1 Samuel 6:7 - AHYERƐLƐ KRONGRON

⁷ Yiti ɛ́mɔyɔ teaseɛnam monɛ kamee ko, ná ɛmɔfa nandwie mmeleɛ nyɔ bɔ bɛma bɛ mma nyɔfone, bɔ bɛffale kɔnnua bɛttole bɛ kɔme le ɔ. Ɛ́mɔfa bakaa bɛ́sosɔ nandwie nemɔ bɛ́bɔ teaseɛnam ne, nakoso bɛ mma nemɔ de, ɛ́mɔte bɛ béfi bɛ ni mɔ anwo bɛɛfa bɛ begua tuin nu.

1 Samuel 6:7 Iomraidhean Croise

2 Samuel 6:3

Bɛfale Nyameɛ alaka ne besiele teaseɛnam monɛ kamee so, na bɛye befili Abinadabo awuro bɔ ogyi pambaa so ne anu. Teaseɛnam monɛ kamee bɔ Nyameɛ apam alaka ne gyi so ne, Abinadabo mma Yusa ne Ahio yeɛ bɛfa bɛhɔle ɔ.

1 Aberɛso Dwirɛ 13:7

Bɛfale Nyameɛ alaka ne besiele teaseɛnam monɛ so. Bɛfa befili Abinadabo awuro. Yusa ne Ahio yeɛ né bɛkã teaseɛnam ne ɔ.

Numeri 19:2

“Mmeraa bɔ AWURADE ahyɛ ne, ye nwo ahyɛdeɛ ɛhe: Ka kyire Yisraelfoɛ kyɛ bɛ́fa nandwie beleɛ kɔkorɛ bɔ ollili nnɛen, bɔ ngekalewa biala ɔnne ye nwo, bɔ bɛffale kɔnnua biala bɛttole ye kɔme le ɔ bɛ́brɛ wɔ.

Deuteronomi 21:3

Na kuro bɔ opingye efuin ne paa ne, ɔsɛ kyɛ nu mbanyi fa nandwie beleɛ akrɔngrɔma bɔ bɛffale ye bɛyyɔle adwuma le, bɔ bɛffale kɔnnua bɛttole ye kɔme le ɔ;

Deuteronomi 21:4

na ɔsɛ kyɛ kuro ne anu mbanyi fa nandwie beleɛ akrɔngrɔma ne bɛkɔ bɔnza bɔ asue la nu ɔ, bɔ bɛssone ye le, anaa bɔ bɛyyɔle nu boo le ɔ nu; na ɔsɛ kyɛ bebu nandwie beleɛ akrɔngrɔma ne kɔme anu wɔ bɔnza ne anu berɛ.