1 Samuel 7:10 - AHYERƐLƐ KRONGRON

¹⁰ Na Samuel gu so ɔbɔ naen yeralɛ afɔleɛ nen, Filistifoɛ pingyele Yisraelfoɛ kyɛ bɛ ne bɛ baaho. Nakoso AWURADE bɔle nu kurudududu serɛserɛ guale Filistifoɛ so sɔ kyẽa ne mane bɛ nye so tanene, na ɔmane Yisraelfoɛ huhuni bɛ.

1 Samuel 7:10 Iomraidhean Croise

Edwein 18:15

Afei ɛpo ye bo dɔ aseɛ yele ye nwo ali, na aseɛ nyinasoɛ nwo lale berɛ, ofikyɛ, ao AWURADE, ɛhane bɛ nyunu, yeɛ nwomeɛ koso fili wɔ bonyi anu tu wale ne ati ɔ.

Edwein 29:3

Yɛte AWURADE komvi wɔ asue nemɔ aso, animnyam Nyameɛ ɔbobɔ nu kurudududu, AWURADE bobɔ nu wɔ asue mbiri mbiri nemɔ aso.

Edwein 29:4

AWURADE komvi ne, tumi wɔ nu; AWURADE komvi ne, nu animnyam te totohyia.

Edwein 78:66

Ohuhuni ye pɔfoɛ mɔ pasapasa, na oguale bɛ nyunu ase afebɔɔ.

Sakaria 4:6

Na obuale me kyɛ, “AWURADE dwirɛ bɔ ɔkã kyire Serubabɛl ole kyɛ: Nna anwoserɛ ɔ, yeɛ nna tumi ɔ, na mmom me Sunzum ɔ. Asafo AWURADE noa dwirɛ ɛne.

Deuteronomi 28:7

“Wɔ pɔfoɛ mɔ bɔ bedwɔso betia wɔ ne, Nyameɛ kɔmaa bekoli ngoguo wɔ wɔ nyunu. Bɛkɔfa atee ko aso bɛkɔwa wɔ so, nakoso bɛkɔfa atee ahoroɔ nzoo so bɛkɔnwati bekofi wɔ nyunu.

Yosua 10:10

Na AWURADE mane bɛ nye so tanene bɛ wɔ Yisraelfoɛ nyunu. Yisraelfoɛ huhuni bɛ paa wɔ Gibeon, na bɛfoane bɛ maa bɛɛfale Bete Horon pambaa atee ne aso, na behuhuni bɛ alaa beedwuli Aseka ne Makeda.

Maenbulɛfoɛ 4:15

Na AWURADE mane ahunundetelɛ tɔle Sisera so, ɔne ye teaseɛnamhanɛfoɛ amukoraa so, yeɛ ye koɛhonɛfoɛ amukoraa so wɔ Barake nyunu. Sisera dwu fili ye teaseɛnam ne aso nwatili ye gya kunu.

Maenbulɛfoɛ 5:20

Nzramaa mɔ fili nyameɛso bɛɛhone; bɛnate b’atee so bɛhone betiale Sisera.

Maenbulɛfoɛ 5:8

Beelili nyameɛ foforɛ mɔ si, maa ɔnate so koɛ ɔɔtoale bɛ wɔ kuro berɛ pambim nu. Aso benwuni akokyɛm ne pealɛɛ wɔ Yisrael koɛhonɛfoɛ apee aburanna nemɔ nwo?

1 Samuel 12:17

Aso nna atokoɔtelɛ mmerɛ ɛhe? Ngɔsrɛ AWURADE maa ɔkɔma agralaa kɔtete, ná wasa wama esue atɔ. Na ɛmɔkonwu ye, ná ɛmɔale bato nu kyɛ ɛmɔayɔ amumuyɛɛ piri wɔ AWURADE nyunu, kyɛ ɛmɔabisa maa wasi hene wama ɛmɔ ɔ.”

1 Samuel 14:15

Ahunundetelɛ tɔlɛ ɛlɔen ne amukoraa so wɔ asikyeleɛ ne anu, ɔne eburo. Ahunundetelɛ tɔle koɛhonɛfoɛ nemɔ ne bɛ bɔ bɛbɔ apaa ne aso, aseɛ wosole, na ɛserɛ piri paa hane bɛ.

1 Samuel 2:10

Okoyie AWURADE pɔfoɛ mɔ pasapasa, Anwuro Anwuro Nyameɛ kɔbɔ nu kurudududu kofi nyameɛso kogua bɛ so, AWURADE kobua aseɛ so amukoraa ndɛen, ɔkɔma ye hene ne anwoserɛ, na ɔkɔma bɔ wapopa ye ngoo ne konya tumi.”

1 Samuel 7:11

Yeɛ Yisrael koɛhonɛfoɛ fili Misepa fitele bɛɛfoane Filistifoɛ, na behuhuni bɛ toonn beedwuli Bete Kare si dɔ.