1 Samuel 7:6 - AHYERƐLƐ KRONGRON

⁶ Yiti beeyiale nu wɔ Misepa, na bɛsale nzue behwie beguale ase bɛbɔle afɔleɛ bɛmane AWURADE. Bɛhyele hɔen sɔ kyẽa ne, na bɛhane kyɛ, “Yayɔ bɔne yatia AWURADE.” Na Samuel tenane Misepa buli Yisrael maen ne.

1 Samuel 7:6 Iomraidhean Croise

Gyenesise 31:49

Na osa frɛle berɛ Misepa, ofikyɛ ɔhane kyɛ, “Sɛ yɛpakyepakye nu a, AWURADE osisa yɛ munyɔ.

2 Samuel 14:14

Ewue de, yɛ mukoraa yɛkowu. Yɛte kyɛ nzue bɔ bahwie bagua ase, bɔ bɛsesa a ɔnyɛ yé ɔ. Nyameɛ de, ɔnga mogya ngua, na mmom ebiala bɔ ɔne ye b’afia atete ne, ole nhyehyɛleɛ bɔ ɔnate so osa twe ye bata ye nwo ɔ.

1 Ahemvo 8:47

nakoso sɛ bɛ nye ba bɛ nwo so wɔ aseɛ bɔ bahye bɛ nnure bahɔ so ne aso, benu bɛ nwo, ná besu bɛfrɛ wɔ wɔ mmenia bɔ baali bɛ sa nu ne b’aseɛ so kyɛ, ‘Yayɔ bɔne, yayɔ mvomsoɛ; yayɔ amumuyɛɛ’ɛ

1 Aberɛso Dwirɛ 11:18

Yiti koɛhonɛfoɛ ahoneserɛfoɛ nza nemɔ sili bɛ hue bɛhɔle Filistifoɛ asikyeleɛ ne anu. Na abura bɔ ɔwɔ Betlehem kuro berɛ pambim ne anwo ne, bɛsale nu nzue ne bie bɛbrɛle Dawide. Nakoso wanno, na mmom ohwie guale mane AWURADE.

2 Aberɛso Dwirɛ 20:3

Né Yehosafate suro, yiti osũ frɛle AWURADE, na ɔhyehyɛle akɔngyere wɔ Yuda maen amukoraa nu.

Nehemia 9:27

Yiti ɛfale Yisraelfoɛ wurale bɛ pɔfoɛ mɔ sa maa bɛhyɛle bɛ so. Na b’amaneɛnwunɛ nu ne, besu bɛfrɛle wɔ, na etiele bɛ mbaeɛ fili nyameɛso. Na kyɛbɔ w’anwumvoinnwunɛ piri ne te ne, ɛyele defoɛ mɔ mane bɛ maa bɛpepɛ belele bɛ befili bɛ pɔfoɛ mɔ sa nu.

YOB NWOMAA NE 16:20

Me damvo mɔ po bɛgoro me nwo, nakoso Nyameɛ yeɛ meporo moen mekyire ye ɔ,

YOB NWOMAA NE 3:24

Me suɛ akakyi m’aleɛ, yeɛ me penelɛ wayɛ kyɛ nzue bɔ behwie begua ɔ.

YOB NWOMAA NE 33:27

Na sɔ sona ne to dwein kyire mmenia kyɛ, ‘Nyɔle bɔne, nyɔle bɔ ɔtte mayee ɔ, nakoso wandua me so kerɛ kyɛbɔ ɔfata ɔ.

YOB NWOMAA NE 40:4

“Nahorɛ nu, nnde huu! Ɔkɔyɛ sɛɛ né manya mmuayɛɛ mama wɔ? Mafa me sa mato me noa.

YOB NWOMAA NE 42:6

Yiti manu me nwo, na me nwo yɛ me nya, na mafa mvuture ne nzoen magua me nwo.”

