1 Samuel 7:9 - AHYERƐLƐ KRONGRON

⁹ Yiti Samuel fale boaen ba bɔ otua nyɔfone noa bɔle afɔleɛ mumua yeralɛ mane AWURADE. Afei Samuel sũ frɛle AWURADE mane Yisrael, na AWURADE tiele ye mbaeɛ.

1 Samuel 7:9 Iomraidhean Croise

Edwein 50:15

Sũ frɛ me wɔ w’amaneɛnwunɛ mmerɛ nu, na ngɔpepɛ ngole wɔ, amaa ɔnate so ahyɛ me animnyam.”

Edwein 99:6

Né Mose ne Aarɔn bɛboka ye asɔfo nemɔ aso; né Samuel boka bɛ bɔ bɛbɔ ye dumaa bɛsɔne ye nemɔ aso. Besu bɛfrɛle AWURADE, na otiele bɛ.

Yeremia 15:1

Na AWURADE sele me kyɛ, “Sɛ Mose ne Samuel po bɛbagyina me nyunu bɛpa kyerɛ a, me kra ngonwu maen he anwumvoin. Foa bɛ fi me nye so maa bɛhɔ!

Lewitikɔso 22:27

“Sɛ bɛwo nandwie anaa boaen anaa abɔngye a, ɔkɔtena oni anwo ɛlɛsoo. Ofi ye ɛlɛbɔtwɛ ne aso ne, sɛ bɛyera ye bɛfa bɛbɔ afɔleɛ bɛma AWURADE a, ye nye kɔsɔ.

Deuteronomi 9:26

Na nzrɛle AWURADE kyɛ, ‘O AWURADE Nyameɛ, nnɛkuku wɔ mmenia bɔ bɛte wɔ nnehyeɛ bɔ ɛnate wɔ tumi so elele bɛ ne, bɔ ɛnate w’abasa nu serɛ so ɛyele bɛ fili Misraim wale ne.

Yakobo 5:16

Yiti ɛ́mɔkekã ɛmɔ mvomsoɛ behyirehyire ɛmɔ nwo, ná ɛ́mɔbobɔ mbaeɛ bɛma ɛmɔ nwo, amaa ɛmɔate apɔ. Na teneneeniɛ mbaeɛ bɔ nu yɛ se ne, ɔkora yɔ nikyee biala.

Maenbulɛfoɛ 6:26

Si afɔleɛ bokyea ma AWURADE wɔ Nyameɛ wɔ bokaa he ti afia, ná hyehyɛ afɔleɛ bokyea nyɔboɛ ne pɛpɛɛpɛ. Afei fa nandwie nyii bɔ ɔtɔ so nyɔ ne, ná fa bosoen Asera dosii bɔ ɛkɔpɛ ne boka so bɔ naen yeralɛ afɔleɛ.”

Maenbulɛfoɛ 6:28

Kuro berɛ ama dwɔsole ngyerɛmɔ tutuutu ne, benwuni kyɛ ebie abubu Baal afɔleɛ bokyea ne, ebie apɛ bosoen Asera dosii bɔ ogyi ye ngyɛnu berɛ ne wato ase, na ebie afa nandwie nyii bɔ ɔtɔ so nyɔ ne wabɔ afɔleɛ wɔ afɔleɛ bokyea bɔ basi ne aso.

1 Samuel 10:8

Na ɛhe asi ne, di me nyunu moa kɔ Gilgal, na ngooyia wɔ berɛ ngɔbɔ naen yeralɛ afɔleɛ ne asomdwee afɔleɛ. Tena berɛ nwondɛ ɛlɛsoo, kɔpem kyɛ ngɔɔto wɔ berɛ ná ngohyire wɔ bɔ odi kyɛ ɛyɔ ɔ.”

1 Samuel 12:17

Aso nna atokoɔtelɛ mmerɛ ɛhe? Ngɔsrɛ AWURADE maa ɔkɔma agralaa kɔtete, ná wasa wama esue atɔ. Na ɛmɔkonwu ye, ná ɛmɔale bato nu kyɛ ɛmɔayɔ amumuyɛɛ piri wɔ AWURADE nyunu, kyɛ ɛmɔabisa maa wasi hene wama ɛmɔ ɔ.”

1 Samuel 16:2

Na Samuel bisale kyɛ, “Ɔkɔyɛ sɛɛ né mahora mahɔ? Sɛ Sɔɔlo te sɔ dwirɛ ne a, okohu me.” Na AWURADE buale kyɛ, “Ɛkɔ a, fa nandwie beleɛ akrɔngrɔma ko kɔ, ná kɔha kyɛ, ‘Mawa kyɛ mebaabɔ afɔleɛ mema AWURADE.’

1 Samuel 2:35

Me de, ngɔtete ɔsɔfo nahorɛniɛ ko ngɔma me bɔbɔ me nwo, na ye yeɛ okoli m’ahone nu dwirɛ ne me nhyehyɛleɛ so ɔ. Ngɔma ye bosofoɛ koli sɔfo kɔhyɛ, na okoli sɔfo afebɔɔ kɔso sona bɔ mapopa ye ngoo ne.

1 Samuel 7:17

Né ɔyɛ a, osa ba Rama, ofikyɛ ye kuro ɛne, na né ɔte berɛ yeɛ obu Yisrael maen ne ɔ. Na osili afɔleɛ bokyea berɛ mane AWURADE.

1 Samuel 9:12

Bebuale kyɛ, “Yoo, ɔwɔ berɛ, oli wɔ nyunu moa. Ma wɔ nwo yɛ nyera, na bekye ala yeɛ waadwu kuro wa ɔ, ofikyɛ maen ne baabɔ afɔleɛ ɛnɛ wɔ asɔneyɛɛ so berɛ.