1 Samuel 7:2 - AHYERƐLƐ KRONGRON

² Ofi kyẽa bɔ bɛfale alaka ne bɛhɔle Kiriate Yearim ne, ɔhyɛle paa wɔ berɛ, kɔyɛ afoɛ aburanyɔ. Na Yisrael awuro ama mukoraa belili aworabɔlɛ bɛpenane AWURADE si atee.

1 Samuel 7:2 Iomraidhean Croise

1 Aberɛso Dwirɛ 13:3

Afei, ɛ́mɔma yɛsa yɛɛfa Nyameɛ alaka ne yɛbra, ofikyɛ Sɔɔlo aberɛ so, yambena ye boso.”

1 Aberɛso Dwirɛ 13:5

Yiti Yisrael amukoraa, ofi asue Sihɔ bɔ ɔwɔ Misraim ɔkwaadwu Lebo Hamate, Dawide tole ye sa frɛle bɛ kyɛ bɛɛboka ma bɛfa Nyameɛ apam alaka ne béfi Kiriate Yearim bɛbra.

Yeremia 26:20

Né biaa foforɛ bie koso wɔ berɛ bɔ ɔfa AWURADE dumaa hyɛ ngɔm ɔ. Ye ole Yuria bɔ ye baba ole Kiriate Yearimniɛ Semaya ne. Ye yeɛ ɔhyɛle ngɔm tiale kuro he ne aseɛ he, kyɛbɔ Yeremia deɛ ne te ne ala ɔ.

Yeremia 3:13

Wɔ de, de w’amumuyɛɛ to nu, kyɛ ayɛ AWURADE wɔ Nyameɛ nwo lɔen, afa wɔ ɔdɔ ama ɛwɔfoɛ mɔ wɔ bakaa monɛ biala abo, na ɛmɔandie me noa dwirɛ, AWURADE noa dwirɛ ɛne.

Yeremia 31:9

Bele esuɛ ne ngotosrɛ yeɛ bɛkɔwa ɔ, na ngoli bɛ nyunu. Ngɔmaa bɛkɔnate bɛkɔhɔ asue noa, wɔ atee bɔ ɔtengyɛ bɔ bengosoti wɔ so ɔ so; ofikyɛ me yeɛ nde Yisrael ye baba ɔ, na Efraim yeɛ ɔte me bamuɛbaa ɔ.

Mateo 5:4

“Bɛ bɔ bɛ wora abɔ ne banya saleɛ, ofikyɛ bɛ yeɛ bɛkɔkyekye bɛ wora ɔ.

Yosua 9:17

Yiti Yisraelfoɛ tuli bɛ bo befili asikyeleɛ ne anu berɛ, na ye ɛlɛsa ne aso, beedwuli Gibeonfoɛ nguro nemɔ aso. Bɛ nguro nemɔ ole: Gibeon, Kefira, Beerote ne Kiriate Yearim.

Maenbulɛfoɛ 2:4

AWURADE abɔfo ne hane edwirɛ he hyirele Yisraelfoɛ amukoraa yiele nen, besuni hahii.

1 Samuel 7:1

Yiti Kiriate Yearimfoɛ wale bɛɛfale alaka ne bɛhɔle, na bɛfa bɛhɔle Abinadabo awuro wɔ bokaa ne aso. Na bɛtele ɔwa bienzua Eleasa nwo kyɛ ɔ́nea AWURADE alaka ne aso.

1 Samuel 7:3

Afei Samuel sele Yisrael awuro ama amukoraati kyɛ, “Sɛ ɛmɔ ahone nu paa yeɛ ɛmɔsa bɛba AWURADE berɛ a, nzaade ɔsɛ kyɛ ɛmɔye Amaenmaensofoɛ nyameɛ mɔ ne mmosoen Astarote befi ɛmɔ nu begyi begua. Ɔsɛ kyɛ ɛmɔtu ɛmɔ nwo besie berɛ bɔkɔɔ bɛma AWURADE, ná ɛmɔso ye ngome, na okole ɛmɔ kofi Filistifoɛ sa nu.”