me sa mmɛseka bɔ oli nziɛ ne po, ɔte piri tra me baba sisia.

1 Ahemvo 12:4

“Wɔ baba maa yɛyɔle adwuma serɛ paa. Yiti kekesaala ye, wɔ baba anyandim bɔ olili ye wɔ yɛ so ne, ɔne adwuma serɛserɛ bɔ ɔfa tole yɛ so ne, te so na yɛkɔso wɔ.”

1 Ahemvo 14:27

Yiti nziɛ ye, Nana Rehoboam yɔle kɔɔbere akokyɛm mɔ fa sili bɛ gya nu, na ɔfa wurale awɛmvoɛ mbanyi bɔ ne bɛwɛne ahemvie berɛ anoa nemɔ sa.

1 Ahemvo 18:46

Nakoso né AWURADE tumi gyi Elia si. Elia bɔle ye abɔsoɛ tuli amirika lili Ahabo teaseɛnam ne anyunu alaa oodwuli Yesreel.

1 Samuel 10:25

Samuel hane ahennie ne nwo nhyehyɛleɛ ne mmeraa hyirele maen ne. Ɔhyerɛle ye wɔ nwomaa nu, na ɔfale nwomaa ne tole AWURADE nyunu. Afei Samuel mane mmenia ne amukoraa betuli apo besa bɛhɔle b’awuro.

1 Samuel 14:52

Sɔɔlo aberɛ so amukoraa, ɔne Filistifoɛ bɛhone koɛ bɔ nu yɛ se ɔ. Sɛ né onwu bienzua anwoserɛniɛ anaa koɛhonɛniɛ ahoneserɛniɛ biala a, ɔfa ye boka ye koɛhonɛfoɛ nemɔ aso.

1 Samuel 22:7

Na Sɔɔlo sele ye somvoɛ mɔ bɔ begyigyi ye nwo berɛ ne kyɛ, “Ɛmɔ Benyaminfoɛ, ɛmɔtie! Yese awa ne, aso ɔkɔma ɛmɔ nu biala eboo anaa bobe boo? Aso ɛmɔ amukoraa, ɔkɔbɔ ɛmɔ koɛhonɛfoɛ apee apee so safohene, anaa ɛyaa ɛyaa so safohene?

1 Samuel 8:9

Wɔ de, de b’edwirɛ ne to nu; nakoso kanzo bɛ kitii, ná maa benwu atee horɛ bɔ ɛhene ne kɔfa so koli bɛ so ɔ.”