Edwein 106:6

Yɛne yɛ nana mɔ yayɔ bɔne; yayɔ amumuyɛɛ, na yayɔ bɔne piri.

Edwein 119:136

Mebɔ me nye a, ɛmoen ngome tatatata, ofikyɛ mmenia nni wɔ mmeraa ne aso.

Edwein 42:3

Me nye moen yeɛ wakakyi m’aleɛ eyia ne kɔngɔen ɔ; daa biala mmenia bisa me kyɛ, “Wɔ Nyameɛ ne, ɔwɔ nisua?”

Edwein 6:6

Ɛpenenɛ amaa mayɛ hodwoo; kɔngɔen biala, ɛmoen ma me bɛen doa fotii, na me suɛ ma me mba doa.

Edwein 62:8

Ao kuro mmenia, odi kyɛ ɛmɔfa bɛ nwo bɛto ye so mmerɛ biala, ná ɛ́mɔfa ɛmɔ ahiasɛm bɛto ye nyunu, ofikyɛ Nyameɛ te y’afealeɛ. Sela

Yeremia 31:19

Amba, nzale me si, na ye si ye, nzakyerale m’adwene. Na ye si ye bɔ me nye wale me nwo so ne, mvale me sa nguale m’ahone so; mvɛrele, na me nyunu guale ase, ofikyɛ mmɔle nyanzoen bra wɔ me mmerandeɛ nu.’

Yeremia 36:9

Na ɔwale kyɛ, Yuda hene Yehoakim bɔ ye baba ole Yosia ne, ye ahennie afoɛ bɔ ɔtɔ so nnu ne, bosome ngona ne anu, Yerusalemfoɛ amukoraa ne mmenia amukoraa bɔ befili Yuda nguro nemɔ aso bɛwale Yerusalem ne, bɛyɛle akɔngyere wɔ AWURADE nyunu.

Yeremia 9:1

Ao, ahaa né me ti te mbombonzue, ná me nye te abura bɔ opu moen ɔ. Ahaa eyia ne kɔngɔen ngosu me maen awa brasua ye mmenia bɔ bahũhũ bɛ ne!

Awuye 2:11

Ɛmoen ama me nye ayie bɔ, me kunu tete me. ‘Aworabɔlɛ atira me ɔnate me maen awa brasua bɔ basɛkye ye ne ati, ofikyɛ ngwadaa ne nnɔma mɔ bɛ nye so aburu bɛ wɔ kuro berɛ dwaa nemɔ aso.

Awuye 3:49

“Me nye moen poro, ɔnyakyi porolɛ, na ye bo mbɛ,

Awuye 5:16

Y’ahennie abotire ne, watu wafi yɛ ti so. Edwirɛ ato yɛ oo, ɔnate kyɛ yayɔ bɔne!

Hesekiel 20:4

Ekobua bɛ ndɛen anaa, Sona awa? Ekobua bɛ ndɛen anaa? Nzaade maa benwu bɛ nana mɔ b’akyiwadeɛ bra bɔ bɛbɔle ɔ;

Hosea 5:1

Ao asɔfo, ɛ́mɔtie edwirɛ he, ɛmɔ, Yisrael awuro ama, ɛ́mɔyɛ asoɛ betie. Ao, ɛhene awuro ama, ɛ́mɔtie, ofikyɛ ndɛenbualɛ ne, ɔ́ba ɛmɔ so; ofikyɛ ɛmɔakakyi ngaen wɔ Misepa, ɔne ɛtɛen bɔ batrɛtrɛ nu wɔ Tabɔ so ɔ.

Yoel 2:12

“Na afei, odi kyɛ ɛmɔfa ɛmɔ ahone amukoraa ne akɔngyere ne esuɛ ne aworabɔlɛlilɛ besa bɛba me berɛ,” AWURADE noa dwirɛ ɛne.

