1 Samuel 7:14 - AHYERƐLƐ KRONGRON

¹⁴ Yisrael nguro bɔ Filistifoɛ le fili bɛ sa nu ne, AWURADE lele Yisrael nikyee mane ye, fite Ekron bɔ ɔkwaadwu Gate. Nguro nemɔ nwo aseɛ koso, Yisrael le fili Filistifoɛ sa nu. Na asomdwee koso wale Yisrael ne Amorifoɛ b’afia.

1 Samuel 7:14 Iomraidhean Croise

1 Aberɛso Dwirɛ 18:1

Nziɛ ye, Dawide fale koɛ ɔɔtoale Filistifoɛ, na ɔbrɛle bɛ ase. Olele Gate ne ye nwo nguraa fili Filistifoɛ sa nu.

Edwein 106:34

Yisraelfoɛ banguku maen maen nemɔ so mmenia bɔ AWURADE fale bɛ nwo ahyɛdeɛ mane bɛ ne,

Numeri 13:29

Amalɛkefoɛ nemɔ bɛte ngwaen dɔ aseɛ ne aso; Hitifoɛ, Yebusifoɛ, ɔne Amorifoɛ nemɔ bɛte mmokaa aseɛ ne aso, yeɛ Kanaanfoɛ te mboanoa ne asue Yɔɔdan noa.”

Deuteronomi 7:16

Na ekohũhũ mmenia bɔ AWURADE wɔ Nyameɛ kɔfa bɛ kowura wɔ sa ne amukoraati. Nnɛnwu bɛ anwumvoin, yeɛ nnɛso bɛ nyameɛ nemɔ, ofikyɛ ɛhe kɔyɛ wɔ so ngaen.

Deuteronomi 7:2

ná sɛ AWURADE wɔ Nyameɛ fa bɛ wura wɔ sa, ná edi bɛ so ngonim a, ye de ɔsɛ kyɛ ekuku bɛ bɔkɔɔ. Nnɛne bɛ yɛ apam, yeɛ nnɛnwu bɛ anwumvoin.

Yosua 10:5

Na Amorifoɛ ahemvo nnu ne: Yerusalem hene, Hebron hene, Yamute hene, Lakise hene ɔne Eglon hene boaboale bɛ koɛhonɛfoɛ mukoraati noa, na bɛ ne koɛhonɛfoɛ ne amukoraa beetuale Gibeon kyɛ bɛ ne bɛ kwaaho.

Yosua 15:11

Ɛwɛen ne kɔ Ekron sorɔ dɔ bokaa ne ndoroleɛ nu. Afei ɔkondo kɔ Sikeron, ɔpɛ nu kɔ Baala bokaa ne aso kodwu Yabeneel, na afei ye noa kɔpem ɛpo ne.

Maenbulɛfoɛ 4:17

Né Sisera anwati ye gya kunu, na ɔhɔle Keniniɛ Heberi ɔye Yaele ye ɛtena sua nu; ofikyɛ Hasɔ hene Yabin ɔne Keniniɛ Heberi abusuafoɛ, b’afia te wosee.