1 Samuel 6:9 - AHYERƐLƐ KRONGRON

⁹ Afei ɛ́mɔfa ɛmɔ nye beli ye si. Sɛ ɔfa atee ne aso ɔkɔ Bete Semese ɔkɔ ye bɔbɔ ye maen nu a, ye de AWURADE yeɛ wafa amaneɛ piri he wato yɛ so ɔ. Nakoso sɛ wangɔ dɔ a, ye de yɛkonwu ye kyɛ nna AWURADE yeɛ wafa amaneɛ piri he wato yɛ so ɔ, na mmom asane bie mbaen yeɛ wato yɛ ɔ.”

1 Samuel 6:9 Iomraidhean Croise

2 Samuel 1:6

Na aberandeɛ bɔ ɔɔbɔle amaneɛ ne buale kyɛ, “Ngɔ mvitele Gilboa bokaa ne aso, na mvum nu, nwuni kyɛ Sɔɔlo kisa ye pealɛɛ ne. Sɔ mmerɛ ne, né teaseɛnam mɔ ne pɔngɔhanɛfoɛ mɔ bafoa ye bapingye ye.

1 Ahemvo 4:9

Ben Dekɛre bɔ ɔnea Makase, Saalebim, Bete Semese ne Elon Bete Hanan so,

2 Aberɛso Dwirɛ 25:21

Yiti Yisrael hene Yoase hɔle ɔne Yuda hene Amasia bɛɛfale koɛ bɛtetale so wɔ Yuda kuro Bete Semese.

Ɛksadɔso 8:15

Faro nwuni kyɛ bɛ nwo atɔ bɛ kãa, yiti obubuli mmakaa tuale ye so, na wandɛ bɛ so, kyɛbɔ AWURADE hane ne ala.

Nworɛ Dwirɛhanɛniɛ 9:11

Nza nwuni kyɛ ewiase wa, nna bɛ bɔ bɛ nwo yɛ nyera ɔ yeɛ bedi amirikatulɛ nu ngonim ɔ; nna anwoserɛfoɛ yeɛ bedi koɛ nu ngonim ɔ; nna nworɛfoɛ yeɛ benya bɛ noa aleɛ ɔ, nna badwemma mɔ yeɛ benya bɛ nwo ɔ; yeɛ nna nimdeɛfoɛ yeɛ benya animnyam ɔ; nakoso mmerɛ ne mmerɛ tɛɛ la berɛ ma bɛ mukoraa.

Yesaya 26:11

O AWURADE, apagya wɔ sa so, nakoso bennwu ye. Maa benwu kyɛbɔ esi kuro wɔ maen dwirɛ ɔ, ná bɛ nyunu ogua ase. See bɔ asiesie ama wɔ pɔfoɛ mɔ ne, maa ɔyera bɛ.

Amose 3:6

Aso behu totorobɛndo wɔ kuro so, bɔ ɛserɛ nga berɛ ama ɔ? Aso amaneɛ to kuro, bɔ nna AWURADE yeɛ wamaa wawa ɔ?

Luka 10:31

Na ɔwale kyɛ, ɔsɔfo bie ɔɔfale atee ne aso; na onwuni ye nen, ɔfale atee ne bue dɔ hɔle.

Yosua 15:10

ɛwɛen ne fi Baala a, ɔkondo fa eyia atɔleɛ kɔ Sɛre bokaa ne anwo, ɔpɛ nu kɔ Yearim bokaa ndoroleɛ nu wɔ ye sorɔ dɔ, (bɔ bɛfrɛ berɛ Kesalon ne), ɔtorotoro kɔ Bete Semese, na ɔpɛ nu kɔ Timina.

Yosua 21:16

Ayin, Yuta, yeɛ Bete Semese. Bɛyele nguro ngona befili sɔ abusua kure nyɔ ne anu.

1 Samuel 6:10

Filistifoɛ yɔle sɔ ala: bɛfale nandwie mmeleɛ nyɔ bɔ bɛma bɛ mma nyɔfone ne, bɛfale kɔnnua bɛsosɔle bɛ bɛbɔle teaseɛnam ne, na bɛhane bɛ mma nemɔ beguale tuin nu.

1 Samuel 6:12

Nandwie nemɔ hɔle bɛ nyunu tee bɛfale atimbire komapɛ aso bɛfale bɛ nye behyirele Bete Semese. Na nandwie nemɔ bɛkɔ ne, né besu. Bammakye bamva bɛen anaa famaa; na Filisti ahemvo nemɔ lili bɛ si toonn beedwuli Bete Semese ɛwɛen so.

1 Samuel 6:3

Na bebuale kyɛ, “Sɛ ɛmɔye Yisrael Nyameɛ apam alaka ne befi wa bɛkɔ a, ye de nnɛma ɛmɔfa ye mbaen bɛkɔ, na mmom ɔsɛ kyɛ ɛmɔfa foɛlilɛ afɔleɛ bɛboka so bɛkɔma ye. Na ɛhe kɔma ɛmɔ anwonyerɛ ne kɔhɔ, na ɛmɔkonwu bɔ yiti yeɛ ɔmma ye amaneɛ piri paa he omvi ɛmɔ so ye.”