Lewitikɔso 16:29

“Odi kyɛ ɛhe yɛ ahyɛdeɛ ma ɛmɔ: bosome nzoo ne, ye kyẽa bɔ ɔtɔ so buru ne, odi kyɛ ɛmɔkye ɛhɔen; kuromani oo, ɛwɔfoɛ bɔ waatena ɛmɔ nu oo, nnɛma ebiala yɔ adwuma biala.

Lewitikɔso 26:40

“Nakoso sɛ bɛka b’amumuyɛɛ ɔne bɛ nana mɔ amumuyɛɛ: kyɛ bɛyɛle ɛlɔen betiale me, na afei bɛtoale so bedwɔso betiale me,

Luka 15:18

Ngodwɔso ngɔhɔ me baba berɛ, ná mahã mahyire ye kyɛ: Baba, mayɔ nyameɛso ne wɔ nyunu bɔne;

Yosua 18:26

Misepe, Kefira, Mosa,

Maenbulɛfoɛ 10:10

Yiti Yisraelfoɛ sũ frɛle AWURADE kyɛ, “Yayɔ bɔne yatia wɔ, ofikyɛ wɔ bɔ ɛte yɛ Nyameɛ ne, yayakyi wɔ si lilɛ yaaso Baal mɔ.”

Maenbulɛfoɛ 10:15

Na Yisraelfoɛ sele AWURADE kyɛ, “Yayɔ bɔne, yiti bɔ wɔ bɔbɔ ekuro biala, fa di yɛ. Nakoso, pepɛ de yɛ kekesaala ye!”

Maenbulɛfoɛ 2:4

AWURADE abɔfo ne hane edwirɛ he hyirele Yisraelfoɛ amukoraa yiele nen, besuni hahii.

Maenbulɛfoɛ 20:23

Yeɛ Yisraelfoɛ beesuni wɔ AWURADE nyunu maa oodwuli nɔsoa, na bebisale AWURADE kyɛ, “Aso yɛsa yɛɛfa koɛ yɛteta y’eliɛma mɔ Benyaminfoɛ anaa?” Na AWURADE buale kyɛ, “Ɛ́mɔfa koɛ bɛɛteta bɛ.”

Maenbulɛfoɛ 20:26

Yeɛ Yisrael koɛhonɛfoɛ ne amukoraa, besa bɛhɔle Betel bɛɛtenane AWURADE nyunu besuni. Sɔ kyẽa ne, bɛhyele ɛhɔen maa oodwuli nɔsoa. Afei bɛbobɔle naen yeralɛ afɔleɛ ne asomdwee afɔleɛ wɔ AWURADE nyunu.

Maenbulɛfoɛ 3:10

AWURADE Sunzum kanyane Otiniɛl, na Otiniɛl ɔɔlale Yisrael maen ne noa. Ɔhɔle koɛ, na AWURADE fale Siria hene Kusan Risatim wurale ye sa. Olili Kusan Risatim so ngonim.

1 Samuel 1:15

Nakoso Hana buale kyɛ, “Nna sɔ ɔ, me mene, nde brasua bɔ me wora abɔ paa ɔ. Nnnone bobe nzaa anaa nzaa serɛ biala, na mmom m’aworabɔlɛ dwirɛ yeɛ méfa méto AWURADE nyunu ɔ.

1 Samuel 10:17

Samuel tole asaa frɛle Yisrael maen ne maa bɛwale AWURADE nyunu wɔ Misepa,

1 Samuel 12:10

Afei besu bɛfrɛle AWURADE kyɛ, “Yayɔ bɔne, ofikyɛ yayakyi AWURADE si lilɛ yaaso Baal mɔ ne Astarote mɔ. Nakoso, de yɛ fi yɛ pɔfoɛ mɔ sa nu, na yɛkɔso wɔ.’

1 Samuel 7:15

Samuel buli Yisrael maen ne mmerɛ amukoraa bɔ ɔtenane ase ɔ.